قصة اماراتيه كاامله وتجنن اسمها: نسيم الشمال..

ام سعيد: احيد عمتك طارتلي ها السالفه قبل..
شيخه: من زمان ها السالفه.. يبوله حصوه..
سعيد وهو يطالعها بنظره: وشحقه ماتقولين ..
شيخه: بسم الله وشو يخصك انته..
سعيد: ها.. ماشي.. جب انتي.. علي ربيعي عوذ بالله لازم ايهمني امره..
شيخه: انزين محد قاالك لا تهتم لامره.. يوم هو ربيعك ماقالك انا شو يخصني..
سعيد: لله قايللي ..
شيخه: بسم الله وليش محترق انته الحينه..
سعيد: من متى انتي تعرفين؟
شيخه: ايها. من زماان..
ام سعيد: يلا شد حيلك انته وخلص عشان نخطبلك...
سعيد: لا ارتاحي امايه لاتخطبون لين انا اقولكم.. ادريبج حاطه عينج على وحده من بنات عمي يابر..
ام سعيد: بلاهن بنات عمك.. حريم مسنعات..
شيخه: امايه يوزوه موزوه بنت عموه ..والله احسن..هييههيهيهي تليقله..
سعيد: ماشي مونه.. امايه صدق تراني ارمس.. هب اتخطبيلي حد خواني كلهم ماخذين من بنات عمي ولا عماتي.. خلوني انا اغير..
شيخه: على منو حاط عينك انته ثرك..
سعيد: مالج خص انتي..
ام سعيد: بس خلاص انزين.. شويه وبتفالعون.. يوم بتخلص كليه هاذيج الساعه فكر فالعرس..
شيخه: هيهيهي حليله حرقوا ويهه..
سعيد وهو يقوم لشيخه .. وشيخوه ركضت عنه لانها صدق قهرته.. ويركض وراها وهو بيموت من الغصه وده يضرب اخته ضرب.. يالله هو يتعذب كل ها الاشهر ويحاول يبتعد قد مايقدر بس عشان ولد عمته والحينه يعرف انه فاهم السالفه كلها غلط..لا واخته تعرف بكل شي ولا تقوله.. دخلت شيخه حجرتها وهيه ميته من الضحك وقفلت الباب وراها وسعيد ايدقق ويتحلفلها ان مافجت..
شيخه: يا سلام افج الباب عشان تكفخني..
سعيد: فجي ويا ها الراس.. من متى تحيديني اضربج.. فجي والله برمسج بسالفه..
شيخه: لا اليوم مب ناوي على خير انته..
سعيد: والله ماضربج فجي..
شيخه: احلف..
سعيد: احلف..
شيخه وهيه تفتح الباب بشوي شوي.. ويدش سعيد ويسحبها من كشتها..
شيخه: يعلك الحوم.. تراك حالف..
سعيد: بسم الله من وين تسمعين انتي.. ما حلفت انا..
شيخه: أي سعود والله يعور فجني..
سعيد: تعرفين ودي امردقج بالعصا بعد..
شيخه: جييه حرمتك عشان تضربني.. فجني والله لخبر عليك ابويه..
سعيد: بعد اتهددين.. ومنو قالج ثرني بمد ايدي على حرمتيه فديتها والله.. يوم ابا اضربها بيي عندج وبضربج..
شيخه: بلاك مستوي شرير.. عاداك علوه ولد عمووه..
سعيد: هاهاهاها يمكن..
شيخه: فديتك بس عاد قطعتلي شعريه..
سعيد وهو يفجها..: بعده فخاطريه اضربج..
شيخه: ييه ييه .. شو مسوتلك ثرني..
سعيد: مادري جيه احس شي فداخليه متغصص منج..
شيخه: يالله ها كله عشان ماقلتلك عن علي وحصوه..
سعيد: يمكن..
شيخه وهيه تحك شعرها: يالله يعور يعلك ..
سعيد: عشان تتأدبين مره ثانيه.. (وظهر عنها وسار حجرته..)
شيخه: جريمه تراني مسويه عشان تأدبني.. مادري شو اللي قارصنك بها السالفه..

ـــــ بالباجر العصر فبيت بو محمد.. كانت مريم يالسه ويا امها وياخذن علوم بعض..
مريم: امايه تراني فليل بسير ويا موزه السوق..
ام محمد: جيه شو عندج..
مريم وهيه شاقه الحلج: باخذ اغراض لنوره..جيه ماتعرفين انه نوره وريلها بيردون الخميس الياي..
ام محمد: لاوالله ما عندي خبر..
مريم: امس كنت ارمسها وخبرتني..
ام محمد: هيه.. ياحيهم والله.. اسمع انه ريلها بخير الحينه..
مريم: الحمدلله.. اشوى وايد عن قبل.. وبيردون وبيكمل العلاج الطبيعي هنه..
ام محمد: ونوره خلاص بتم بيت ريلها..
مريم: هيه.. امايه تراني الاسبوع الياي ما بنزل هنه بسير بيت قوم عموه.. لازم ازور نوره..
ام محمد: وجاد انه عمتج يت هنه..
مريم: لا انا بدقلها وبقوللها..
ام محمد: عيل يبالنا كلنا انسيرلهم .. اكيد ام حمدان بسير..
مريم: مادريبكم والله.. بس المهم اني بسيرلها من اتي..
ام محمد: يالله بيردون تعبانين..
مريم: برايه .. بسيرلها ..
ام محمد: شو اسيرن يالله افتضحي..
مريم: اوكي بالجمعه عيل بسير.. بس بسير بسير..
ام محمد: دام الجمعه ليش اتعنين عمتج.. خلاص انزلي هنه ويوم الجمعه كلنا بنسير جداهم ..
مريم: اكييد.. هب رمسه ومناك خرييط..
ام محمد: وابويه عليج انا.. شو خريط ماخريط بعد..
مريم: هيهيهي ماقصدي امايه.. بس والله متولهه عليهاا..
ام محمد: يا حليلكن.. فرقتكن ها الدنيا اللي مامنها امان..

مريم: وبتجمعنا انشالله..
وشويه دخلت حصوه ووياها شيخوه..وسلمت شيخه على الموجودين ويلسن وياهن.. وعقب ام محمد شلت حموودي وعلايه وسارت برع عند الحريم.. ومريم شلت بعمرها وسارت حجرتها لانها كل ماتشوف شيخه صدق ترتبك وحتى رمستها تتغير ها كله لانه شيخه اخت سعيد!
و دقت مريم لحرمة عمها تتخبرها متى بسير وقالتلها عقب المغرب بتخطف عليها بالمره .. وعقب فتره يتها فطوم ..
فاطمه: مريوم وانتوا رادين خطفوا ع المكتبه اباج تاخذيلي اوراق بحث..
مريم: انزين شحقه ماتسيرين ويانا..
فاطمه: ماروم من اروح عنج بسير اذاكر عليه امتحان يوم السبت..
مريم: انزين بعده اليوم الخميس..
فاطمه: الكميه عوده انزين ابا اخلص جزئيه اليوم..
مريم: اونها بنت الابله.. خلي الجد السنه اليايه ..
فاطمه: يلا نتعود عليه من الحينه بعد احسن..
مريم: ياحيج..
فاطمه: قالتلج شموه انه نوره وريلها بيردون..
مريم: هيهيهي انا نوره بنفسها قايلتلي..
فاطمه: اسميكن.. قوم شمه بيسيرولهم يوم الجمعه..
مريم: حتى انا بسير..
فاطمه: ومنو بيوديج..
مريم: امج اكيد بسير ويا ام نوره.. وامايه وياهن وانا بعد..
فاطمه: ابا اسيير انا بعد..
مريم: هيهيهي ماحد بيخليج.. اليهال كلهم بيتمون عندج وعند حصوه..
فاطمه: اف.. والله خاطري اشوف نوره تولهت عليها..
مريم: كلنا يبوج ..
فاطمه وهيه اطالع من الدريشه: جنها شيخوه بنت خالي هنه..
مريم: هيه يايه من مساعه..
فاطمه: اونه.. ماشفتها يوم ييت..منو ياييبنها
مريم وهيه تجلب فاوراقها: شدراني..
فاطمه تبتسم بخبث وتسير صوب مريم: جنه سعيد يايبنها..
مريم: مادري..(وعيونها ع الاوراق..)
فاطمه: مريوم اشوفج..
مريم: ها.. بلاج..
فاطمه: هيهيهيهي بلاج قافطه احسبج..
مريم: لا عادي..
فاطمه: يالله يالله.. والله تنلاحظين.. لا تحاولين..
مريم اونها مب فاهمه: شو اتلاحظ بعد..
فاطمه: اونها عاده.. بسج عاد .. نفس ماكنتي حاسه فيني قبل تراني انا بعد حاسه فيج.. والله قلبي ناقزني من مته بس تراني ساكته..
مريم: انزين شوو..
فاطمه: بتخيدالي الحينه.. قولي شو امبينكم انتي وسعيد..
مريم وهيه متوتره وقلبها يدق: والله ماشي امبينا..
فاطمه: بسم الله عليج بلاج متبريده.. انا ماقصدي اللي فهمتيه.. هيهيهي اقصد شو من المشاعر امبينكم..
مريم: وياراسج..
فاطمه: والله مريوم قولي.. يالله انا احيدني فمره من المرات طلعتلج كل اللي فقلبي وخبرتج بكل شي..
مريم: لانه كان فقلبج شي..
فاطمه: احلفي انه مافقلبج شي صوب سعيد..
مريم وهيه تشل فايلها وتقوم: مثل شو يعني..
فاطمه: مادريبج.. خجلج منه .. حالتج يوم ينطرى اسمه.. نظرة عيونج وسرحانج الزايد.. ها كلهن يخلني اشك ..
مريم وهيه تحط ثيابها فالكبت عشان ادخنهن وتحاول تتهرب من الموقف باي طريقه: بشو اشكين..
فاطمه: تحبينه!
مريم من سمعت ها الكلمه قامت ايدها ترقل وطاح المدخن ع الارض وتكسر واليمر تنشح فالحجره.. فقامتلها فطوم ويابت كوب الماي وجبته ع اليمر وتيلسن يلقطن بقايا المدخن..
فاطمه: حليلج يا بنت عمي.. ها كله عشان سألتج تحبينه ولا..
مريم: مادري..
فاطمه: ع راحتج مريوم .. المهم انا الحينه بسير.. هب اتمين تفكرين فرمستيه ..
مريم وهيه اطالع فطوم: تعالي يا الزعيل..
فاطمه: والله مازعلت..
مريم: انزين يلسي بخبرج بكل شي..
فاطمه وهيه شاقه الحلج: يلا بسرعه قوولي..
مريم: هاهاها.. انزين..
وتيلسن ع الشبريه..
مريم: تذكرين ملجة نوره..
فاطمه: هيه..
مريم: انزين..وين كنا متعدلين..
فاطمه: فبيتنا..
مريم: ومنو كان ياي بيتكم هاذاك اليوم..
فاطمه: والله كنت شاااااكه..حسيت انه شي مب طبيعي مستوي.. والله حاسه انه فيه دربكه كانت مستويه..
مريم: هيهيهي.. انزين فهذاك اليوم اتصاقعت ويا سعيد وجان اطيح وجب عليه كوب الماي.. وييه اسميه كان بارد الماي..
فاطمه: هاهاهاها حليلج.. انزين وشو سويتوا..
مريم: ماشي انا ماكنت اعرف ويا شو مصاقعه تحريت مداعمه ويا الييدار .. وماشوفلج الا ايد ممدوده ويودت ايده وقمت...
فاطمه: اللله.. حلوو الموقف..
مريم: وياراسج.. والله ماكنت ادري انه سعيد .. تميت اطالعه ومستنكرتنه.. ماعرفته منو ها اللي فبيتكم.. والله يافطوم انه فهذاك الوقت جني اشوف ها الشخص اول مره.. مادري ليش اتخاديت تميت امبهته وهو امبهت والله شكلنا صدق يضحك.. وماسحبلج ايدي واطر طر..
فاطمه: هاهاها والله انكم علوم.. فلم هندي والله..
مريم: والله يا فطوم محد يدري بحالتيه غير رب العالمين.. تخيلي بس اول مره اشوفه من عقب فتره طويله لا وكنت كاشخه وفالتلج الشعر ومادري اذ الوقايه كانت ع راسي هاك الوقت ولا لا.. وردييت البيت وانا اتنافض واصيحلج صياح وكلي خوف من الرمسه اللي بيقولها عني سعيد..
فاطمه: حليله ولد خالي والله ولا قال شي ولا رمس حته..
مريم: انزين انا كنت خايفه وطمنت نفسي لانه سعيد نشمي ومايعق ع البنات رمسه..
فاطمه: انزين .. ومن هذاك اليوم وانتي تتلومين منه..
مريم: مادري فطوم.. احس بالقفطه يوم اشوفه..
فاطمه: حبيتيه؟
مريم: ماعرف ماعرف.. بس خبرتج باللي فخاطريه وعن اللي فقلبي تراني لين احينه ماعرف.. يمكن بقولج اميله.. ويهمني اني اسمع عنه .. بس بعدني ماعرف..
فاطمه: لا خلاص.. رحتي فيها عيل..
مريم: يلا انتي افتينا مجربه تراج..
فاطمه: احم احم.. فبداية الحب انتي هيهيهي..
مريم: احلفي انتي بس.. فطوم مابا ها الرمسه تظهر برع يلستنا هاذي فاهمه..
فاطمه: ليش يعني محد يعرف غيري؟ ونوره ماتعرف؟
مريم: صراحة.. انتي اول وحده اقولها ها السالفه..

فاطمه: ياعيني يعني انا اعرف قبل نوره.. احم احم مهمه عيل انا..
مريم: فطوم مب عن اول ولا ثاني.. بس انتي عايشه ويايه وتشهدين كل موقف ويايه.. ربج اباج تعاونيني فشي هيهيهي..
فاطمه: من ايدج هاي لايدج هاي.. تبيني اسحبه لج بسحبه ..
مريم: هاهاها خسج الله.. والله مابا شي..
فاطمه: بس تعرفين شي.. تراه كم مره تخبرني عنج..
مريم: والله..
فاطمه: هيه صدق..
مريم: شو يقول..
فاطمه: ماشي.. يسال عنج وعن دراستج.. ويوم ابا اسحب منه رمسه يتم يضحك عليه..
مريم: فطوم ويلج ان خرتي عنده فاهمه..
فاطمه: افا عليج انتي..
مريم: يلا خلاص فارجي الاذان بيأذن وعقب بسير..
فاطمه: حشى .. طرده بعد.. يلا انزين باي..
مريم: باي..
وروحت عنها فطوم وصلت مريم وتلبست ونزلت تحت وتعلقتبها علايه من شافتها لابسه عباتها ولزمت الا تسير وياها.. وتيلست بعدها مريم ولبست علايه وسحتها.. وشويه الا تسمع صوت هرن وقالت لعلايه تركض برع وتقولهم يصبرون.. وربعت مريم ادور ع نقابها...
يوم وصلت علايه برع سارت لين باب الدريول وقامت ادقق ع السياره .. وفتح الباب وشلها..
سعيد: يا مرحبا والله بعلاايه..
علايه وهيه تضحك: مرحبتييين مرحبتيين..
سعيد: يا سلام.. شحالج..
علايه: بخير..
سعيد: ليش يايه انتي.. انا مهرن لشيخوه السباله..
علايه: عشان مريوم قالتلي اقولك صبر شويه..
سعيد معقد الحيات: اصبر.. تامر امر مريوم اختج فديت روحها والله..
ونزل من السياره ويلس علايه ع المدعميه ووقف مجابلنها..
علايه: حار منيه..
سعيد: خلج.. شله لابسه ها القصير..مول مب حلو
علايه: مادري... مريوم ملبستني..
سعيد: اسحب الرمسه عيل... حلو وروعه دام ريم الفلا ملبستنج اياه..
علايه : اف ليش مايت هيه..
سعيد وهو يتأمل فعلايه صدق صوره مصغره لمريم .. وايد تاخذ منها وذكرته بالبنت اللي صدق كان مايدانيها.. بالبنت الشقيه اللي ماكانت مخلتنه فحاله .. بالبنت اللي دومه يضارب وياها.. وهو فموجة افكاره وذكرياته تم يمسح ع شعر علايه وحباها ع راسها..
علايه: بتخرب شعري شو بلاك انته ..
سعيد: هاهاها سكره انتي .. عطيني عيونج علايه..
علايه : لا اباهن .. انته عيونك عوده شو تبى عيوني..
سعيد: هب هب قولي ماشالله.. (ويقرصها ع خدها..)
علايه وهيه تحط ادياتها ع خدود سعيد واتسطعه ع الخفيف: لييش تقرصني..
سعيد: هاهاها خلاص بس ..(وينزل ايدها) يلا خبريني عن روضتكم..
وبدت علايه فخريطها عن روضتها.. وماخلتله علوم ماقالتها له..
وشويه لانه مريوم تطلع من البيت وهيه اتعابل بنقابها وتفج الربطه ويايه بتفتح باب السياره حست بشي غريب..
عقدت الحيات: ويه هاي مب سيارة عمي..
علايه: مريوم تعالي.. (وتضحك..)
ويوم لفت مريم صوبهم اتيبست ويتها الحاله.. كيف ومتى وليش سعيد هنه؟ عمها كان مهرن قبل شويه كيف تحول لسعيد ..
شل سعيد علايه واجدم صوب مريم..
سعيد: السلام عليكم..
مريم عقب تردد: وعليكم السلام..
علايه: يلا مريوم ركبي بنسير .. سعيد ودني عالم فتون انزين..
مريم: يا الخبله عمي بيودينا.. هاتها عنك..
سعيد وهو يضحك: هاهاها زادنها يايتني تقولي اصبر..
مريم وهيه صدق قافطه وموخيه: السموحه منك.. انا سمعت صوت الهرن وتحريت عمي اللي ياي ماكنت ادري انك انته..
سعيد وهو يوطي علايه: بالحل الغاليه..
مريم: برخصتك عيل (وسحبت علايه من ايدها وسارت بيت يدها..)
سعيد: يعل الرب حافظنج..
وتم يطالعها لين دخلت بيت يدها وهو ميت من الفرحه.. واخيرا لقاها ورمسها ويه بويه.. يالله من متى يتريا هو ها اليوم..والاحلى انه بدت البشاير تهل عليه.. بالامس عرف انها لامحيره لعلي ولا لحد.. واليوم يلقاها ويرمسها.. وباجر مايندرابه..ورد لسيارته وطر ع المسجل ...
مريم اول مادشت بيت يدها تيلست ع الدجه وزخت علايه وتخبرتها شو قالت لسعيد وشوقالها.. بس ياهل شو بيناخذ منها !
تمت مريم متحرقصه وتحس بحراارة فضيعه وكأنها داخل ضو خصه من سمعت الدقدقه خاري.. فخاطرها تضحك.. تصيح.. تناقز.. أي شي.. المهم ماتم على يلستها هاي اللي توتر بالواحد.. والله رأف بحالها وظهر عمها وزقرها داخل لانهم مب الحينه بيسيرون.. ويوم طلعوا عقب تمت مريم اطالع صوب بيتهم ومالقت سعيد.. واذكرت فالاخير انه شيخه كانت فبيتهم فأكيد هو ياي يشلها..

ـــــ في لندن.. فها الوقت كان بعده العصر عندهم.. ترخص سالم وحرمته من ابوه ونزلوا يتمشون فالحديقه اللي مجابله الفندق..
كان الجو دافي لانه مطر كان طايح .. نوره كانت لابسه جاكيت جلد بني طويل تقريبا وسكارف بني ولابسه بوت.. يعني مدثره عن البرد تدثير.. وطبعا سالم يتعكز بعصا وحاط ايده على نوره من خصرها ويتمشون..
نوره: ياسلام اخيرا بنرد البلاد.. والله تولهت على مريوووم.. وعلى الكل..
سالم: تعرفين انه اكثر اسم طريتيه من يينا هنه ولين اليوم.. مريووم..
نوره: هاهاها فديت مريوم والله.. ياخي ذوق وفنتكه ع قولتها و كلها عسل..
سالم: ياويلي انا.. يوم مريوم ها كله عيل شو خلتلنا من المديح...
نوره: وايد
سالم: يلا قولي..
نوره: مابقول..
سالم: تعبت نوره خلينا نيلس..
نوره: امرك..
وتيلسوا ع واحد من الكراسي..
سالم: نوره..
نوره: ياعيون نوره..
سالم: والله مادري شو كنت بسوي بلاج فها المحنه..
نوره: خلاص الغالي.. انسى اللي صار وفكر فالشي الحلو.. نحن الحينه ويا بعض ومابيفرقنا غير الموت ياسالم..
سالم: اخرسي خالص..
نوره تبتسمله: ليش..
سالم: بس لاتيبين طاريه.. ذقت الموت انا مرتين.. لاتقولين ها الكلمه الله يخليج..
نوره: فديت روحك.. خلاص مابقول..
سالم: والله اني اسعد انسان فها الكون.. (ويحط ايده ورا ظهرها ويقربها منه)
نوره وخدودها يولعن: سالم ...
سالم: كيفي ..حرمتي وبكيفي..
نوره: قوم انزين انرد الفندق خلينا عمي بروحه..
سالم: جب انثبري مكانج.. اكيد ابويه نزل يتحوط..
نوره: احس ها الناس حفظونا من كثر ماني هنه..
سالم: هاهاها بيتولهون علينا عقب..
نوره: يلا بنردلهم الصيف..مراجعه بتكون عليك..
سالم: شو ها الحاله.. كان فخاطريه نسير شهر العسل المالديف ولا استراليا ..
نوره: صحتك اهم من العسل الغالي..
سالم: فديت قلبج.. (ويود ادينها ) والله ليل نهار ادعي ربي انه يخليج لي..
نوره: مب اكثر عني.. والله سالم انته ماتعرف كيف غيرتلي حياتي .. احس اشيا وايد تغيرت فيني من خذتك.. صدق حياتي مادري كيف بتكون لو انته ماكنت فدربي.. عادي اكون اتعس انسانه..
سالم: يعلني ماخلا من ها الهايه..
وتموا متيلسين لين قبل المغرب وردوا عقب ....وخطف ها الاسبوع ببطئ فظيع لانه الكل يترقب موعد وصول سالم ونوره..

ــــ ويوم الاربعا طلع احمد من جامعته وضرب خط لراس الخيمه لانه اهله مابيسيرون فها الويكند.. ووصل بيت يده وسلم على الشواب وطلع عقب ويا ناصر.. مريوم بعد فها اليوم نزلت وسوت حفله فالبيت عشان نوره بتي بالباجر واكدت عليهم انهم يسيرون يوم الجمعه..ودخلت عقب حجرتها وانطبرت وفطوم وحصوه يقنعن فيها انهن يظهرن خاري ويورن ضو بس من التعب ماقدرت اتسير وياهن .. فتيسلن حصه وفاطمه ويا الحريم برع فالسكه وورن ضو وعقب الكل رد بيته بس فطوم وحصوه تمن عايبتنهن اليلسه.. وعقب يا احمد وتيلس شويه وياهن..
حصه: انا بسير عيل..
فاطمه: ليش تمي..
احمد: لا احسن حصوه برد عليج بروحج مزجمه..
حصه: لاوالله.. (واطالع فطوم) اصلا بروحي ابا اسير عشان افضي الجو شويه..
احمد: هاهاها علموها بعد..
فاطمه وهيه قافطه: شو تفضين ما تفضين.. انا امبوني كنت بروح وما بتم خاري..
احمد: تخسين الا انتي..
حصه: يلا باي اضاربوا بروحكم (وروحت عنهم)
فاطمه: احمد انا بسير..
احمد: والله ماتسيرين..
فاطمه: شو ماسير.. ماتلاحظ انه بروحنا برع ..
احمد: انزين عادي شو فيها..
فاطمه: احمد مافينا ع الرمسه.. انا مب ياهل محسوبه عليه تصرفاتي..
احمد: انزين انزين .. قومي خليني اوصلج البيت.. بعد قولي محسوبه ما محسوبه..
فاطمه تبتسم: انزين قم.. زين بعد عشان نشربك حليب بوش..
وتموا يتمشون ويسولفون...ويودها بايدها شغل غياض وهيه تسحبها عنه وهو شاق الحلج ويضحك عليها..
احمد: اخبرج.. جيه مادشين المسن الحينه.. من زمان مالقيتج..
فاطمه: بس مليت..
احمد: يا سلام عليج.. وانا دوم ادش واخيس من كثر ما اترياج .. شكلج ماتتولهين علينا..
فاطمه: يالله شله اتوله عليك وانته كل ويكند ناط عندنا..
احمد: مب عليج انتي.. على اللي يعني عمره وايي .. اليوم ماكنت بيي عشان سالم.. بس ماهنتي عليه ما اشوفج.. قلت الا ايي..
فاطمه: هيه حليلك..
احمد وهو يرص على كف ايدها: حليلي ها..
فاطمه: حوو يعور .. خلاص مب حليلك..
احمد: صدق فطوم عادي عندج اذ ماييت ولا ييت..
فاطمه: هيهيهي هيه عادي..
احمد: بكرخج تراني لاتمين تنكتين وتسيخفين..
فاطمه: انزين انزين..
احمد: عرفتي اني رمست فيج..
فاطمه: هيه قالولي..
احمد: ماغيرها حصوه..
فاطمه: هيهيهي حليلها..
احمد: زين يوم ماتجاتلن وياها الحينه..
فاطمه: لا تغيرت هيه عن قبل.. كلهن جيه بنات عمي قبل محد اشر عنهن ويوم يكبرن يغدن شرات الحمل الوديع..
احمد: هاهاها حليلهن.. ولا تبونها لعلي عيل..

فاطمه: شفت عاده..
احمد: حالته حاله سلوم اخويه يوم درى..
فاطمه: هاهاها كلهم تحطمت امالهم حتى حمدان اخو شموه..(ووصلوا الفله..) حيااك داخل..
احمد: لا خلاص بروح..
فاطمه: لاوالله.. ماشي الا تشرب حليب البوش..
احمد: مب مشتهي والله..
فاطمه: دش عااد..
احمد: لا فطوم عيب محسوبه عليج..
فاطمه: ياسلام تتطنز انته الحينه.. مايرزا عليه..
احمد: هاهاها ماعاش والله.. بس مب مشتهي قلتلج.. بسير ارقد تعبان و باجر بغبش من وقت ..
فاطمه: باجر بترد العين..
احمد: لا بسير دبي عندي كمن شغله وعقب بلف ع المطار بستقبل بو غنوم وخلاف برد العين..
فاطمه: اها.. خلاص عيل..
احمد وهو يطالعها: تدرين اني موت احبج..
فاطمه: لا ماتدرين..
احمد: ويا راسج.. خلاص غناتي دشي داخل عن البرد..
فاطمه: انشالله.. تصبح ع خير اعماد..
احمد وهو يضحك: وانتي من اهل الخير..يلا فداعة الله.. (وروح..)
وافترقوا الحبيبين .. وسارت فطوم حجرتها ويابت مذكرتها وطاحت ع الشبريه وهيه لاويه على عروستها وتمت اتكتب كل اللي فخاطرها..

ـــــــــــ وبالباجر وصلوا الجماعه بعد غياب الشهرين .. الكل تم مستانس على وصلتهم بالسلامه وخيق الله يضوا كلهم يوم الجمعه وساروا جداهم..
طبعا وبلا شك مايحتاي نوصف فرحة نوره ومريم ببعض.. اخيرا تلاقن من عقب ها المده اللي يعتبرنها قرن بحاله.. وتمن ملاصقات ببعض والوحده مب طايعه تروح عن الثانيه وشاركتهن عقب هند اليلسه وعقب ين مها وشما وتمن محتشرات لين ماروحوا اهل مريم وردت هيه الجامعه ......
ومرت الأيام بكل هدوء على الجميع واقترب العيد وموعد وصول علي من السفر .. قبل العيد باسبوع تقريبا وبالتحديد يوم الخميس.. كانت مريم يالسه فحجرتها .. فارشه كتبها ع الارض ومتربعه ومحطيه اللابتوب عليها وتحلل واجباتها وترمس نوره بالتيلفون ..
مريم: ايه العوده تراج فاضيه وماعندج مونه سويلي البحث
نوره: ييه من قالج فاضيه..
مريم: لا دراسه ولاشي وراج..
نوره: ياسلام.. ورايه ريل وبيت..
مريم: يالله عنج نوروه والله ماعندي وقت انتي نزلي من النت ونسقيه وطرشيه عند هند الله يخليج..
نوره: بشوف مريوم بس مب اكيد..
مريم: جب يلا.. بتسوين فاهمه..
نوره: انزين انزين ..
ودخلت ها الوقت فطوم حجرة مريم وهيه شاقه الحلج وتغني بأعلى صوتها..( ياليت من كبرك يا سعود ساهي من الجده والامحان..يادقة قلبي دقة العود لي دقه اللي يعزف الحان.. على الزمان ليته يعود صوته ولوفي بعض الاحيان لولا هنا ماقلت منشود ولا هلت دموعي من احيان..........), مريم تسمع فطوم وفنفس الوقت نوره ترمسها ترخبصت.. من الربكه ماعرفت شو تقول ونوره تسألها منو اللي يغني عندج ومريم تسوي حركات لفطوم اونه بس سكتي وفطوم طابتنها وتكمل .( وياسعوود .. ويليت من كبرك يا سعود ساهي من الجده والامحان..) وقفت فطوم من الغنى وهيه فاسطه من الضحك ع شكل مريم المعتفس.
فاطمه: هاهاهاها وهبي بلااج محد فالبيت انزين كيفي بغني.. هيه تعالي توه كان عندنا تراه..
مريم خلااص انتهت .. ونوره تستفسر مريم شو السالفه ومنو سعود ها اللي يغنوله .. وهاي فطوم اللي عندج ولا لا.. ومنو اللي يا توه.. حست مريم بضو اتشب فويها من القفطه.. وعقب هاا كله انتبهت فطوم انه مريم ترمس بالتيلفون وماتباها تخور فالرمسه..
فاطمه: والعثري جيه انتي ترمسين بالتيلفون ثرج..
مريم وهيه قافطه: هيه ارمس نوره.. هيهيهي..
فاطمه: شدراني يوم دشيت شفتج تعابلين بالاوراق واللابتوب مانتبهت انه السماعه فاذنج..
مريم: هيه عشاني هذا.. تراه احل الواجب.. ونوره شسمه .. دقت ع الموبايل .. وحطيت السماعه عشان جيه..
نوره: مريوم شو السالفه..
مريم: لا ماشي..
نوره: امبلا فيه شي.. بلاج جيه تنقعين فالرمسه..
مريم: لا عادي
فاطمه يلست حذال مريم وحست بانها سبب فمشكله وضرابه الحينه بتستوي..
نوره: مريوم قولي منو ها سعيد.. وشو قصدها فطوم يوم قالت مانتبهت انج ترمسين فالتيلفون.. خبريني حوه..
مريم: ماشي ماشي نوره..
نوره: امبلا فيه شي.. ماتنقعين فالرمسه انتي الا يوم مرتبكه وها الارتباك اللي ياج بسبة رمسة فطوم صح ولا..
مريم: هدي نوره.. بخبرج كل شي والله بس لاتعصبين..
نوره: بعاااااد ... كل شي اونه.. يعني في سالفه مستويه ولا خبرتيني بها..
مريم: انزين خبريني وين القاج انا عشان اقولج هااا..
نوره: لاوالله والتيلفون..
مريم: انزين انتي ماتعطيني مجال..
نوره: (وتشهق.) يالللله جنه نص الرمسه انتي ترمسينها شو ما اعطيج مجاال..
مريم: انزين خلاص ماتعطيني مجال مقابل.. هيهيهيهي
نوره: تنكتين ولا تحاولين..
مريم: مادري.. لالا احاول..
نوره: مريم عن العبط.. وقوليلي شو السالفه..
فاطمه اطالع مريم وتشوف حالتها تبى تضحك بس ميوده عمرها وتسمع صوت نوره وهيه اتازعج وتحاول تيود عمرها بعد عن تنفجر من الضحك ظهرت اثر الضحكه ع ملامحها وطالعتها مريوم وعطتها بنظره ..
فطوم: بلاج بسم الله.. شدراني انا..
مريم وهيه تفرك اللحيه وتتوعد وقامت من مكانها ويلست ع الشبريه: انزين نوره سمعي ..
وبدت مريم فحكي الحكايه وسالفتها ويا سعيد من البدايه وحتى الحينه .. وكل ماتقول شي نوره تقولها وها من متى.. واتزيد نوره فالغصه.. وفالأخير..
نوره: ها المده كلها يا الظالمه ولاتقوليلي..
مريم: انزين السالفه عاديه.. مالها أي اهميه..
فاطمه: لالله الها اهميه..
مريم: انتي انطبي..
نوره: ليش تنطب بعد الله يباها ترمس عشان انا اعرف ولا انتي ماظنتي كنتي بتقوليلي..
مريم: انزين نوروه يالله ماستوى شي هو..
نوره: يالله يا مريم نحن ع ادناة الشي بتخبر الوحده منا الثانيه . انا كل شي يستويلي فوقته اقولج اياه وانتي هاي السالفه مستويه من خمس مادري ست اشهر ولا تقوليلي عنها.. لا وقايله حق فطوم بعد وماتباها تقولي .. يالله عنها..

مريم: نوره عاد لاتكبرين السالفه..
نوره: لاوالله.. كيفج امره مريوم .. امره لاتقوليلي شو يستويلج ولا شو سويتي .. عادي امره
مريم: هيهيهي نووروه عاد عن البزا .. السالفه ماطورت عشان اقولج كل شي عنها.. اللهم اتصاقعت وياه وانتهى الامر يعني موقف وعدى وخلاص..
نوره: هه مب عليه ها الرمسه.. اكيد ها السالفه مأثره عليج ولين الحينه بعد.. ولا ماكانت فطوم بتنغزج بالاغنيه هاي..
مريم: انتي قلتيها فطوم تنغزني.. يعني من فطوم هو مب مني.. انا عادي عندي الامر.. اما فطوم مسويه اهميه للموضوع ومحطيه فبالها خلااص مريم وسعيد عايشين قصة حب.. والله نوره صدقيني ماستوى شي امبينا .. تتخيلين انتي مره شفته يوم ملجتج وعقب ها اليوم مول ماشفته اللهم من بعيد .. واخر مره شفته من كم اسبوع تقريبا ..
نوره: بعد.. خساره اليوم ماشفتيه يايه فطوم تخبرج انه يا بيتهم..
مريم: بس عاد نوره .. قمتي تتطنزين تراج..
نوره: لا ابدن ما اطنز.. حرام يالله.. شوها مشكله بعد يوم القلب يتولع ومايشوف حبيبه..
مريم : ييها عليييينا.. مابيعدي ها اليوم..
نوره: مريوم مالج حق اتزاعجين.. بعد غلطانه واونها اتعصب.. ويليتني ماحايلت فيج هاذيج الايام.. يامريوم بلاج.. شوفيج متغيره.. ليش سرحانه جيه.. وهيه ولا عليها.. والله كنت مستهمه عليج .. ليش متغيره جيه فالملجه ويايه متأخره.. وماهنالي بال لين اكدتيلي انه مافيح شي..
مريم: انزين نوره خلاص.. اسفه اني ماقلتلج..
نوره: وين اصرفها ها الاسفه..
مريم: نوره وايد تشرهين تراج خلاص ماصارت سالفه هاي..
نوره: عشان تتأدبين غيره مره.. عطيني الاخبار بايته ولا مكمله نص سنه ..
مريم: هاهاهاها خلاص بعطيج اياها طازجه ولا يهمج..
نوره: انزين انتي.. والله بعدها الغصه جاتلتني.. خليه يستويلي شي.. امره بحسب عقب ست شهور بقولج شو استوالي..
مريم: والخييبه مايرزا علينا عاد..
فاطمه: ها انحلت القضيه..
مريم: هيه انحلت ..
نوره: اخ انحلت هيه بس بعدها اثارها.. (ويدخل سالم الحجره ويلس حذال نوره..)
سالم: بلاج تنافخين نوره ..
مريم: هيهيهيهي جيه ثور انتي تنافخين..
نوره: جب مريوم ..
سالم: اوه هاي مريوم .. وجب بعد .. مايووز نوره .. حبيبة القلب تراها..
مريم: عاااش والله اشكر فنه انا..
نوره: يلا مريوم بخليج انزين..
مريم: كيفج.. بس هب تنسين البحث..
نوره: احلمي عاد اسويلج اياه انزين..
مريم: نوروه وعدتيني تراج..
نوره: هه يلا جلبي ويهج .. ريلي عندي وانا ارمسج صدق ماعندي سالفه..
سالم: هاهاهاها قوويه هاي..
مريم وحست بمثل الوخزه فقلبها: هيه والله صدق ماعندج سالفه.. يلا فداعة الله(وبندت قبل ماتقول نوره أي كلمه..)
وعقت مريم التيلفون من ايدها وحست بتسارع دقات قلبها ودمعت عينها من غير ماتحس ونست وجود فطوم وياها..
فاطمه: بلاج مريوم..
طاحت مريم ع الشبريه ودفنت ويها فالموسده حست بالم فضيع وفراغ واتجاهلت فطوم وقامت اتصيح..وقامتلها فطوم ويلست حذاها ..
فاطمه: انزين ليش اصيحين مريوم.. الامر مايحتاي لها الصياح.. صح نوره حاطه فخاطرها لكنها مستحيل تزعل عليج..
مريم: فطوم انتي ماتدرين بشي .. انا احس انه نوره متغيره وايد من ملجت.. احسبها نستني خلاص.. استويت عندها من الاشخاص الثانوين فالحياه..
فاطمه: يالله شو ها الرمسه.. لو انا ماعرفكن جان ممكن صدقت رمستج و شكيت فنوره .. لكن مستحيل مريوم انه نوره تنساج ولا تنسى وحده منا.. هاي كلها اوهام من عقلج.. وان قالت شي نوره تراها بس تسولف..
مريم: بس توها ماكانت تسولف.. صدق شو تبا فيني وفصداقتيه يوم عندها ريل مثل سالم يحبها ويجدمها فكل شي..
فاطمه: حتى و لو.. بتظل معزتج فقلبها غير.. انتي اختها وربيعتها واللي رابيه وياها من الصغر مستحيل ها السنين اللي قضيتنها ويا بعض فسنه وحده تتنسى.. مريوم لاتتخيلين اشيا غلط والله انتي اتعبين عمرج هاجيه..
مريم: احس ريلها خذ مكانتيه فقلبها..
فاطمه: وابويه انا.. اول مره احس انه تفكيرج يهولي.. وين مريوم العاقله اللي تحل للكل مشاكلهم.. بالعقل مريم يوم بتعرسين مابتحبين ريلج ومابيكون لج واجبات اتجاهه..
مريم: امبلا..
فاطمه: وبتنسين ربعج؟
مريم: مستحيل..
فاطمه: وهل اظنين انه نوره نستنا او بالاخص نستج.. لا مريوم فكري بالعقل لاتخلين الغيره عليها تملي قلبج.. انتي اتحسين بغيره بس تجاه سالم وقلتي خلاص نوره ماتحبج.. لايامريوم.. نوره الحينه معرسه والها مسؤوليات وواجبات المفروض عليها اتأدييها..
مريم: ....
فاطمه: قومي يلا عن ها الدلع اللي طايحتلنا فيه.. قومي بخبرج شي
مريم وهيه تمش ويها: شو ها الشي اللي حاشرتنا به من دخلتي وسويتلنا عسبه ها الزوبعه..
فاطمه وهيه تشق الحلج: سعيد ولد خالي..
مريم تبتسم: شو فيه..
فاطمه: يسلم عليج..
مريم وهيه تقوم من حذالها : بسج عاد من ها الخريط..
فاطمه: جيه مب مصدقتني..
مريم: لا..
فاطمه: والله العظيم مريوم.. توه كان عندنا ويبنا سالفتج فالرمسه مثل كل مره وها المره قالي اسلم عليج..
مريم وهيه اطالعها: كيف قالج..
فاطمه: بسم الله عليج.. شو كيف قالي..سألني عنج وعن احوالج وقلتله اني بسيرلج فقالي سلمي عليها..
مريم: انزين وليش مكبره الموضوع ها الكثر ومسوتله اهميه.. عادي حسبت ولد خالي وعادي يطرشلي سلام مثله مثل علي..
فاطمه: جب مريوم.. ادري فيج الحينه خاطرج اتعرفين عنه كل شي وتسأليني عنه بس عزة نفسج مب مخلتنج..
مريم: يالله عادي .. وبعدين انتي ماشالله عليج ماتخلين شي ماتقولينه يعني كل الاسئله اجاوبينها من غير ما اسأل..وبعدين حتى لو سألت مب معناته اللي فبالج..
فاطمه: يالله.. بسج عاد مريوم ..انتي ماتلاحظين عمرج من تكونين فمكان هو موجود فيه.. والله يبان عليج اتمين ساكته وان ترمستي تراج اتنقعين فالرمسه و اتمين ترتجفين لاحقه حصوه اختج .. وتنكسين الراس.. يعني كل شي واضح..
مريم: ............
فاطمه: ها ليش سكتي..
مريم: ماشي..
فاطمه: تعالي انزين بخبرج شي بعد قالي..
مريم وهيه تيلس حذالها: هاا. شوقال..
فاطمه: تنشدني اذ حد خطبج..
ونكست مريم الراس.: انزين..
فاطمه: يالله يالله تستحي..
مريم: جب فطوم.. كملي شو قلتيله..
فاطمه: قلتله محد يباج .. مطفره خيق الله..
مريم: خايسه وحده..فشلتيني وياها الراس..
فاطمه: انزين هو جان يضحك وقال احسن (وتشق الحلج..)
مريم واطالع فطوم وهيه مب مستوعبه: شو يعني..
فاطمه: لا وقولي مالها معنى ها الكلمه..
مريم: قولي عاد فطوم..
فاطمه: مادري هيه الكلمه طلعت من لسانه .. وعقب تم قافط ويضحك اونه .. وانا احاول اسحب شي منه والله يبوج حتى انه خدوده احمرن مب منه من بياضه
مريم: قولي ماشالله بتاكلينه..
فاطمه: هيه عاده قامت تحامي احينه ماعليه مطوفه المهم وعقب امايه دخلت الصاله ومارمت اكمل السالفه وياه وروحت..
مريم: حليله..
فاطمه: شفتي ..والله حاسه انه رايح فيها ولد الخال..وانتي بعد..
مريم: اييه شو رايح مارايح.. يسولف وياج كان..
فاطمه: بس عاد مادانيج يوم تبررين ها المواقف.. خلاص كل شي واضح .. سعيد يباج وانتي اكيد مابتردينه.. دام انه اليوم قال حد خطباها باجر بيقولي انا ابا اخطبها..

عاده مريم دورها وين فها الوقت تحس بسخونة الاجواء حولها وبالحراره تتبخر من ويها.. قامت من حذال فطوم ويلست تلقط فكتبها واوراقها من على الارض وفداخلها شي من الفرح مابغت اتظهره..
فاطمه: مريوم تعالي بسمعج صوت سعيد..
مريم وهيه معقده الحيات: كيف يعني..
فاطمه: هاتي تيلفونج..
مريم: لاولله تبين ادقيله.. اتهبين الا انتي..
فاطمه: مابدقله والله .. وين نطرتيه مساعه..
مريم: فوق الشبريه.. يويلج فطوم ان دقيتي ع رقمه..
فاطمه: جب انتي .. تعالي اسمعي وطبي حلجج..
وقبضت فطوم التيلفون ودقت للرسايل الصوتيه مالت سعيد.. وسمعت مريم الشله مالت مسجاته..مريم تمت تسمع وهيه رايحه فيها خلاص.. كان سعيد مسجل صوته وهو يشل..( يا عذابي وسبة جروحي.. يا مصابي ويا شقى حالي.. ليش عني تصدر وتروحي .. وانته قلبي حبك الغالي.. انته عمري وانته مربوحي بك حياتي دوم تحلالي..في بعادك كنت مجروحي وانته عني لا ولابسالي..لاتخلي الشك ياروحي يهدم الاشواق وامالي.. فالهوى اتزيد في نوحي.. يا الغلا يا عشقي الحالي..بنتظر وصلك يا مملوحي حتى لو بيه الصبر طالي.. ياعذاب الصمت والبوحي مدخل الله ليت تصفالي..)
كانت تحس بشي يقولها اكيد سعيد كان يفكر فيج وهو يشل ها الشله .. ودها حد يقولها سعيد يحبج ويباج.. خاطرها تسمع منه ها الرمسه.. عشان تتأكد وتريح بالها وقلبها.. من متى وهيه تحلم فاليوم اللي سعيد اييها فيه ويقول احبج يا مريم.. بس كانت تعتبره مجرد حلم .. حلم جميل معيشه عمرها فيه ماله أي صله بالواقع..
لكنها الحينه عندها امل فانه يتحقق حلمها..
وبعد ماسمعت الشله.. دقت ع رقم 9 و بندت على طول عسب مايظهر رقمها عند سعيد..
فاطمه: ها شرايج بصوته..
مريم: ماشالله عليه.. متأكده انه هو اللي يشل..
فاطمه: هيه .. مشهور عنه سعيد فالعايله اصلا انه راعي شلات وها السوالف..
مريم: مايشل قصيد هو عادنه.؟
فاطمه: هو يكتب قصيد .. بس ع قولته شلاته كلها امورده ..
مريم: ماشالله عليه.. يخبل صوته..
فاطمه: عشون عيل.. صبري عليه بينزله شريط ..
مريم: ياسلام.. كيفج اول وحده تسمع الشريط انا ..
فاطمه: تقوليلي انا.. قوليله هو..
مريم: جب انزين .. ما اسولف يعني..
فاطمه: هاهاها حليلج.. مشكله انتوا بعد ماتتشاوفون وماترمسون ويابعض فري..
مريم: جيه قالولج قيس وليلى (واطالع فطوم وتغمزلها..)
فاطمه: شو قصدج..
مريم: هاهاهاها ماشي..
فاطمه: ادريبج تقصدينا.. فديتنا نحن غير .. حبنا مترعرع فقلوبنا من كنا صغار وكل يوم والثاني يزيد ها الحب.
مريم: يويلنا نحن مانروم عليكم.. غريبه احمدوه مايا ها الاسبوع.. ضاري كل ويكند ينط عندنا..
فاطمه: بروحي انا مستعجبه .. مايندرابه بدش المسن خلاف وبتخبره جان ريته..
مريم: هييه... انزين قومي فطوم خلينا نظهر خاري.. احسني مستغصه بعدني من سالفة نوره..
فاطمه: هيهيهيهي ياهي سالفه.. خلاص قومي يلا..

ـــــــــ نوره من بعد رمستها ويا مريم تمت حاطه فخاطرها منها.. يالله كيف مريم ماتقوللها ها الموضوع.. يعني نوره مسويه اهميه لها السالفه لانها تحس بمريم وتعرف اللي يأثر عليها واللي بيخليها متغيره.. الحينه عرفت كل الاحداث وربطتها ببعض من يوم الموقف ويا سعيد وليومها ها.. تتذكر كل كلمه قالتها مريم الها عن سعيد.. هيه غبيه كيف مالاحظت اعجاب مريم بسعيد مع انه باين عليها من رمستها.. صح مريم ماخبرتها أي شي بس دوم لازم اتيب طاريه .. كان سعيد جيه يسوي.. قبل كان دوم ايينا.. احيدنا دوم نضارب وياه.. ماشالله عليه الحينه محلاته.. يعني هاي رمسة مريم من فتره لفتره .. باين عليها انها اتعلقتبه بس نوره ماكانت ماخذه الامر جد وغير ها النكسه اللي يتهم وحالة سالم والسفر وانقطاعها عن مريم خلال ها المده.. حطت نوره امية عذر لمريم فعقلها بس بعدها مستغصه كيف ماقلتلها مريم من البدايه..
كانت وياريلها يطالعون التيلفزيون بس هيه بعدها فافكارها.. ولاحظها سالم..
سالم: شو بلاكن انتي ومريم.. مضاربات؟
نوره : لاا عادي..
سالم: بلاج جيه عيل.. سرحااانه ومالج بارض..
نوره: لا ماشي..
سالم: نوره ليش قلتيلها انه ماعندج سالفه يوم ترمسينها ..
نوره: ماشي كنت اسولف الا..
سالم: ولو نوره .. حرام ربيعتج وجيه تعطينها فالويه.. انا حسيت بالقفطه ..
نوره: لا عادي والله.. اكيد ماحطت فخاطرها هيه.. المفروض انا اللي اتم زعلانه منها..
سالم: يحيكن.. بس شكلها فالاخير هيه اللي بندت فويهج وله..
نوره: هيهيهي هييه.. مادري بلاها بدقلها خلاف..
سالم: هيه زين لاتخلينها زعلانه منج..
نوره: انشالله.. طالبه عليه اسويلها بحث بعد هيه..
سالم: يحيهاا.. خلاص ولايهمها بنسويلها اياه فليل .. بس قومي حبيبي الحينه خلينا نحاوط بالموتر احسني ملان..
نوره: زين بعد .. يلا دقايق واكون جاهزه..
سالم: اترياج تحت غناتي..
نوره: انشالله...

ـــ وفذاك اليوم فليل .. دشت فطوم المسن ومالقت احمد اون لاين.. تمت مب مطمنه لها الحال.. مستغربه ليش احمد مايا.. متعوده كل اسبوع اتشوفه .. كان ايي كل ويكند عشانها عساهم اهله ما يو.. لازم هو ايي .. تمت تترياه ودشت شمه شويه ونقعن شويه سوالف وظهرت عنها شما وتمت بروحيتها وهيه بعدها تترياه.. وفليل ع الساعه وحده خلاص صبرها انقطع ويتها هفه سارت الصاله وسحبت التيلفون لين حجرتها ودقت لاحمد..
كان احمد فساااابع نومه والتيلفون يدق وفطوم خلاص محطيه فبالها انها ترمسه .. ادمنت على شوفته كل اسبوع والحينه مب قادره تصبر لازم تتطمن عليه وتعرف شو بلاه.. وفالاخير رد احمد وهو راقد ...
احمد: الووو..
فاطمه.. ساااااكته.
احمد: اف منو ها.. يعلك الغثه ارمس..
فاطمه ترمس باخفض صوت وهيه بتموت من الضحك على صوته وهو راقد..
فاطمه: وييوي.
احمد: عل صوتك ماسمع..
فاطمه: هاهاهاها .. بوو
احمد ويقوم من الشبريه وهو مفزوع : الدمااني!!
فاطمه: زغت ها..
احمد: شو فيج.. غريبه داقه ع تيلفوني وها الوقت..شي فيج شي يعورج حبيبتي..
فاطمه: ياربيه دومك جيه انته ..ربك بعد يا فبالي ادقلك..
احمد: لا بس ماحيدج ادقين الا فالحالات القصوى انزين شو مسهرنج لين احينه..
فاطمه: كنت ع النت..
احمد: شو تسوين..
فاطمه: ع المنتدى والمسن بعد شو اسوي..
احمد: هيه وشخبارج بعد..
فاطمه: زينه.. انته شخبارك..
احمد: بنعمه ..
فاطمه: جيه ماييت اليوم..
احمد: ليش كل يوم ايون هم.. مصخت السالفه..
فاطمه: لاوالله..
احمد: شو نسوي بعد قلتي ماتتولهين وعادي عندج.. فقلت مافي داعي اعني عمري واضرب خط كل اسبوع.. خلاص احينه فالشهر مره بيي..
فاطمه: لاااوالله.. منوو قال..
احمد: انا اقول..
فاطمه: جب مب على كيفك.. يا سلام عشان اتم مستهمه عليك .. والله ويلك يا احمد اشوفك غيره مره سوها ولاتي..
احمد: فدييتها انا ..
فاطمه: جب..
احمد: هاهاهاها والله انج خبله.. مره تقولي ماباك ومره تقولي تعال.. ومره تقولي ماتوله عليك.. ومره ويلك ان ماييت.. شو ها الخبال..شو من البشر انتي..
فاطمه: فريده فالبشر محد شررواتي..
احمد: هيه والله محد شرواتج .. ولا ماكان قلبي حبج ها الكثر..
فاطمه: احس اني اجازف اخاف حد يطب عليه.. المهم اطمنت عليك .. بسكر عنك..
احمد: خلج شويه..
فاطمه: لاوالله تخيل حد دخل عليه مافيني..
احمد: دشي انزين المسن برمسج هناك..
فاطمه: حليلك انته كنت راقد.. رد كمل نومك..
احمد: وين اكمل خلاص طار الرقاد والتعب من سمعت صوتج..يلا فطوم دشي المسن من زمان مالعوزنا الربع هناك.. دشي بنيض فالمنتدى شويه اوكي..
فاطمه: اوكي.. يلا سباق اللي بيدش اول..
احمد: هاهاها ياهل والله انج.. يالله انزين واحد اثنين عشره..
وترابعوا يشغلون الكمبيوتر ويدشون النت وسبق احمد ( عنده الشامل لازم.. وفطوم الفقيره الا خط.) وتموا مسهرين لين اذان الفير وعقب طلعوا ..

ــــــــ يا موعد وصول علي من السفر.. الكل مشتط ففريج عيال النعيمي .. مستانسين لردة علي المؤقته.. الكل مشتاقله ومتوله عليه.. كان يوم الثلاثا الصبح الكل عنده اجازه عشان وقفة عرفه .. فطوم فها الوقت كانت ترمس ويا شمه بالتيلفون..
شما: لين الحينه بعده ماوصل؟
فاطمه: لابعده ع الضحى جيه بيكون هنه..
شما: حليله..منو سار اييبه؟
فاطمه: يبوج يدي سايرله وابويه وسعيد ولد خالي .. وامايه ماعندها وقت اتسير عافده فالمطابخ والله من اصبحت
شما: هاهاها حليلها عاده بيرد متوله ع طبيخها لازم..
فاطمه: الا.. والله ماتعرفين شكثر متولهه عليه.. صدق له وحشه..
شما فخاطرها ( يه يا فطوم عيل انا شو تقولين عني,,)
فاطمه حست ع دمها شويه وخفت من رمستها عن علي ودخلن فمواضيع شتى وسكرت عن شمه يوم شافت اليضه فبيتهم.. الكل كان مجمع عندهم..قوم عمها كلهم ويدتها وناصر وحرمته.. ها كله استقبال للسيد علي.. ومن سمعوا الهرنات ظهرت ام علي وفطوم ومريوم وحصوه ويدتهن فالحوي والباقي موقفين عند باب الفله.. ونزل علي من السياره وعلى طول فحضن امه والام اتصيح ودموعها اربع اربع من فرحتها لشوفة وليدها..
ام علي: الحمدلله ع السلامه الغالي..
علي: الله يسلمج يا امايه .. فديت روحج والله متوله عليج..
اليده: بس فجي عن الفرخ بنسلم عليه نحن بعد..
وتلوي عليه اليده بعد فرحانتبه حليلها وخلى امهاته ويا ابوه ويده موقفات واتجدم للبنات و يا دورهن عاده وكل وحده شاقه الحلج شق .. فطوم من وناستها لوت عليه بقو وضربتها الغبنه وصاحت..
علي: يا سلام.. فطوم اتصيح عشاني..
فاطمه: يعلك انشالله والله تولهنا عليك.. كمل هنه دراستك بس لاتسير..
علي: قومي انزين بنسلم ع بنات عمج..
وصافح مريم : وشحالك بو حسن
علي: بخير وسهاله .. شحالج انتي..
مريم: بخير يعلك الخير..
علي وهو يطالع ورا مريم: منو مندس وراج..
مريم: هاهاهاها مادريبها منو هاي..(وتلز عنها مريم وحصوه قافطه وموخيه وقابضه بايد مريم )
علي يبتسم: ماباكلج حصوه.. شحالج..
حصه: الحمدلله بخير..
علي يطالع فطوم ومريم وحاس بالاحراج ومريم تضحك وفطوم تغمز وعلي ويهه قافط
وقامت مريم تغنيله: ياعلي يا منطق افواه الحروف والجوابي لك تزف اعجابها جيتني تشكي من فراق الهنوف مرحبا بشكواك واللي جابها..
فاطمه: عااااشو والله هاهاهاها
حصه مارامت تستحمل الوضع اكثر من جيه ماتقهر حليلها وردت بكرامتها داخل..
وعلي فخاطره( ييها بدينا عاده ما بنسلم منهن هاذيلا.. اكيد عرفت حصوه بالسالفه..)..
علي: يعلكن الحووم..
مريم: هاهاهاها الا اقول علي شو المصاروه وياك .. هيهيهي يسرطونك فول وطعميه يقولون..
علي: لاوالله حلفي انتي.. يارتنا دومها اطرشلنا كشري يبوج سمتنا سم به..
فاطمه: خخخ زادنك ياي مربرب..
مريم: هبي بتاكلينه زين يوم امتلى شويه .. امبونه طيطار يويبس..
فاطمه: هاهاهاها طيطار اوا..
علي: منو الطيطار مريوم.. (ويزخها ويحيس ايدها ع ورا..)
مريم: ههههه بس فجني وياراسك بخبر امك..اييه اييه يعور لا تحيس دخيلك..
علي: لا قولي طيطار..
فاطمه: توك ياي وياراسك مامداك تضارب ويانا..
علي: هاهاها والله من كثر ما مشتاقلكن ودي اجتلكن من الضرب..(ويفج ايدها.)
مريم: يا الخبله والله كنت اقول لفطوم بيردلنا علوه متأدب ثرك الا نفسك ماتغيرت..
علي: انزين بعدني فأول المشوار انا..
فطوم انتبهت لشخص ينزل من السياره فها الوقت ويودت ايد مريم وقامت اتقرصها عسب تنتبه.. مريم ملتهيه بالسوالف ويا علي والشخص يسلم ع الحريم الحينه ..
مريم: بلاج هلكتيني من القرص..
علي: خلونا ندخل الشمس حاره اليوم..
ام علي: اقربوا كلكم..
فاطمه اصاصر مريم وتمت مريم تتلفت يمين شمال لين طاحت عينها ع سعيد. توقفت مكانها وفطوم تسحب فيها بس مريم تحس بثجل ريولها ومب رايمه تكمل مشي كانت تبى الكل يمشي ويتجدمونها واتم موقفه شويه تاخذلها نفس من الصدمه ومشى الفوج كله صوب البيت وهن واقفات ..
ودخلن الحريم البيت والرياييل الميلس الداخلي .. سعيد قبل مايدخل الميلس لف الحوي .. بعدهن موقفات شو عندهن .. وابتسم ودش الميلس وهو فداخله يبى يضحك ع مريم اكيد ماتدري انه كان موجود ولا مابزاعج وبتصرخ هاجيه.. اول مره يشوفها تتصرف ع سجيتها وطبيعتها.. كان يالس فالسياره وعيونه موصوبه عليها وهيه تسولف ويا علي.. يطالعها ويتخيل عمره مكان علي وعايش الدور الفقير وحس بالضو تشب فهواده يوم شاف علي ايود بايدها شي يغلي فداخله وده ينزل ويكفخ علي كيف يحيس ايدها وهو ضحكه مب رايم يتبادل وياها !
فالصوب الثاني ومن بعد مادخل الكل البيت بدن البنيات يمشن وفطوم تتمصخر ع مريوم اللي كانت تعرق وتنشف..
مريم: اخيه يا الفشله.. تخيلي شافني وانا كنت اضحك ومندمجه فالسوالف.. (واتجابل فطوم.) جيه انا اوكيه.؟ مب لوث؟

فاطمه: هاهاها لا حليوه..
مريم: انزين يوم كنت اضحك شكلي غلط كان؟
فاطمه: وياراسج.. ماقلتي عيل شكلي زين ولا لا وانتي تضحكين ويا علي..
مريم: اوهو الا علي هو.. انزين قولي غبيه كنت يوم اضحك صح؟
فاطمه: يلعن بو الشركه.. والله حلوه حلوه ..اتخبلين اصلن يوم تضحكين ..
مريم: شاف علي يوم يضربني.. ويه اكيد ضحك عليه..
فاطمه: هاهاها عادي عادي تيكت ايزي..
ودشن البيت ومريم تفتر عينها ع باب الميلس ودها تشوفه بس الباب كان مصكر..وهناك حصلن حصوه متفتفه عليهن وعطتهن كلمتين من الزين وروحت بيتهم وهيه معنطزه ..
ــــــــ في بيت بو حمدان.. شموه كانت يالسه فحجرتها وكل ساعه اطالع الوقت وفخاطرها تعرف اذ علي وصل ولا لا.. يلست ع مكتبها وشغلت الستيريو ع شلة لاباس (سكت عنك وقلت لاباس باكر مع الايام بتحس.. اثرك عنيد ومابك احساس توني عرفتك للاسف بس.. اهملتني فضلت لك ناس .. نسيت عهد كان بالامس.. من عقب مانته تاج ع الراس وانته الحبيب ومنوة النفس..كل شي له حد ومقياس ولي نويته بان كالشمس .. البيت مايبنى بلا ساس والحب مايبنى على الدس.. خيبت ظنن حب حساس عايش على طاريك والهمس وهذا واقول اليوم لاباس يمكن مع الايام بتحس..)
وحطت راسها ع الطاوله تسمع الشله وفنفس الوقت اصوات فاذنها.. صوت علي وهو يهادها صوته وهو يضحك عليها صوته وهو يضحكلها وتمر صوره ففكرها .. حست بضييجه وقهر ودمعت اعيونها .. يا الله عنك يا علي.. ليش تخليت عني وعن حبي لك من عقب ما حلمت بحياتي وياك.. كيف بتحمل اعيش جيه ع ذكراك ليش مب رايمه انساك.. انا اللي ماعندي سالفه يوم حبيتك .. ماتستاهل ها الحب انته.. والله ماتستاهله .. والله حالي محد يعلمبه غير ربي .. اصيحك من متى ومب رايمه ع هجرانك.. كان لي الامل والحينه خلاص وحده غيري خذت قلبك.. ياربي سامحني ان شليت شي من الغيره من حصوه والله مب بايدي ادري انه مالها دخل بس ماقدر اتحكم بعواطفيه.. الله يوفجهم .. انا مابا شي مابا شي منه بس ابا انساه .. ياربي اصلحلي حالي .. يا ربي كيف اخوزه من بالي كييف..
وقامت شما من على الكرسي وتحس فداخلها انها خلاص تبى تنهي على ها المهزله اللي عايشتنها .. خلاص ليش عاقه عمرها على حب فاشل ومن طرف واحد بس.. ( ااه صدقه والله الشاعر.. كل شي له حد ومقياس .. (وتمسح ادموعها) بنسااك يا علي وبنسى ها الحب اللي معذبني من اسنين.. )
وظهرت مندوس صغير من درجها وفتحته وطلعت كل اللي فيه.. صور وكلهن لعلي
منهن صوره وهو صغير ومنهن صوره وهو كبير شويه يعني ولد اعدادي اما صوره حاليا ماكانت تقدر تاخذهن .. وفالصندوق بعد اشرطه كانت تاخذهن من علي واوراق تكتب فيهن أي كلمه يقولها علي ويرددها دوم.. يعني صدق البنت كانت هيمانه فيه من الخاطر ومحد حاسبها ولا داربها .. ها كله اللي ميودتنه محد يعرف عنه شي .. طالعت الصور وقرت الاوراق وجلبت الاشرطه تبى تسمعهن للمره الاخيره.. وفالاخير حطت ها الاغراض كلها فكيس وشلت بعمرها عشان اتعقهن برع فالزباله لكنها وقفت وترددت لين ماتراجعت فقرارها وقالت احسن تعطيهن فطوم .. ماهان عليها علي انها اتعق صوره او اطرطرهن .. بعده هو حبها الاولاني ومهما يكون ومهما حاولت تقنع نفسها انها تنساه بتظل تذكر انها فيوم من الايام حبته بجنون حتى ولو خف ها الحب..

ـــ ومرت ايام العيد وخلصت الاجازه ورد علي مصر من بعد ها الاسبوع لانه مايقدر يأجز أكثر .. الكل ردوا لدواماتهم بعد الا مريم اللي خذت اجازه مرضيه لانها عقب العيد عفدتبها حمى قويه ماقدرت اتقوم منها صحتها ادثورت امره ونفسها عايفه الدختر ومب طايعه اتسيرله الا عقب ماهزبها ابوها .. وودوها ونوموها فالدختر .. نوره من عرفت انه مريم ميهوده دوم ع كل ساعه تتصل وتتخبر لانها ماكانت حتى قادره ترمس .. فطوم لزمت على امها انها هيه اللي تبات عند مريم وغابت عن المدرسه وتمت اموازره مريوم فالدختر .. فثالث يوم فالدختر وصلت لمريم باقة ورد بيضا كانت رهيبه حتى فطوم من شافتها تمت الا تتأملها ..
فاطمه: مريوم شوفي روعه الباقه..
مريم تبتسم : من منو؟
فاطمه: ماعرف .. صبري بشوف الكرت.. (وقرت للي مكتوب) الحمدلله ع السلامه ريم الفلا.. من عيال حميد المهيري.. اوه قوم خالي..
مريم: صدق..
فاطمه: اكيد سعيد هو اللي مطرشنها..
مريم: حلفي انتي.. نحن فنص الاسبوع وهو فالكليه..
فاطمه: حليلج يا مريوم من اليهد ماتعرفين شو اليوم.. ياماما اليوم الاربعا اكيد نازل هو..
مريم: شدراني..هاتيها انزين ..
وعطتها فاطمه الورد ومسحت مريم الورد وشمته وهيه مستانسه وطايره من الفرحه.. ذكرها سعيد واتحمدلها ع السلامه وها الاهتمام مب من فراغ ياي.. فطوم تمت اطالعها وهيه مستانسه بعد وشوية دق تيلفون الغرفه وردت فطوم..
شيخه: هلا فطوم.. شحالج..
فاطمه: اهلين..بخير الحمدلله..
شيخه: وشحال مريوم ..
فاطمه: الحمدلله احسن بوايد..
شيخه: هيه حليلها (ويدحنها سعيد) اقول فطوم وصلتكم الباقه؟
فاطمه: هيييه قبل اشويه.. تسلمون عيال خالي ع الذوق..
شيخه: سعيد لزم علينا انطرش ورد.. قلتله انه نحن سايريلها امس وهو الا اطرشون..
فاطمه: اونه عاده..
ويسحب سعيد السماعه من اخته ويخليها تروح برع الحجره..
سعيد: فطوم عيبها الورد؟
فاطمه: بسم الله من وين ظهرت انته ..
سعيد: قولي انزين..
فاطمه وهيه اطالع مريم اللي كانت سرحانه وهيه اطالع الورد..
فاطمه: لو ماعيبها جان ماتمت امبهته بعيونها واطالع الورود..
سعيد فخاطره( فديت قلبها والله..): فطوم عطيني اياها..
فاطمه وتعلي صوتها حتى انه مريوم لفت عليها: شو اعطيك اياها..
سعيد: ليش عادي انا ولد خالها وابا ارمسها..
فاطمه: مادريبك والله..
سعيد: عادي مافيها شي تراها ادق سالفه ويا علي عيل..
فاطمه: صبر انزين.. (واترمس مريم) حو سعيد ع التيلفون..
مريم: شو.. ليش.
فاطمه: سعيد ولد خالي.. صاحب الورد.. يبى يطمن عليج.. اندوج ها..
مريم تهز راسها بالرفض وفاطمه تعطيها السماعه وهيه مب طايعه..
فاطمه: الو سعود ماطاعت..
سعيد ويحس بخيبة الامل: انزين عادي ليش ماتبى..
فاطمه: لاترى صوتها مشحط عشان جيه..
سعيد: انزين حطي السماعه على اذنها وانا برمس هيه مب لازم ترمس..يلا حطي ولاتشورينها..
فاطمه : انزين .. (وفعلا حطت السماعه فاذن مريم وخلتها فالامر الواقع..)
سعيد بدى يرمس ومريم منصته لكل حرف يقوللها اياه .. هو مارام يرمس وايد بس قالها.( خطاج الشر مريوم .. والله مادريت الا قبل شويه يوم رديت من الكليه.. ووو .. ماشي.. السموحه منج عاده..يلا عطيني فطوم ..) وبكل هدوء عطتها السماعه وطاحت ع الشبريه وهيه حاضنه الورد.....وعقب ماسكرت فطوم عن سعيد..
فاطمه: ها ردتلج الروح القاج.. ويهج يشع..
مريم: هيهيهي ربج بعد..
فاطمه: ياويل حالكم.. والله سعيد خلاص منتهي.. طاح طيحه .. احسبه مب رايم يود عمره.. لو سمعتيه كيف يتوسل عشان يرمسج..
مريم: تخبل هو..
فاطمه: هيه تخبل بحبج..
مريم: بس عاد فطوم.. والله اني قافطه منه..
فاطمه: تعرفين مليت من الدختر من ثلاث ايام ونحن هنه..
مريم: بيرخصونا انزين اليوم..
فاطمه: محد يا من الصبح..
مريم: الساعه خمس اكيد بيون احين ..
وعقب ربع ساعه يو اهلها ....

....سعيد من عقب ماسكر التيلفون وهو فعالم ثاني سرحااان فتخيلاته وافكاره اتوديه واتيبه يبى يخلص بسرعه من الكليه عسب يخطب مريم .. هو الحينه ضامن انها مابترده بس مايعرف اللي فقلبها اتجاهه ياترى تفكر فيه مثل ماهو جاتل عمره عليها.. ويت شيخوه وتيلست حذاله..
شيخه: ايه بو الشباب..
سعيد: بلاج..
شيخه: اعترف احسلك .. انته تحبها مريوم.؟
سعيد وهو يطالعها بنظره: استحي على ويهج ايه..
شيخه: شو نسويبك انزين.. ارمس وفك عمرك.. تبى تخطبها قول لامايه عن اطير عنك البنت..
سعيد: شلج انتي فها السوالف..
شيخه: ياهل تراني ما افتهم.. ايه انا حرمه ام 16 سنه للي كبري معرسات..
سعيد: هاهاهاها لا حلوه هاي اللي كبرج معرسات اوا..
شيخه: انزين سعود قول الصدق انته تباها؟ ادري انك اتحبها
سعيد: وشو اللي دراج؟
شيخه: يالله اختك انا يعني مابعرف عنك شي..صدقني سعيد اني ماقلت لحد باللي احسبه والله حتى حصوه ماقلتلها شي ..
سعيد: انزين وشو تبيني اقول؟
شيخه: خبرني عنك.. قول أي شي .. بساعدك على الاقل .. حتى لو ماتفكر فيك بنخليها تفكر فيك.. ها شقلت
سعيد وهو يقوم ويحط ايده داخل شعرها ويبهدله الها: شيخوه اهتمي لدراستج..(وروح عنها..)
شيخه اطالعه وكلها خيبه امل.. : ماعليه يا الهرم بتردك الحايه عقب..

ـــ وفها اليوم ترخصت مريم وردت البيت واستوت احسن بوايد عن قبل.. يتها نوره البيت وشموه وفطوم مقيله عندها طول الايام وحتى شيخه يت اتسلم عليها ومهره عنتلها من دبي ويتها يوم الخميس .. كلهن متيمعات فالصاله ويالسات حولين مريم.. البنات اول ماشافن مهره تمن امويمات ومتلومات لكنهن خذن عليها عقب فتره لانه مهره تاخذ من شخصيتهن شويه ووايد حبوبه.. وقبل المغرب روحت عنهن ووصلنها كلهن لين الباب..
مهره: يلا مريوم غناتي.. نترياج عاده الاسبوع الياي..
مريم: موافجه خير الغاليه.. سلمي على اهلج.. وعلى اللي ياينج هيهيهي..
مهره: بزيا تراج مريضه وتنكت..
نوره: جيه الخطيب ثره ياينج..
مهره: فالويه والله..
مريم: هاهاها عادي عادي..
مهره: يلا باي ...
مريم: باي..
نوره: سلمي سلمي.. هاهاها..
وردن يتمشن لين داخل..وسبقنهن شيخه وحصه..
نوره: جيه متى بيملجون هم؟
مريم: مادل بس هو يباها من كانوا صغار يعني.. جيه يعني نفس حالة بعض الناس هنه..
فاطمه: منو هم بعض الناس ها..
نوره: هاهاها اللبيب بالاشارة يفهموو..
شما: ربيعتج عندها اهل اهنه.؟
مريم: هيه خوالها كلهم هنه ..
فاطمه: وهيه منو خاطبنها؟
مريم: ولد خالها .. ها صبوح ربيع علي ماتذكرينه؟
فاطمه: هييه امبلا ..
شما: ياحافظ عاقه الكلفه صبوح اوا..
مريم: منو يسمعني ثره..
نوره: حليوه هيه اول مره اشوفها..
مريم: هيه فديتها وايد طيوبه..
نوره: هيه فديتها..
شما: هيهيهيهي شكلهم غاروا
مريم: منو يغار يالله .. اصلن هيه ماعندها سالفه اذ بتغار على مريوم صح نوروه
فاطمه: هاهاهاها عاشت بنت العم ادييلو..
نوره: عاده الواحد مايروم يسولف وياج.. بتقبضها عليه..
مريم: حد قالج.. وياراسج صدق انقهرت منج هاذاك اليوم..
شما: أي يوم؟
نوره: يوم من الايام..
فاطمه: يوم اتهادن فيه على..
مريم: بس بس انزين فكنا..
شما: هيه امره مايبن يقوللي.. اصلن حاذفاتني من اللسته انتن من زمان..
مريم: لاوالله فديتج بس ماشي مجرد ضرابه خفيفه..
شما: انتن ماتضاربن الا على شي قوي مستوي.. يلا خبرني اشوفكن..
فاطمه: ماشي شموه فيه واحد مغرم بمريوم وانتهت السالفه..
شما: يا سلااام.. ومنو ها المغرم العاشق..
مريم: اييه شو ها مغرم وعاشق..
نوره: هيهيهيهي خلج تتأدبين .. زيدن بعد
فاطمه: ماشي االله يسلمج شموه ها واحد ميت بداباديب مريوم
شما: انزين منو..
مريم قافطه وتتوعد لفطوم ونوروه.. وهن يضاحكن عليها..
نوره: شموه تعرفين شيخه
شما: هيه بلاها
نوره: اخوها
شما: سعيد!!!!
نوره: ماشالله عرفته على طول..
مريم: حافظه العائله الكريمه كلها..
شما: انزين متى وكيف وليش
فاطمه: عيزنا مانعيدها ها السالفه يبوكن غير مره وحد بيستويلها شي يمعنا كلنا وقولنها مره وحده..
وخبرن ربيعتهن الرابعه بالسالفه واللي تمت مشققه ومستانسه وفنفس الوقت بدى عليها لمحة الحزن..
شما: يالله كل وحده حصلتلها على فارس الاحلام.. باقيه انا..
الكل تم صاخ وماتنطقن ولا بحرف... الا نوره..
نوره: هاهاها يلا شموه ياينج الدووور.. (وتدحنها ع ظهرها,,)
شما: والقووم..الله يسمع منج يبوج من عقب ها الدحنه..

ـــــــ وعدن ها الليالي والايام وقربت المدارس اتخلص ويت الامتحانات وعدت بسلام وبدت لعيال المدرس الاجازه الصيفيه.. مريم بعدها عن امتحانات الفاينل باقلها كمن اسبوع وبتخلص.. وبدت مشاريع ومخططات الجميع للسفر.. فنص سته سافروا نوره وريلها لندن .. وعقب فتره بيلحقونهم اهلها واهل سالم.. واهل مريم يتريونها اتخلص جامعه ويرد علي من السفر عشان مره وحده يسافرون..
وفنص سبعه توجهوا كلهم لتركيا عشان يقضون ها الصيف وهم كلهم ملتمين واحمد عزم باهله ولحقووهم عقب ماطمنوا على عبيد انه قدم اوراقه وكل شي من بعد ماطلعت نسبته فالثانويه ..وعاده اليللا والربشه الها طعم ثاني فالسفر.. وخص والحبايب مجمعين...
وفي مدينة يلوا وبالتحديد فحي قروي مسماي بحي العرب لانه اغلب السكان عرب وكثير منهم سواح خليجين وكانت منطقه كلها تلال وهضاب وعشب بري طرقهم عاديه مب قار بيوت حذال بعض والعماير اغلبها دورين بس وبنايتهن من الحجر الخيول تارسه البقعه وكل حد يحوط بالعربانات يعني منطقه ترد الروح وهاديه واايد وعلى بعد كيلو كانت المدينه يعني عادي بالمشي يسيرون.. نزلوا اهل مريم كلهم فعماره وحده كانوا مأجرين كل الشقق لانها يديده بعدها محد سكناها واستولو عليها هم.. كانت دورين ومبنايه ع منحدر يعني موقعها رهيب الدور الاول كان عباره عن طابق ارضي والبوابه فالدور الثاني .. تحت كانن ثلاث شقق.. بومحمد وعياله فشقه وناصر وحرمته والشواب فشقه وشقه لبوعلي ويا عياله.. اما فوق فكانن شقه لبواحمد وعياله اماعبيد واحمد وعلي فشقه .. يعني بالمختصر استوت العماره على حسابهم وشلوها شل بالحشره..
عقب اسبوع من وصولهم ... كانت مريم يالسه فبلكونة الشقه وسرحانه فالمناظر الخضرا حواليها .. يت فطوم ادور عليها ولقتها موقفه .. ومشت بشوي شوي ودحنتها على ظهرها..
مريم: والقووم.. زيغتيني وياها الشاكله..
فاطمه: هاهاهاها حليلج.. شو تسوين..
مريم: ماشي .. اطمش ع البقعه..
فاطمه: وييه يخوف ها المكان تخيلي العماره مالت وطاحت.. وييه بندربح على ها المنحدر..
مريم: لا بتناقزين..
فاطمه: هيهيهي تخيلي ..
مريم: شووفي هنااك.. خلق الله كلهم مشتلين وين يبون..
فاطمه: يالله الحينه العصر بعد بيتحوطن الحريم برع..
مريم: الصراحه ها البلكونه موقعها فنتكه.. اشوف كل الجوانب فيها.. قومي خلينا نلحقهن بيوصلن بعيد عنا..
فاطمه: اصلن يايه اسحبج انا.. بسرعه لبسي عباتج..
وطلعن البنات من الشقه واتمشن...
فاطمه: مريوووم بخبرج بشااره..
مريم: شوو هيه..
فاطمه: سعيد ولد خالي..
مريم واطالع صوب الحريم..: بلاه..
فاطمه: باجر بيي ..
مريم معقده الحيات: وين بيي..
فاطمه: بيي هنه..
مريم: ليش..
فاطمه: بسم الله ليش انتي يايه هنه..
مريم: صدق بيي
فاطمه: هيه مساعه اسمع علي يقول لابويه انه سعيد بيي .. اونه طلعتله اجازه ومب عارف وملان عاده ويبى يتونس ويا علي..بس ماظنتي ها قصده.. قال القلب فتركيا شو يخليني فالبلاد..
مريم: خاايسه ..
فاطمه: هيهيهي صدق .. يالله دومنا انسافر عيل وماقال بيي .. حبكت ها المره..
مريم: كيفه انزين شو خصج انتي..
فاطمه: وااويلي ويلاااه..
مريم: بس انزين سرعي فالمشي خلينا نلحقهن..
فاطمه: ماشالله عليهن ماتقولين عيايز.. يخبن فالمشي.. يلا مريوم خاطري اركض..
مريم: ماروم ..
فاطمه: يا الدبه يا العوده..
مريم: جب..
فاطمه: عيل يلا خلينا نركض..
مريم: عشان يقولون مخابيل يترابعن..
فاطمه: كيفنا انزين..
وبدن يترابعن ويضاحكن على عمارهن .. حصوه انتبهتلهن انهن يركضن وتمت اموقفه اترياهن وتضحك عليهن وعقب وصلن عند الحريم وتيلسن كلهن فمكان ويا عياييلهن وتمن لين المغرب وردن ..

ــــ اما عن قوم نوره وسالم فكانوا مأجرين فلتين حذال بعض فمنطقه ريفيه .. صح كان سالم له مواعيد فالمستشفى بس اصر على انهم يتمون ويااهلهم وبعيد عن حشرة المدينه.. ويوم يكون له موعد يسيرون هو ونوره ويحاوطون وعقب يردون .. كانت المنطقه اللي هم فيها بعد وايد حلوه .. حذالهم بحيره وفيها البجع منظرها يريح العين.. الكل يطلعون ويحاوطون بس لازم يمرون ع البحيره ويلسون هناك..
مره كانوا طالعين كلهم من البيوت .. شما ومها سابقات الكل ويتمشن جدامهم اليهالوه يترابعون ونوره وهند وام عبدالله وام حمدان و امنه حرمت عبدالله يتمشن و مشللات وياهن السلل مالت الاكل وسولهن بريزه ويلسن عند البحيره ويتقهوين...
ام عبدالله: يالله عن ها الرياييل ولا واحد فيهم تم ويانا.. كلهم روحوا.. وسالم وعبدالله قبل الكل ظاهرين ولاردوا..
هند: حليلهم خليهم يطمشون ع مفاصيخ لندن..
نوره: هاهاها حسبي الله على بليسج..
امنه: لا عاده ريلي حشيم عن ها المدانيس .. مايتنزل يشوفهن..
هند: عاده ريلج انتي سكتي عنه..
نوره: وحليله سالم بعد يغض البصر هيهيهي..
ام عبدالله: مايندرابهم عاده .. ها انتبهلهم عن عيونهم تفتر ع غيركن..
امنه: يالله اسميني بموت جان صدق افترت..
هند: هاهاها حليلج .. خوفاتي تعفدين عليها وتذبحينها..
امنه: هيه عادي.. وجان استوى والله لايقوله طبعا بتشوفين بعينج..
ام حمدان: هاهاها اسميه محد بياكل حقج عيل..

نوره: وحليلي انا بتم غليمه عيل مابروم اقول لعديلتيه شي..
هند: ماعليج انا بقول بدالج ..
ام عبدالله: هيه عاده الحميه بتعاون.. خلاص ماينخاف عليج نوره دام هندوه وياج..
هند: احم احم..
وبعيد شويه عن يلسة الحريم كانن مها وشموه يالسات وحذالهن اليهال يزويه وعهود وخلفان وسلطان ومايد يتراوشون ويترابعون ..
مها: جيه حمدان اخوج وين عيل؟
شما: مادريبه يمكن سار ويا الشواب.. ها موته ع يلسة الرياييل ..
مها: حليله.. رياال ماشالله.. اصغر عنا بسنه لاه..
شما: هيه .. ( وتزاعج ع الاولاد) .. سلطوون هات اليازي.. هاكيه تلاحق ياهل ربع هاتها عن تضربه..
مها: هاهاهاها بدااو والله .. حتى هنه تمارسون الدفاشه..
شما: حوو ماسمحلج ودج انتي علينا.. وبعدين ماجنه جذورج بدويه انتي..
مها: هيهيهي نحن بدو متحضرين ..
شما: بس عيل.. فديتنا وفديت دفاشتنا شعليج انتي..الاصاله كلها فينا..
مها: انزين انزين..اقولج سيري هاتيها هاكيه شرته من شعره ها الفريخ ..
شما: دواه حد قاله يهاوم برع.. صبري..
مها: تشوف الشعر اشقراني حرير لازم بيجذبها.. تلاحقيها عن يطلعون شياطينهم الحمر ها الاجانب..

وبعد فتره يو سالم وعبدلله ووياهم حمدان ومن عقبهم يو بوعبدالله وبوحمدان وتيلسوا كلهم ويا الحريم وعقب ردوا ...

ـــــ بالباجر وصل سعيد للبقعه اللي فيها حبيبته .. كان مستانس لشوفته لمريم مع انه حط فخاطره منها لانها ما يت اتسلم عليه اول ماوصل وكانت كله تجنب تشوفه وتحبس عمرها فالشقه اذ كان هو برع واذ طلعوا كلهم اتم مسكته طووول الرحله .. طبعا هو نزل فشقة الشباب واستانس عليهم وايد .. قاموا كله يطلعون ويا بعض ويتحوطون حتى انهم يسحبون ناصر وياهم ...
فشقة الشباب..كانوا كلهم مرقدين .. ظهروا الرياييل كلهم عسب يصلون الجمعه.. وخطف بوعلي على الشبيبه ودش الشقه عليهم واحتشر يوم شافهم مرقدين وتم يهازب لين وعاهم كلهم..
بوعلي: يا غماتي ع الخيزران .. يبالكم خبطه بها.. رقاد ها الكثر..
احمد: ولدك خلانا نرقد ياخالي.. شل الليل عراسه..
علي: يا الهرم الحينه انا اللي شليت الليل عراسي.. ماجنك مسهرنا برع لين الفير..
بوعلي: بعد مسهرين برع .. بدال ماتصلون وتقيمون ليلكم بالعباده ..قوموا الحقوا ع الصلاه .. (وروح عنهم..)
وقاموا واحد واحد لين يسبحون ويدخنون الامام خلص الخطبه جد..
سعيد: ايه لاتروحون تريوني..
علي: هيه عشان الشيبه يهازب.. تعرفه درب المسيد ..
ويلحقهم لين الباب : انزين ماعندي كندوره مكوايه ..
عبيد: دبر عمرك ابوي.. لبسلك بنطلون..
سعيد: صلاة الجمعه وابنطلون وياراسك..
عبيد: كيفك عيل ...
وتم سعيد موقف برع الشقه بوازره وفانيلته وقابض الكندوره ويتأفف ... وهو ياي بيرد الشقه لقى مريم موقفه عند الدري.. كانت اطالع سعيد وهو قابض الكندوره ويتأفف ..ومالقت عمرها الا سايره صوبه... ولاول مره تبادره هيه بابتسامه..
مريم: ماسرت تصلي..
سعيد وهو يطالع الكندوره ومفتشل: لا..
مريم: عطني اياها بكويها ...
سعيد: تسلميين.. ( وعطاها كندورته..)
مريم: دقايق..
ونزلت مريم شقتهم وكوت كندورة سعيد ع السريع ودخنتها وركضت فوق ولقته يترياها ..
سعيد: مشكووره يا الريم..
مريم: العفو.. الحق ع الصلاه عاد..
ونكست عنه مريم ورد هو داخل الشقه ..وفخاطره ( ياحافظ عليها.. ومدخنتنها بعد.. ) ولبس كندورته وشل غترته وطلوق ع المسيد..
اما مريم فردت صوب شقة عمتها لانها بالاصل كانت امها مطرشتنها اتيب شي من عمتها ومن شافت سعيد نست شو بغت منها امها.. وعقب سارت اتصلي وتقرالها قران..
وعلى العصر ... طلعن البنات ويا موزه صوب السوق...
مريم: علاوي عند منوه خليتيه؟
موزه: ويا عمتيه
فاطمه: فديته جان يبتيه ..
موزه: بتشلينه انتي..
فاطمه: انتي ولا انا امه..
موزه: انزين لاني امه مايبته ..
مريم: هيهيهيهي يحيج..
موزه: لاصدق بيهلكني مافيني .. خلنه هناك ويوم بيصيح ابوه بيشله يحوطه..
حصه: اقول انا عييت من ها الدرب كل مابغينا السوق قالولنا ضربن خط ..
مريم: جان أجرتيلج واحد من ها الحصونه..
حصه: ودي والله بس ازيغ..
فاطمه: حليلج امس انا ومريوم ركبونا خيول.. والله اشكالنا اتضحك..
مريم: كله من احمدوه الطفس .. الا تركبن .. انزين هو قاد خيل خطيبته وانا وحليلي خلوني بروحي قام الخيل يخمس عليه..
فاطمه: هاهاهاها تمت الا اتصارخ.. الله رحم وياب علي اخويه هاك الوقت..
موزه: أي وقت ها..
مريم: يالله بغيت اروح فيها.. ها امس كان.. انتن كلكن مروحات السوق ..
حصه: وانا اقول بلاهن امس فليل من ينطرى الخيل يضاحكن..
مريم: هاهاهاها فشله والله .. مادري شكاضني اركب.. الخيول شكثرهن فالضاحيه وماقلنا نبى نركبهن .. ومن يينا هنه تخبلنا..
حصه: امبونكن مخابيل اصلن .. قولي استقويتن اكثر هنه ..
موزه: هاهاهاها صدقتي والله..
فاطمه: ماعليه انتن قرضنا ..
مريم: عادي فطوم .. الخبال يمدحونه الا هن مايعرفن.. هاي شيمه من شيمنا..
فاطمه: عاشت والله..
وعلى سوالفهن وضحكهن وصلن السوق .. دشلهن كمن محل وعقب تيلسن على وحده من الطاولات المصفوفه برع المطعم وطلبلهن ايسكريم..
وعقب قامن يتمشن .. ودشت موزه وحصه واحد من المحلات اما فطوم ومريم تمن موقفات برع ويطالعن صوب الشارع ويعلقن على كل حد خاطف ماخلن حد مانكتن عليه من شيبه لياهل من اصلع ولواحد كشه من ضعيف معصقل لواحد يدز كرشته.. وفنص سوالفهن صرخت مريم وفطوم اطالعها ومستعجبه بلاها وماتلقى الا عبيد جدامهن فاطس من الضحك وقابض بايده شنطة مريم ..
مريم: يا الكبش زيغتني .. يعلك انشالله..
عبيد: هاهاهاها اندوج ها (ويفرلها الشنطه).. شفتكن لاهيات بالسوالف قلت خلني ازيغهن..
مريم: يعلك والله زغت .. حسيت بايد تسحب الشنطه .. وتبريدت ..

عبيد: القاج.. طاعي فطوم لين احينه تتنافض..
فاطمه: دومها هاي جذه.. منو وياك انته تحاوط هنه..
عبيد: الشباب كلهم ..
مريم: وينهم عيل..
عبيد: هاكم ورانا..
ولفن صوبهم وكل واحد مكشر عن انيابه ويضاحكون لين وصلو عندهم..
علي: هااا بنت عمي.. والا سرقوج..
مريم: هيهيهي لا ماكتملت السرقه..
عبيد: انا خديه لو هفيت الشنطه وروحت جان استربحت اكيد مازرتنها بنت خالي بيزات..
علي: ثور تراك مافكرت فيها من البدايه.. ولا جان عشيتنا اليوم بحسابك ..
مريم: عفوا بحسابي بيكون..
احمد: لا خلاص بيصادرن هذاك الوقت..
سعيد تم مسكت ولارمس حتى انه جلب ويهه صوب المحل اللي وراهم وتم يطمش على الباترينات .. ويوم يايين بيروحون..
علي: اييه بوعسكور يلا بنروح..
سعيد: ها يلا ..
وروحو الشبيبه وكل وحده من البنيات اطالع صوبهم...
فاطمه: محلااااتهم .. فديتهم والله..
مريم: حليلهم..
فاطمه: .شوفي شوفي انتي.. شخصيه والله انهم . احلى شي انهم لابسين كنادير عربيه..
مريم: سعيد مسكت بالكندوره السودا والغتره الحمره..
فاطمه: احمد بعد..
مريم: بس مايوصل لسعيد..
فاطمه: جب جب..
موزه: هيه ماشالله..
فاطمه وتلف ع وراها: اوه متى ظهرتي.. (وهيه قاافطه)
موزه: يلا يلا مشن انتن الثنتين..
فاطمه: والله مانرمس عن حد الا شبيبتنا هاذيل..
حصه: جيه وينهم..
مريم: هاااكم هاا..
فاطمه: اللي لابس كندوره بيضا ومتعصم .. هذاك ها علي هيهيهي
حصه: ماصخاات ..
مريم: لا نخبرج نحن واللي لابس كاب.. الكبش عبود..
فاطمه: والكشيخ هاذاك سعود وحذاله احمد..
موزه: الله يعينكن انتن الثنتين..
حصه: قولي الله يعين احمد وسعيد عليهن..
مريم امبقره بعيونها وقاافطه جدام موزه: شخصه سعييد..
حصه: هيهيهيهي ماشي ماشي..
فاطمه: حصوه انتي مشخله متنقله.. اكيد سامعه شي..
موزه: انا احيد احمد يبى فطوم.. بس ماعندي خبر انه سعيد يبى مريم..
حصه: هاهاهاها والله انكن.. امشن امشن.. والله غلطت بس جيه طلعت..
مريم: لا اكيد سامعه شي..
حصه: لاوالله مااشي..
موزه: يالله بيسمعن البنت غصبن عنها..طوفن بسكن مناقر فضحتنا..
ويوم وصلن استلمت مريوم حصه ولزمت عليها اتخبرها اللي سمعته وحصوه ناقعه من الضحك وتحلف انها ماسمعت شي ولا حد قالها شي عنهم بس جيه طلعت منها لمجرد المزح ومريوم ويها محترق عبالها شي مستوي وحصوه تأكد انه ماشي ويوم طفرت منها ردت عند فطوم..
وفليل تيمعوا الشباب كلهم جدام العماره والشواب تيلسوا وياهم وربشهم سعيد بالشلات .. فطوم من درت طلوق عند مريم وسحبتها لين برع وتيلسن داخل العماره يسمعن وشويه لانه الحريم طبن عليهن وعيبتهن الاجواء وتيلسن بعد هن..
وضربهم خبال الشباب وربع علي اييب امسجل وحطوا شريط عيضه وقاموا ايوولون الا علي.. كل واحد يولته احلى عن الثاني .. البنات تمن امطرطرات عويناتهن وعايبنهن .. والحريم يتمدحن فيهم.. احمد من يشوف فطوم يزيد عيار يولته ولا سعيد قوموا عنه من عرف انه حد يطالعه تخبل قام ايبس لين طاحت غترته وانتفشت الكشه.. مريم تمت متخبله(عاده موتها ع اليوله لا وحبيبها ايبس ) قامت تناقز وتوقف وتيلس ماعرفت شو تسوي ..
فاطمه اتصاصر مريوم: هدي هدي..
مريم: والله رهييبه يولته.. بسه انزين رقبته بتنفدع..
فاطمه: يويلي ع الشعر انا مطولنه بعد ..
مريم: ترومين انتي .. شوفي العود احمدوه هيهيهي وين يبى.. والله سعيد مسكتنهم كلهم..
فاطمه: حدج عااد.. والله فنتكه يولة احمد .. طالعي طالعي .
مريم: من وين يابوا الكلاشنات..
فاطمه: شعرفني فيهم.. يمكن شروهن ..
مريم: وحليله عبود قصوا عليه بالعصا ايول..
فاطمه: ماشالله عليهم ربي يحفظهم.. شوفي انتي تيمعوا خلق الله..
ام محمد: مريوم فطوم دشن داخل .. مفرخ هكم يو..
مريم: يالله مايخلون حد يتهنى..
ام علي: تعالن ادخلن..
وردن داخل وهن يتأففن ..
ام علي: غربله ابليسه هاطول شعره الهريم..
ام محمد: يالله هب زين يبوج قوليله خليه يحلقه..
فاطمه: حليله عاده مابيسلم الحينه سعود.. لازم امايه يطولونه عشان يزورون..
ام علي: اخييه .. شو يزورون بعد.... يروم ايول بلاه
مريم: قومي قومي فطوم .. بنسير شقة قوم عموه فيها دريشه اطل ع برع..
فاطمه: يالله عيل..
ام محمد: انتبهن عن ايشوفونكن.. بيعصبون عليكن عقب..
حصه: صبرن بسير وياكن...
وتوقفن كلهن عند الدريشه وردن يضاربن على منو يولته احسن وخلن حصوه تحكم امبينهم ..
حصه: تعرفن .. لو يال علي بيسكتهم كلهم..
فاطمه: عاااااشت والله ..
مريم: اونها .. دومها تقولنا ماصخات يوم نرمسها عن علي.. والحينه بروحها هيه ترمس ..
حصه: هيهيهيهي من عاشر قوم 40 يوما صار منهم..
فاطمه: طااعي مريوم.. شقصدج اييه..
حصه: هاهاها لا ماقصدي شي..
مريم: انتي ودج علينا يوم بتاخذين صفاتنا..
حصه: انزين بس سكتن .. شوفن هاكم الشباب الكويتين .. تذكرينهم مريوم اول مايينا..
مريم: هيه.. حلوين ماشالله..
فاطمه: عايبتنهم اليوله.. هيهيهيهي طاالعيهم متجتفين ويضاحكون..اكيد يضحكون ع سعيد
مريم: ضحكوا من سرهم ..

فاطمه: هاهاها ماترضى..
مريم: جب.. طاعي.. افا جيه وقفوا اليوله ..
حصه: هلكوا حلييلهم.. لا وبعد لانكن انتن محد برع عشان يشجعون .. هيهيهي
مريم: اييه انتي علموووج ترا..
حصه: كيفي ..
فاطمه: انزين عادي مريوم شوفيها.. اصلن ميته غصه هيه لانه علي ماقام ايول..
حصه: لاوالله.. انا بروح عنكن ..
وروحت عنهن حصه وهيه يايه بتظهر من الشقه دش سالم .. تموا موقفين حصه تبى تظهر وهو يبى يدخل سارت حصه يمين سار هو يمين سارت يسار سار يسار.. وعقب أخر هو على ورى وطلعت حصه وهيه منكسه الراس ونزلت على طول تحت.. اما سالم فدخل وهو يحس بان الضيجه جاتلتنه ... سار صوب البنات وتم شويه ورد خاري...
فاطمه وهيه تلعب بالسلسه اللي فرقبتها: فديييييت احمد..
مريم: وابويه انا..
فاطمه: كيفي..
مريم: فطوم مب زين جيه.. اقولج شي.. من يينا هنه دمرنا انا وانتي..
فاطمه: هاهاهاها عاادي..
مريم: شو عادي .. وايد ماخذه حريتج وياه.. شو خليتوا عقب العرس..
فاطمه وويها يحمر: وياراسج.. انزين نحن ماسوينا جريمه .. ومحد مايدري انه احمد يحبني ويباني..
مريم: انزين وانتي امره فالتوه..
فاطمه: مريوم لاتحسسيني بالذنب عن اتم معنطزه ولا اقرب منه ولا ارمسه..
مريم: انزين لاا مب جيه بس لاتعقين عمرج عليه امره..
فاطمه: القلب رقيد شو اسويبه..
مريم: هاهاها يحيج انتي..وها السلسله ما بتخوزينها مول..
فاطمه: مستحييل استوت جزء لايتجزا مني.
مريم: عااشت والله مب من شي من صورة ها المفلوع..
فاطمه: جاااب ما ارضى تراني..
مريم: لاوالله..
فاطمه: انزين وانتي شو عنج؟
مريم: كيف يعني..
فاطمه: مادري .. ها الايام اسمعج تخورين رميسات سعيد وسعيد .. لكن من تشوفينه بلمتي ..
مريم: هيهيهي لا بس اسوي سوالف..
فاطمه: لاوالله .. وتوج يوم تخبلتي ع يولته سوالف بعد..
مريم: لا فطوم عاده انتي تحيديني موتي ها العلوم .. وماشالله هو فنتكه يعني أي شخص ثاني بيتخبل بعد ع يولته..
فاطمه: هزرج..
مريم: هيه هزري .. وقومي خلينا نروح..

ـــــــ فدبي وبالتحديد فالعوير مهره كانت يالسه ويا اخوها محمد ويخبرها عن علومه وعن دراسته..
مهره: وحليلك باقلك سنه عيل..
محمد: شفتي عاده.. ياسلام سنه وبستقر هنه خلااص..
مهره: هيه عاده يبالنا اندورلك خطيبه..
محمد: ع تنقايتج عيل..
مهره: فخاطريه وحده والله..
محمد: ومنو هيه..
مهره: ربيعتيه .. مخبرتنك عنها مره .. تقرب حق ها اللي يدرس وياك..
محمد: علي بن سيف..
مهره: هييه هوو..
محمد: جيه مب حق ولد عمها..
مهره: لااا لاا..
محمد وهو شاق الحلج: انزين حلوه عاده..
مهره: جميله ماشالله عليها..
محمد: هييه..
مهره: الله والله وناسه جنك خذت مريوم بتكون ويايه..
محمد: ناسيه عمرج انتي.. صبوح من يتخرج من الكليه يبى يملج
مهره وخدودها محمره: جيه قالك..
محمد: هيه..متخبل يبوج ماجني انا اكبر عنه وبعدني حليلي..
مهره: انزين شرايك اسير امايه عند ها العرب وتخطبلك ويوم بتي فنص السنه بتملجون.. والصيف الياي العرس .. حلو والله
محمد: هزرج..
مهره: والله مابتندم.. الريم الكل يتمناها والله ..
محمد: خطابه خويتيه مشتغله.. خلي عنج ها العلوم انتي خليني اخلص جامعه اول
مهره: انزين وجان حد خطبها..
محمد: ارادة ربج.. مايباها حقي..
مهره: بس عليك..
محمد: يلا انا بروح تبين شي..
مهره: سلامت راسك..
محمد: بااي..
وروح عنها اخوها وتمت هيه سرحانه فرمسته وفمصبح .. وردت تفكر بمريم وقامت تخطط لحياتها كيف بتكون لو صدق محمد خذ مريم ويت مريم عندهم وسكنت وياهم..

ـــــ في ربوع لندن ها المره كانوا الجماعه كلهم مشتلين وساروا يتحوطون بالسيايير .. سالم يسوق بحرمته ووياهم مها وشما وهند وعهود... وعبدالله يسوق بأبوه وامه وحرمته .. وبوحمدان طبعا بعايلته..
كانت سيارة بوحمدان اول شي وورتهم سالم وعقب عبدالله.. ومروا على الشاطئ حمدان من شاف الشاطئ واللي عليه ظهر من دريشة السياره وقام يزعج ( شووفو شووفو .. كل ماتشتهيي العيين ..) وميت من الضحك ويسحبه مايد وسلطان كلهم يبون يطلعون روسهم يشوفون اللي يرمس عنه حمدان..
سالم ونوره انتبهوا لحمدان وتموا هلكانين من الضحك عليه..
سالم: فشلنا اخووج يبوج..
نوره: هاهاهاها والله انه نكته .. طالع الهريم بيطيح.. غربلله عدوه..
سالم: لفتوا نظره المفاصيخ..
نوره: يالله يعلهم .. عاده عيالنا بيتمون امبقرين بعيونهم .. بسرعه خطوفنا من ها الشارع..
سالم: شوفي انتي بعد ميوود نقز ..
نوره: لا وسلطون بعد..
هند: عن منو ترمسون..
نوره: طالعي جداام..
شما: (تشهق) غربلاتهم بيطيحوون..
هند: والله انهم تحف .. يضاربون بعد..
وقيلوا يحاطون لين فليل وعقب ردوا .. من وصلوا دش سالم الحجره وطاح ع الشبريه خلب..
سالم: والله احسني هلكااان.. عطيني بالله عليج الدوا..
نوره: منو يعاييك انته.. اقولك لاتسوق ياسالم بتتعب..
سالم: شدراني..
ويلست نوره ع طرف الشبريه وعطته الدوا وكوب الماي..
نوره: تباني اهمز عليه..
سالم : لامشكوره حبيبتي.. ابا ادخل اسبح فماي حار..
وقامت نوره وزهبتله الحمام وعقب طلعت ثيابه وهو بعده طايح ولا قام وسارتله ..
نوره: قووم يالله..
سالم: متعاايز..

ـــــــ فدبي وبالتحديد فالعوير مهره كانت يالسه ويا اخوها محمد ويخبرها عن علومه وعن دراسته..
مهره: وحليلك باقلك سنه عيل..
محمد: شفتي عاده.. ياسلام سنه وبستقر هنه خلااص..
مهره: هيه عاده يبالنا اندورلك خطيبه..
محمد: ع تنقايتج عيل..
مهره: فخاطريه وحده والله..
محمد: ومنو هيه..
مهره: ربيعتيه .. مخبرتنك عنها مره .. تقرب حق ها اللي يدرس وياك..
محمد: علي بن سيف..
مهره: هييه هوو..
محمد: جيه مب حق ولد عمها..
مهره: لااا لاا..
محمد وهو شاق الحلج: انزين حلوه عاده..
مهره: جميله ماشالله عليها..
محمد: هييه..
مهره: الله والله وناسه جنك خذت مريوم بتكون ويايه..
محمد: ناسيه عمرج انتي.. صبوح من يتخرج من الكليه يبى يملج
مهره وخدودها محمره: جيه قالك..
محمد: هيه..متخبل يبوج ماجني انا اكبر عنه وبعدني حليلي..
مهره: انزين شرايك اسير امايه عند ها العرب وتخطبلك ويوم بتي فنص السنه بتملجون.. والصيف الياي العرس .. حلو والله
محمد: هزرج..
مهره: والله مابتندم.. الريم الكل يتمناها والله ..
محمد: خطابه خويتيه مشتغله.. خلي عنج ها العلوم انتي خليني اخلص جامعه اول
مهره: انزين وجان حد خطبها..
محمد: ارادة ربج.. مايباها حقي..
مهره: بس عليك..
محمد: يلا انا بروح تبين شي..
مهره: سلامت راسك..
محمد: بااي..
وروح عنها اخوها وتمت هيه سرحانه فرمسته وفمصبح .. وردت تفكر بمريم وقامت تخطط لحياتها كيف بتكون لو صدق محمد خذ مريم ويت مريم عندهم وسكنت وياهم..

ـــــ في ربوع لندن ها المره كانوا الجماعه كلهم مشتلين وساروا يتحوطون بالسيايير .. سالم يسوق بحرمته ووياهم مها وشما وهند وعهود... وعبدالله يسوق بأبوه وامه وحرمته .. وبوحمدان طبعا بعايلته..
كانت سيارة بوحمدان اول شي وورتهم سالم وعقب عبدالله.. ومروا على الشاطئ حمدان من شاف الشاطئ واللي عليه ظهر من دريشة السياره وقام يزعج ( شووفو شووفو .. كل ماتشتهيي العيين ..) وميت من الضحك ويسحبه مايد وسلطان كلهم يبون يطلعون روسهم يشوفون اللي يرمس عنه حمدان..
سالم ونوره انتبهوا لحمدان وتموا هلكانين من الضحك عليه..
سالم: فشلنا اخووج يبوج..
نوره: هاهاهاها والله انه نكته .. طالع الهريم بيطيح.. غربلله عدوه..
سالم: لفتوا نظره المفاصيخ..
نوره: يالله يعلهم .. عاده عيالنا بيتمون امبقرين بعيونهم .. بسرعه خطوفنا من ها الشارع..
سالم: شوفي انتي بعد ميوود نقز ..
نوره: لا وسلطون بعد..
هند: عن منو ترمسون..
نوره: طالعي جداام..
شما: (تشهق) غربلاتهم بيطيحوون..
هند: والله انهم تحف .. يضاربون بعد..
وقيلوا يحاطون لين فليل وعقب ردوا .. من وصلوا دش سالم الحجره وطاح ع الشبريه خلب..
سالم: والله احسني هلكااان.. عطيني بالله عليج الدوا..
نوره: منو يعاييك انته.. اقولك لاتسوق ياسالم بتتعب..
سالم: شدراني..
ويلست نوره ع طرف الشبريه وعطته الدوا وكوب الماي..
نوره: تباني اهمز عليه..
سالم : لامشكوره حبيبتي.. ابا ادخل اسبح فماي حار..
وقامت نوره وزهبتله الحمام وعقب طلعت ثيابه وهو بعده طايح ولا قام وسارتله ..
نوره: قووم يالله..
سالم: متعاايز..

نوره: مخلني اراكض واخر شي متعايز..
سالم: هاهاهاها فديتج..
نوره: قوم يالله..
سالم: انزين انزين..
ووقف مجابلنها ويسوي عمره عاده هلكان ويقرب منها ويحط راسه ع جتفها ..
نوره: وبعديين.
سالم: والله ريولي تعورني
نوره: سالم
سالم وهو يصلب عمره: هاهاها انزين انزين.. احبج والله..
نوره: ومن قال اني ماحبك..
وباسها سالم ع راسها بكل حنان ..
سالم: سويلي كوب حليب الغالي..
نوره تبتسم: انشالله..
وعقب دخل عنها يسبح وعقت هيه بعمرها ع الشبريه وتضحك ع سالم.. وغامظنها حاله بعده على العلاج ولكن اثار الدعمه بعدها..يبان عليه انه يعري ومن يسوق وايد عورته ريوله.. دعت ربها انه يشفيلها ريلها ويحفظه الها..وعقب نزلت تحت اتسويله الحليب..

ـــــ فتركيا ــــ
كانن مريم وفطوم يالسات عند الدري وطب عليهن سالم وتيلس وياهن ..
مريم: يالله ياولد عموه ولا حد يشوفك.. جيه وين تختفي انته طول اليوم..
سالم: ماشي اسير عند الربع..ويتمون زاخيني زخه عاده مايبوني اروح..
فاطمه: من وين هم؟
سالم: اللي انا وياهم من الشارجه وحذالهم كويتيين وسعوديين وكلهم متعلقيني..
مريم: عاش والله.. اتصدق ينحسبن المرات اللي شفتك فيهن من يينا هنه..
سالم: شو نسوي عاده ... ناس مايبونا هنه..
فاطمه: يالله منو مايباك..
سالم: لا لا ماشي..
مريم: يالله سالم شو ها الرمسه .. كلنا نباك ونتوله عليك ..
سالم تم موخي وتنهد من الضيجه اللي فيه وفخاطره رمسه يقولها لمريم .. فطوم حست بها الشي واستأذنت منهم وخلتهم برواحهم..
مريم: بلاك سالم..
سالم: ماعرف مريوم.. والله اني متغصص..
مريم: من اشوه انزين..
سالم: منو اتحيدين اللي يغصصبي دومه..
مريم: حصه اختيه؟
سالم تم مسكت ....
مريم: انزين ردت تتلاسن وياك هيه
سالم: لا حليلها..
مريم: عيل..
سالم: ماترمسني من هذاك اليوم.. تخيلي مريوم بنكمل سنه الحينه وهيه مول ولاكلمه ولا حتى سلام.. ها الكثر هيه حقوده..
مريم: لا الغااالي مب جيه السالفه.. يمكن كانت محطيه فخاطرها منك وويا الايام خلاص حست بانها لازم تعدل معاملتها وياك..
سالم: ماظنتي.. هيه من يومها ماتحبني يعني الحينه بتعدل معاملتها.. برايها خلها اترد تلاسني وتنازعني ولا انها جيه لابستني ومن تشوفني اتزيغ وتروح..
مريم: هيهيهيهي مسولها رعب..
سالم: صدق مريوم لاتتطنزين.. لاتقولين عني صغير واخربط فالرمسه .. والله حتى الكل يقول اني اعقل من عبود..
مريم: هاهاهاها صدقوا والله.. عبود الا خريشه..
سالم: انزين ..
مريم: شو المطلوب مني..
سالم: ماشي.. بس بغيت اخبرج ليش مب مداني ايلس هنه وايد.. عشان ماتحطين فخاطرج مني ..
مريم: انزين سالم.. انا بخبرك عنها والله حصوه طيبه وع نياتها بس مشكلتها شي واحد انها ماتحق على عمرها .. يعني انته يوم صفعتها هذاك اليوم هولت هيه السالفه عمرها مانضربت وانته الله يهداك تعطيها كف مره وحده.. لازم بيأثر عليها ها الشي وبتم منقهره .. بس صدقني مستحيل انها تكرهك .. هيه تحبك بس مب مثل مانته تباها تحبك.. فهمت عليه ..
سالم: وها اللي مغصصبي اكثر..
مريم: خلاص سالم الحينه هيه محيره لولد عمها.. مالك نصيب..
سالم: خساره.. طول ها السنين وانا عايش على اليوم اللي بقول فيه .. ابويه اخطبلي حصوه .. واخر شي اطير من ايدي..
مريم عاده ضربتها الغبنه وهيه تسمعه .. كل ماياه وسالم يكبر فعينها.. تحسبه غير عن كل ولد فسنه.. فاهم ع الحب وكبر عليه..
سالم: مريم خبريني شو اسوي يوم القاها.. مب زين انتم جذه.. مهما يكون نحن اهل وادري بنكبر وبنذكر ها المواقف السخيفه بس بتم مأثره علينا..
مريم: فديتك والله.. تباني ارمسها وافهمها..
سالم: ماعرف .. المهم خبريها خليها تصفي النوايا.. بسنا من ها القطيعه.. والله قلبي مب متحمل اكثر..
مريم: خلاص ولا يهمك الغالي.. انا بقوم ارد اخاف الشباب يطبون علينا الحينه..
سالم: ييه خليهم فحالهم هاذيل ولا سائلين عن حد حتى.. مايقولون وينه سالم نباه يلس ويانا.. يشوفوني ياهل وياروسهم..
مريم: هاهاهاها شو تباهم عايف شيفهم انته.. خلك وياصحبتك اليديده..
سالم: بيأذن العصر الحينه..بقوم اسير ..
مريم: اوكي .. موافج خير..
وروح سالم وتمت مريم ميلسه اتفكر فيه .. ماحست الا بدقة باب ونزلت على طول تحت ودشت شقتهم وسارت عند حصوه فجت باب الحجره ودشت عليها لقتها طايحه ع الشبريه ومحطيه الموسده فوق راسها ..
مريم: انتي اللي كنتي امبنده الباب.. هزه سويتي يبوج الحينه كلهم بيوعون..
حست مريم بانه الوضع غريب شويه وقربت من حصوه سمعتها تناهج وعقدت الحيات..
مريم: بلاج حصوه؟
حصه: مابلايه..
مريم تشر الموسده عنها: لا فيه شي ليش اصيحين..
حصه: خليني مريم..
مريم: بسم الله عليج.. ها الصياح كله واخليج.. شو بلاج..
حصه تمت ساكته ويلست وهيه تمش دموعها..
مريم: رمسي فرعتيلي هوادي..
حصه: مريوم سمعت رمستكم انتي وسالم (واتصيح..)
مريم : هييه .. زيغتيني يعلج عبالي شي فيج..
حصه: مريوم هو يتحراني مارمسه.. ادريبه بيقول مغروره ومتكبره.. بس والله انه السالفه مب جيه.. صح كنت قبل ماداني اشوفه.. بس والله مع الايام نسيت سالفة الضرابه.. بس كنت استحي منه .. اقفط يوم اشوفه.. عشان جيه ما ارمسه
مريم : انزين هو ماقال عنج مغروره ولا شي.. والله حليله مضايج لانج ماتفيسينه.. هو اعتذرلج قبل وانتي هازبتيه وادريبج انج ماقصدتي وكنتي محرجه بس هو حاط فباله انج تكرهينه..
حصه: والله ماكرهه..
مريم: وانا ها اللي قلته له..
حصه: مريوم انتي قوليله اني عادي مب زعلانه منه .. لايتم كله يروح ويحرم عمره من اليلسه وياكم.. احس بالذنب ..
مريم: خلاص حصوه .. حصل خير بتمون خوان .. واذ كان بينكم خلاف الايام كفيله بانها تنسيكم اياه.. انتوا بعدكم صغاريه عيشوا حياتكم.. والله انا وعلي محد كثرنا كان يجاتل وشوفي شحلاتنا .. الفرق انه علي مايحبني لكن سالم صدق يحبج..
حصه: والله انج مفتكه .. والله بتخبل انا يبوني لعلي ولا سالم يباني ..
مريم: هاهاها شعليج .. حصوه خلي الامور بروحها اتسير.. ابويه مابيغصبج على شي.. اذ انتي مب مرتاحه من صوب علي محد بيجبرج عليه.. بس انتي بعدج ماتعرفين مصلحتج فها الامور الحينه.. اتريي بس..

حصه: انزين مريوم انا مضايجه من شي ثاني..
مريم: شو بعد..
حصه: احس غلط موقفيه ويا علي.. امبوني قبل ماستحي من الكل وانا ارمس عنه عادي عندي والحينه غيير حتى ماداني اطريه جدام حد..
مريم: هاهاهاها والله انج علوم.. حصوه عادي عادي امر طبيعي ها..
حصه: انزين انا ماعرف اذ احبه ولا لا..
مريم: بعدج يا خويتيه..
حصه: عيل فطوم يوم انها حبت احمد ماقلتيلها بعدج..
مريم: لا عاده فطوم مانروملها نحن .. فطوم واحمد غير مايستحون من بعض كلهم نفس الطبع كبروا وهم يحبون بعض .. واحمد شخصيتيه مب مثل علي.. احمد جرئ علي الا يستحي..
حصه: وخلف ها الجرأه هو لسالم..
مريم: هاهاهاها شفتي عاده.. لاتلومينه سلوم عيل يوم انه خذ اطباع اخوه.. بسير عند فطوم انا.. بسيرين؟
حصه: لا مالي خاطر..
مريم: انزين لاتفكرين وايد..
حصه: هه عقب ماسمعته اليوم .. وماتبيني افكر..
مريم: زين بدت تتحرك مشاعرج صوبه..
حصه: شو يعني.. والله مريوم انا ماقصدت شي.. بس ضميري مب مرتاح.. انا اصلن من قبل ودي ارمسج فها السالفه اباج تقوليله وتفهمينه .. ماباه يحطني فباله
مريم: من زمان حاطنج هو..
حصه:.......
مريم: صدق حصوه عمرج مافكرتي انه ممكن يكون .. يعني ربج انه يكون مصيرج
حصه: شو مصيري انتي بعد.. خلاص انا مصيري مربوط بولد عمي..
مريم: بس قلتلج محد بيغصبج عليه..
حصه: صح انزين.. بس علي جنه رايدني انا مابرفضه.. لا تنسين انه الشيخ..(وتبتسم).
مريم: اهاا الشيخ.. يعني القلب مايلله..
حصه: لا مريووم مب جييه.. توج تقولين صغيره.. خلاص خلوني صغيره وخذوني ع قد عقلي.. انا من استويت واحب علي..احبه مثل ما احبج مثل مااحب فطوم وكل حد بس يمكن هو شويه زايد عليكم هيهيهي..
مريم: لازم بتحبينه اكثر عني لانه عاطنج ويه كان..
حصه: هيه حليله مب انتي شرييره..
مريم: يالله فديتني.. انزين حصوه لاتشغلين عمرج بها السالفه انتي.. خلاص سالم وصافي يا لبن بتكونون ويا بعض .. وعلي دام الله مكتبلج انج بتاخذينه تراج بتاخذينه وبتحبينه.. تيكا ..
حصه تشق الحلج: تيكا..
مريم: يلا باي انا بسير..
وروحت عنها مريم وتمت حصوه متيلسه بروحها.. تفكر فرمسة مريم.. حست براحه تسري فجسمها من عقب ماطلعت اللي فقلبها لاختها.. تمت اتفكر فرمسة سالم.. معقوله يحبها ها الحب كله وهيه مب مقدرتنه.. كان ممكن ينكتبلها انها تعيش قصة حب مشابهه لقصة فطوم لكنها هيه رفضتها وتكابرت عليها..
تندمت على كل كلمه عقتها على سالم.. كل كلمه غصصتبه كل كلمه جرحته... كان مقدرنها ويسأل عنها دوم.. فيه الخير حليله بس هيه ما قدرت ها النعمه .. ورد فكرها لعلي بدت اساريرها تشرق شويه من عقب همها .. دومه علي عندها البيرفكت بس عمرها ماتصورت انه بيفكر فيها .. كان عقلها طفولي وحالم مازال .. لكنه المواضيع اللي تشغلها خلتها تفكر ولاول مره كبنت عاقله تبدي رايها وتناقش.. وايد اشيا فداخلها تغيرت.. خفت عصبيتها وخف تعنطيزها وخفت من ملاسنها للكل.. قامت من على الشبريه ووقفت عند الدريشه.. وتمت ترمس روحها
( يااااا الدنيا.. الحينه انا البنت الدلوعه البزايه عقولتهم جيه استويت.. ياربيه وايد اشيا تغيرت فيني.. من اشوه .. اول شي سالفة سالم وعقبها علي.. احسبي كبرت من عقبهن عشر سنين.. من زمااان ماضاربت علايه وماخسست فمريوم.. معقوله تكون مريوم وفطوم أثرن فيني.. (وتبتسم) ليش لا . من قمت ارابعهن حسيت صدق اني عايشه.. خديه انا مادري ليش من قبل ماكنت وياهن اوكي.. والله انهن حريم ربي يخليهن ليه..هيهيهيهي خلاص مابفوت اليلسه بسيرلهن.......) وركضت عندهن...
ـــــــ عقب اسبووع كانوا قوم مريم يستعدون للعوده الى ديار الوطن.. كملوا شهر فتركيا ماخلوا ماكان ماساروله.. كل يومين لازم يطلعون يحوطون ساروا جزر ويبال وصعدوا بالتلفريك لين قمتها .. ومضت ها الايام الحلوه وتقرب موعد رجعتهم..
فليل كانوا متيمعين كلهم فمكان واحد جدام العماره ويسولفون ..مريم وفاطمه وحصه متيلسات على العشب شويه بعيد عنهم ..
ام خليفه(اليده): وين متيلسات انتن هناك.. تعالن عن الينون..
فاطمه: وين ينون بعد..
ام خليفه: تعالن تقربن عن يتراوالكن شي..
مريم: قومن يلا..
فاطمه بصوت واطي: يالله شو بيتراوالنا بعد الا حذالهم..
حصه: خلنا نيلس امره فنص حلقتهم..
فاطمه: هيه والله..
مريم: بس انطبن..
وردن يلسن شويه بعيد بعد بس ها المره عند باب العماره والجماعه مجابلينهن..
فاطمه: يالله عاده اليوم وداع لها البقعه من الزين ..
مريم: القاهم.. محتشرين..
وين ماكانن البنات يالسات على طول مجابلينهن الشباب .. احمد اكثر شي واضح الهن وحذاله سعيد وعلي..
كان احمد يسوي حركات لفطوم ويحرك بحياته وهيه فاطسه من الضحك عليه .. ويتم يأشرلها يوم يبى ينكت على حد .. من يرمسون الشواب ابوه ولا يده ولا خواله يتم يتعايا وياهم .. وشويه اشتلوا الكل يبون يسمعون قصيد عدلهم بومحمد قصيده اونه فبنته علايه اللي كانت يالسه فثبانه .. ومن قال ها الرمسه طرطرت حصوه بعويناتها..
حصه: يا سلاااااام ياا سلااام..
مريم: هاا هاا وين نقزتي..
فاطمه: هاهاها ردت حليمه لعادتها الجديمه..
وروحت عنهن حصه وتيلست حذال ابوها ماقهرت الحره ولزمت عليه الا يعدلها قصيد بعد هيه..
وعقب اشتطوا الشباب يبون سعيد ايشل.. سعيد تم مرتبك ومب عارف جدامهم كلهم .. ورفع راسه يدور على عيون الغنات.. تم مسمر عيونه عليها هيه بنفسها ماكانت منتبهه ولا حتى فطوم لانهن يطالعن صوب حصوه ويضاحكن عليها .. يوم طالعت على جدام حستبه يطالعها ورد بعيونه عاده هو على طول قاموا الكل يطالبونه على الاقل بشله .. ويت عباله شله قال فخاطره عل وعسى تنتبهله.. وقام يشل..
يــــــــــوم عينــي تنظــر فــي عينــك ارتبــك وتغيــر لونــي
مــــــن حلاتـــك والله فديتـــك تستحـــي لـــي منك عيونــــي
يــــا دلــع في حســـن تكوينــك ياذهب خالــص ومضمونــي
ساعـــه ألمـــس مـــره اديـــنك احـــس انـــي مــالك كـــوني
مـــــــن قدمـــك اليـــن جبيـــنك الحـــلاوه فيــــه مظنونــــي
مستحــــيل أحصلــــه شينــــك لأنـــه مثــــلك لا ولايـــكوني
علــــــى الجمـــال وربــي يعينك من عيون الناس ويصونـي
انتـــــه عــــندي وقلتك وينك من جمــــالك فيـــــك مفتونـــي
يـــــوم عيني تنظــر فــــي عينــــك ارتــبك واتغيـــر لونـــي

الكل عايبنه سعيد وهو يشل ومستانسين عليه .. مريم ضيعت الحاسيه من كثر مب متخبله ع الشله .. الكل كان مندمج ويا سعيد ومريم عيونها مانزلتهن عنه .. ومن خلص الشله ورفع راسه نكست هيه الراس..
بومحمد: صح لساانك يا الشاعر..
سعيد: صح بدنك عمي..
عبيد: يالله ماعطيتنا .. هب صووت..
علي: هب هباك الله..
سعيد: انته من عيونك احبالي الصوتيه بيتقطعن..
عبيد: يالله الا عويناتي هن ..
احمد: سكت سكت الا عويناتك.. والله انهن يعقن الطير من السما..
علي: تمدحه انته..
احمد: مالقيت مونه اتمدحه.. اقصد انه عيونه حارات..
ام علي: ويه تعال ولد اخويه بقرى عليك فديتك..
علي: هيه امايه بسوين خير فيه الكل كلاه .. دخنيه بشب وبان بعد..
تموا الكل يضاحكون .... والبنات فالصوب الثاني.. لاهيات فسوقهن..
فاطمه: ماشالله عليه ولد خالي..
مريم: رهيب ماشالله..
فاطمه: خليه يسمع اسميه بيخق يوم انج مدحتيه..
مريم: من حقه..
فاطمه: اونهااا..
وبعد ها السمر الحلو ردوا كلهم داخل يرقدون لانه وراهم نشه وبيردون بعدهم للعاصمه اسطنبول وبيركبون السفينه يعني حوسه وبيدورولهم فندق يباتون فيه لين يوم السفر اللي متبقي عليه يومين..

ـــــــــــ وردوا الكل البلاااد وبدوا يستعدون للعام الدراسي اليديد..رد علي مصر وسعيد بدى دوامه واحمد يستعد لمشاريع تخرجه .. فاطمه وشما مستانسات لانها اخر سنه الهن وكبران راسهن ونهن بنات ثاانويه.. ومريم بدى دوامها فالجامعه وبدت فتخصصها وعاده ها السنه بتربش اكثر لانه نوره بدت ادوام وياها صح مب نفس المساقات لانه نوره توها اساسي بس يتواعدن دوم فالكليه.. سالم كذلك رد للجامعه عسب يكمل دراسته ويتخرج ها الكورس..

ــــــــ فالجامعه .. كان بريك على مريوم وتتريا مهروه تخلص كلاسها ومره وحده يردن السكن.. وشويه لانها تحس بالتيلفون يهتز .. وسارت اندست فمكان وردت.. كانت نوره داقتلها تتخبرها عن مكانها وفالاخير تواعدن عقب نص ساعه فالرباعيه..
عقب ماخلصت مهره سحبتها مريم وسارن عند نوره..
مريم: ها ام مراايم.. متى بتخلصين دوامج..
مهره: لييش بنت ؟؟
نوره: هاهاها بعده يبوج ماظهر بنت ولا ولد بعده .. الا مريوم مشتطه..
مريم: براايني كيفي.. فديت مرايم انا..
مهره: نوره انشالله صدق بتسمينها مريم اذ كانت بنت..
نوره: مادري والله..
مريم: شو ماتدرين هب عكيفج..
نوره: هاهاها فديتج وانا اروم لاسمج اصلن.. وبعدين سالم بروحه فخاطره يسميها الريم اذ بنت..
مريم: هيه توكم..
مهره: انزين واذ ولد..
نوره: زاايد..
مريم: وين تبون.. وين ترومله اسم زايد انتوا..
نوره: سالم يبى يزاقر بوزايد عاده منو بيرده..
مهره: حلو انزين.. على البركه انشالله.. ربي يعطيكم الذريه الصالحه انشالله..
نوره: تسلمين الغاليه..
مريم وهيه تطالع نوره وسرحااانه.....
نوره: ها بلاج مقفيه..
مريم: ماشي..
نوره: لاوالله..
مريم: اتخيلج عقب كمن شهر.. هيهيهيهي بتنتفخ كرشتج..
نوره: ويا ويهج..
مريم: حلو الشعور وله نوره.. الله بتغدين ام..
نوره تبتسم.......
مهره: بعدج صغيرونه احسبج..
نوره: شو نسوي عاده ..
وسالفه ورا سالفه وخطف عليهن الوقت وقرب بريك مريم يخلص ونوره ترخصت منهن لانه سالم كان يترياها عند البوابه.. مهره ردت السكن .. ومريوم ردت للكلاس اللي عليها.. كانت افكار اتيبها وتردها وصلت عند سعيد وردت لنوره وسرحت لعلي وحصوه واستهمت على فطوم لانها من كم يوم مادقتلها وشموه ماتعرف شو حالها فها الدنيا ومن متى ماشافتها..
وردت عقب للسكن وماكان لها أي خاطر للربشه ويا البنات تيلست فحجرتها وشغلت الكمبيوتر وكتبت واجباتها عشان تتفضى فعطلتها باجر...
بعد ماخلصت مريم واجباتها صكرت الكمبيوتر وطلعت فجناحهم .. يلست ويا البنات شويه وردت حجرتها ..كانت فعلا مستهمه و فخاطرها وايد اشياء .. تحس بالضيجه ومب لايقه اللي تفضفضله .. طاحت ع الشبريه تحاول ترقد بس ماكانت قادره.. شغلت الابجوره ويلست .. تحس بالوحده الاليمه .. محد مشاركنها فعزلتها هاي .. كانت تسمع اصوات البنات وضحكهن برع وفخاطرها اتشاركهن بس مب قادره .. مهره مب مقصره وياها دومها اتي عندها .. نوره تتشاوف وياها وفطوم تلقاها كل ويكند وشما تتصلبها من فتره لفتره.. بس بعدها حاسه بنقص فضيييع.. تبى لو الزمن يردها لورا .. تبى ترد طالبه فالمدرسه ونوره دومها وياها وماتفارجها وشما دومها تلقاهاو فطوم اربعه وعشرين ساعه عندها ..
غير هم ربعها هم ثاني زاد عليها .. هم ماتقدر انها تمنع قلبها منه ما تقدر تقاومه وترميه ورا ظهرها.. هم ودها يزول عن قلبها وتتخطاه ويصبح امل يشع جدامها تقدر تمسكه بايدها وتسعد حياتها به..
دمعت عينها لها الافكار كلها.. وقبضت دفترها وقلمها وطلعت كل شي فخاطرها طلعت الضيجه والقهر .. وفالاخير ماحست بعمرها الا وهيه راسمه شخصيه مستحوذه على جزء من تفكيرها .. من بعد ماخلصت الرسمه حست بالرضى بالراحه تأملت الرسمه اللي فيها شوي من الخلل .. لكنها تشوف صورته فها الرسمه.. ضمت الدفتر وحطته على جنب ورقدت..
يوم الاربعا .. نزلت مريم من الجامعه.. وأول ماوطت ريولها ارض فريجهم حست بطاقه رهيبه تسري فجسمها ودها تخم ها البقعه خم .. طلعت حجرتها وبدلت ثيابها ولبستلها وقايه وظهرت برع..
اول ماشافت الحريم على يلستهن المعتاده ابتسمت .. سلمت عليهن وتيلست ..
ام خليفه: يالله فديت ها الويه بلاج جيه ضعفانه .. ماتاكلين هناك..
مريم : يالله ازط زط هناك ..وغير الجبسات اللي تارسه الحجره والحلويات.. والله احسني دبه مستويه..
موزه: لا مريوم صدق باين عليج انج ضعفانه ..
ام محمد: طاعي حتى ويهج مصفر ..
مريم: لالا هذا من كثر مب مستهمه عليكم هيهيهيهي..
ام علي: يوم انتي اللي حذالنا وجذه.. كيف عيل وليدي فديت روحه..
ام خليفه: يالله فديته متى بيخلص هو ..
موزه: عمتيه بعده توه فاول الدرب..
ام محمد: ييه يا الدنيا عيالنا يكبرون وباجر بنشوفهم معرسين انشالله وبيلتهون عنا..
مريم: هيهيهي اماايه لاتخافين بلزم عليه يبنيلي حذالج .. اصلن وين اروم انا على بعد ها البقعه الطيبه..
ام خليفه: هيه ماعليه .. بنسمع ها الرمسه عقب..
مريم: كيفه عيل لا ياخذني..
موزه: لابالله طيرتي كل العرسان..
مريم: بس بس الله يخليج .. تراهم طوابير الحينه..
ام علي: يا حافظ عليج .. لو حياة الصبي كان حي جان مايوزته غيرج ..
ام محمد: ييه يا الدنيا .. ماالله عطاه عمره..
ام خليفه: عندالله يا الدنيا لو هو حي جان الحينه متخرج من الجامعه ..
ام علي نزلت دمعه من عينها على ضناها اللي متوفي وهو بعده توه مكمل السنتين.. مريم من شافت السكوت اللي حل بالحريم ترخصت منهن وسارت عند فطوم.. دشت غرفتها ومالقتها .. يلست اتنبش فكباتتها وطلعت صور فطوم وخوانها .. تيلست على الكرسي ويلست تتأمل الصور..
صور فطوم وهيه ياهل وصور علي .. صور فهود .. وصور ياهل بعد من سنين حمودي اخوها تقريبا..
مريم فخاطرها " حليله مالله كتباله عمر .. كلنا متناسين ها السالفه الا عموه وحليلها .. لازم ضناها وبجرها اكيد كل يوم يدور فبالها واتصيح عليه.. " وطبت عليها فطوم واول ماشافتها صرخت..
فاطمه: مريووووووووم
مريم: بسم الله الرحمن.. يعلج دومج اتزيغيني..
ركضتلها فطوم وسلمت عليها ..
فاطمه: دياية خيبر شو اسويبج .. من متى يايه.؟
مريم: قبل اشويه..
فاطمه: غريبه راده من العين ومانخمدتي ..
مريم: لا اليوم غير .. احس من عقب الحبسه اسبوعين ابا احوط فالفريج وماضيع ولا دقيقه..
فاطمه: حليلج.. والله تولهت عليج .. يغربلهم كل اسبوع تمه..
مريم: شو نسوي .. اونه يبون يعوضون الاجازات اليايه..
فاطمه: ماياكن خير.. (وانتبهت للالبوم) شو كنتي اطالعين ..
مريم: شو بطالع يعني.. صور عيال عمي ..
فاطمه: امبدله على صور حياة الصبي..
مريم: هيه ..
فاطمه: فهودي وايد يشبهه صح ..
مريم: هيه..
فاطمه: بلاج..
مريم: ماشي غامظتني امج..
فاطمه: امايه دومه خليفه على لسانها .. علي مرات اتزاقره خليفه وفهودي بعد..
مريم: كان اول ياهل فالعايله .. توفى قبل مانطلع نحن ع الدنيا..
فاطمه وتسحب الالبوم من ايد مريم: قومي ننزل تحت..
مريم تتنهد: اوكي ..
وعقب ماصلن المغرب روحن بيت يدهن ويلسن فالحوي واليهال كلهم متكودين حذالهن ويلعبون ويصرخون..
فاطمه: فهوود سيروا مناك يلا..
مريم: يالصدعه .. من الله عيالنا حشره بعد عيال الفريج هنه..
علايه: انتن سيرن داخل .. نحن كله نلعب منيه...
فهد: البنات مايلسن برع.. سيرن داخل..
فاطمه: احلف انته ..
مريم: يلا حبايبي سيروا بعيد لعبوا اخاف الكوره اتي علينا ..
علايه: لا لا نبا منيه نحن..
فهد: يلا سيييرن يلاا..
وطبوا البنات وردوا يلعبون وشويه لانه الكوره اتي على راس فطوم .. فولت عليهم وقامت تصرخ ..
مريم: اقولج .. قومي خلينا نروح..
فاطمه: يا المهروم .. ادريبك فهود بالعماله فار الكوره عليه.. ماعليه انزين انته .. يمع عيال الفريج وتقاوا عليه .. اللي بيحللك الواجب يا البزي..
وثارن من يلستهن ودخلن البيت ...فالصاله الحريم مشتلات وسوالف ورمسه وصدعه .. فشلن بعمارهن وسارن داخل حجرة التيلفزيون .. اول مادشن لقن حمودي يلعب بالمكعبات وعلاوي ميلس على كرسيه ووياهم البشكاره..
مريم: فدييتهم انا الحلوين.. هاذيل الاطفال هب اللي برع..
وشلت مريوم علاوي من على كرسيه ويلست تلاعبه .. عاده حمودي من شاف مريم وهيه شاله علي نقز عليها ..
فاطمه: يالله يا اليهال يوم يغارون..
مريم: حبيبتي مايغارون على اي حد .. احم احم
فاطمه: اونج..
مريم: اندوج شلي عليوي..
فاطمه: اووديتك انا.. صح علوه مطرشله بووسه ..
مريم: علي مستانس على عمره . والله هب مسمين عليه مسمين على ابويه علي..
فاطمه: انزين .. ويوم يقولوله جيه قال وانا مسماي على اليد ..
مريم: ويعني..
فاطمه: شدراني به .. اونه المغزى واحد يعني كأنه مسماي عليه..
مريم: سخيف تراه .. انزين متى اتصل هو..
فاطمه: قبل ما اييج الحجره كنت ارمسه ..
مريم: ياحيه.. ييه ماتخيل فطوم سنه ونص تقريبا ماشفناه فيهن الا كمن مره ...
فاطمه: ويانا طول الصيف كان..
مريم: ولو.. غير يوم انتي متعوده على حد وفجأه ماتقومين اتشوفينه الا من فتره لفتره..
فاطمه: فديت اخويه انا..
مريم: وينك يا علي تشوف منو يتفداك..
فاطمه: هيهيهي حليلي والله احبه شو اسوي .. اخويه حبيبي وكيفي..
مريم: يحظج عندج اخو اكبر عنج..
فاطمه: ردينا ع الاسطوانه..
مريم: هيهيهي شو اسوي مفتقده حنان الاخ..
فاطمه: البركه فها الشبل بيكبر وبيعطيج الحنان(وتقرص حمودي على غزه) ..
مريم: فديته من شبل.. شله اترياه لين يكبر ثره.. حمودي عطني حنااان كبييير..
ويلوي عليها حمودي بقوو ..
فاطمه: ياحافظ على ها الحنان .. احيدها مالت علايه ها الحركه..
مريم: هاهاها كبرت الهريمه وقامت اتشوفنا من طرف خشمها..
فاطمه: اووهو علتهن بنات عمي.. الثالثه ورثتنها البزا بعد ..
مريم: هاهاهاها طبع عاد شو نسوي..

ـــــ في بيت بوحمدان.. شما قابضه التيلفون وكل ساعه اتعيد الرقم...
شما: اوهو وين ذلفت هاي.. شحقه ماترد.
حمدان وهو خاطف: بلاج تتحرطمين..
شما: ماشي..
حمدان: وياها الراس..
شما: حمداانووه تعال تعال..
حمدان من عند الباب: شو تبين..
شما: وين بتسير..
حمدان: شو لج..
شما: حمدان حبيبي والله .. أرأف بحال اختك.. والله اني ملانه.. حوطني فالفريج..
حمدان: ماشي شغله.. انثبري مكانج..
شما: فديت روحك ودني عند فطوم..
حمدان: قولي من البدايه..
شما: الله يخليك باخذ عنها كمن كتاب .. وابا انقل الدروس اللي فاتتني..
حمدان: انزين فليل احينه افتضحي..
شما: عادي بعدها ثمان مايت..
حمدان: انزين قولي لامايه..
شما: لا شو امايه ادريبها مابطيع انسير احينه..
حمدان: يالغبيه احسلج باجر اسيرين.. بتمين عندها وايد.. الحينه مابيمديلج الوقت.. ساعه الا..
شما: اف انزين ملانه شو اسوي.. يا ربيه ..
حمدان: يلا سلاام.. (وروح ...)
شما: ماشي غير اني ادق لنوره.. (ودقت..) .. السلاام عليج
نوره: وعليج السلام .. غرييييبه شميم داقه ..
شما: يالله يالله.. جان انا اللي دوم ادق وغريبه ..عيل يوم انتي بدقيلي انا شو بقول..
نوره: لاوالله..مره فالاسبوع واتسمينها دوم..وبعدين تعالي من قال اني مادق ثرني .. يوميا لازم ارمس امايه..
شما: انزين بس ماتطلبيني .. ترمسين امج وتبندين حتى السلام ماطرشينه..
نوره: هيهيهيهي المفروض انتي اطرشين السلام وتسالين عني..
شما: يا سلااام .. وانا محد يسأل عني يعني .. وينها شما شخبارها حيه ولا ميته ..
نوره: بل بل ..خلاص خلاص يبوج كل مادق لامايه بطلبج زيين ..
شما: بنشوف.. اف ..والله مليييت من ها الحياه.. كله بروحي..يا ربيه ملل ..
نوره: جابلي كتبج عليج ثانويه..
شما: مالي خاطر.. لاحقه ع الكراف..
نوره: اليوم الاربعا.. ها باجر منو بسير عند الثانيه..
شما: وين..
نوره: فطوم بتيج ولا انتي بسيريلها..
شما: هاهااااي ضحكتيني .. اتصدقين انه قطعنا ها العاده من شهر..
نوره: الله .. ليش..
شما: اخر مره سايره عندهم يوم كنتي ويايه ..
نوره: وليش غيرتن النظام.. امبونا كل خميس بيت وحده..ولا مفتقدات وجودي..
شما: لا مب جيه..
نوره: ويا ويهج انزين جاملي..
شما: هيهيهي .. تبين الصدق .. فطوم هيه اللي قطعت يياتها اول ماقامت اتيني ..ويوم ابا اسيرلها ما القى حد يوديني .. ويوم اقولها فطوم بتين الخميس تقولي ماعندها حد اييبها ولا قوم عمتها هنه ..
نوره: معلووم قوم عمتها..
شما: هاهاهاها حليلهم .. ومرات اتعايز اقول بسيرلها وعقب اكنسل.. وهيه نفس الحاله..
نوره: اصلن انتن ماتنفعن بدونا انا ومريوم.. نحن اللي كنا نحركن قبل ونربشكن..
شما: بيني وبينج.. الصراحه نحن بدونكن ولا شي.. احس بشي كان فداخلي وضاع مني.. ولهت ع لمتنا .. يالله متى اخر مره بالله عليج التمينا كلنا..
نوره: من شهر..
شما: ييه يا الدنيا ..
نوره: ماعلينا الله يعوضنا انشالله.. انزين شموه فصلتي للعيد..
شما: له ..
نوره: ياحافظ عليج الاسبوع الياي رمضان .. انزين شوفي خذتلج كمن بدله تراني.. جان بتفصلين فصليلج مخاوير..
شما: وحليلج تعبتي عمرج .. بس مابردج فديتج هيهيهي مشكووره..
نوره: وياويهج.. الاسبوع الياي انشالله بيي .. بنرمض عندكم..
شما: صدق والله.. ياسلاام ونااسه..
نوره: وعشان ماتضايجين بعمرج وماتمين ملانه بنتيمع فبيتا .. مريوم اكيد بتي وفطوم دام مريوم وياها بتي بعد..
شما: حلوو..
نوره: عليهوم يا الربع..
شما: عليهوم يا ام زيوود..
نوره: ام زيود فعينج وياراسج.. قولي عمتيه ام الشيخ زايد طولي بعمره..
شما: الشيخ بعد .. وين تبون..
نوره: مسماي ع الشيخ لازم بيتسمى بعد هو شيخ..
شما: ييه .. بالشين بعماركم .. خلوه ايي اول..
نوره: هاهاهاهاها.. فديته وفديت ييته..
شما: واويلي عليج..
نوره: اقوول شموه.. بسكر عنج الحينه .. بسير اطالع عموه جان تبى شي..
شما: ياحافظ ع السنع.. خلاص عيل .. فداعة الله..
نوره: مع السلامه..
ـــــ بالباجر العصر سارت شموه عند فطوم .. كانن يالسات فالصاله ..
شما: ماخبرتج.. نوروه بتي الاسبوع الياي..
فاطمه: لاوالله..
شما: هيه..
فاطمه: ياحيهااا .. الله متولهه عليها وياراسها من شهر مايت..
شما: حليلها ريلها مايتفضى تدرين رد للجامعه تراه وغير ها هو مايبا اييبها كل اسبوع عسب الحمال..
فاطمه: هييه حليلها.. اقول شموه صبري شويه ..
شما: وين بسيرين..
فاطمه: الحينه بيي..
وسارت فطوم المطبخ .. وتمت شما يالسه وتنقل نظرها لزوايا ها الصاله .. وطاحت عينها ع صورة محطوطه فكبت زجاجي.. سارت صوبها وتمت تتأملها وهيه مبتسمه ..وفخاطرها"ايااام كانت وياك يا علي.. تصدق لو قلتلك انها احلى ايامي.." وتتنهد.....
فاطمه من وراها: سلامتج من الاه..
شما: انتي يتي..
فاطمه:تولهتي عليه؟
شما وخت وردت تيلس ع الغنفه.....
فاطمه: شو بلاج..
شما: ماشي..
فاطمه: قلنا نسينا السالفه ..
شما: انزين نسينا خلاص..
فاطمه: شما فخاطريه ها السؤال من مته..
شما: اسئلي..
فاطمه: ماندمتي انج حبيتيه.؟
شما: يالله وشله اندم.. بالعكس ايامي هاذيج كانت احلى شي.. (وتبتسم) ماتتخيلين كيف كنت.. نظره منه ولاكلمه كانت تعطيني أمل وتخليني اقبل على كل شي .. ان كنت بندم مابندم على حبي له لا.. بندم على اني نسيت حبه..
فاطمه: وصدق انتي نسيتيه؟
شما: مادري فطوم.. بس سنه كامله كفيله انها تنسيني كل شي .. صح كل يوم اذكره وادعيله بس مثل ماتقولين قلبي تعود وتعايش على الوضع ها.. بس تدرين
فاطمه: شوو
شما: اخاف ايي يوم اجابله فيه..
فاطمه: وليش الخوف.. بتمون خوان..
شما: وين فطوم تخيلي كان يدري اني احبه.. انا شو بيكون موقفيه.. فشله..
فاطمه: وشدراه هو انج تحبينه .. هو اصلن معتبرنج مثل اخته ومب محطي فباله أي شي..
شما: مادري والله..
وبعد المغرب يت مريم عند البنات ومن شافت شموه حست بغبنه فحلجها ولوت عليها وهيه تسلم ..
شما: فدييتها الطويله.. شحالج..
مريم: هههههه الحمدلله اشقح وانطح اليدران.. شحالج انتي ياالقاطعه..
شما: حرام عليييج اخر مره انا داقتلج عن تقولين بعد..
مريم: هيهيهي خلاص نحن القاطعين.. والله تولهت عليج...
فاطمه: ياسلااام ع الفلم محلاته.. بسكن انزين تفيزرن..
شما: ها الريم شخبار بوعسكور..
فاطمه: اووب اووب تصدقين شموه ماعايرتها مريوم ها اليومين بسعود..
مريم: هيهيهيهي وياروسكن .. شموه جان تبين اخباره تراه فطوم بنت عمته هب انا..
فاطمه: من اسبوعين مايانا..
مريم: لييش؟
شما تقلد مريم: لييش؟ (وتضربها ع ايدها..)
فاطمه: شدراني .. اكيد مابيي دام مريوم محبوسه فالجامعه ...
شما: اشكرر..
مريم: انتن بلى تراكن..
فاطمه: تراج تبين تعرفين ليش..
شما: ماعليج منها فطوم.. شغل لواته الا..
مريم: بل بل بل ..اخبركن غيرن الموجه .. لاترمسن عن سعيد.. فطوم شحاله احمدووه..
شما: هاهاهاها والله انج.. عاده انا فخاطريه اشوفه ها السعيد.. ماذكر شكله..
فاطمه: يالله شموه دومي اراويج صوره وياعلي..
شما: ماذكره انزين.. ماكنت ادقق عليه بس اذكر عيونه رماديات وله..
فاطمه: هييه هييه..
مريم تبتسم وتقبضلها مجله واونها تجلب فيها ..سرح فكرها لعنده .. تحس انها متولهه عليه ودها تشوفه .. صار فاحلامها يزورها وفيقضتها تسرحبه ماتدري باللي حلبها بسبته ..
وفليل من بعد ماروحت شموه ردت مريوم بيتهم ويلست اتزهب شنطتها .. وفتحت بلكونة الحجره وطلعت .. اساندت ع اليدار وتمت اتناظر بيت عمها ..
" أرفج انا بعيونك ...رفجت عرب يوفون ...لو كلهم ينسونك ....ما أنساك مهما يكون .. (وتضحك..) والله وعلمتني الغنى يا سعيد .. وينك ووين ارضك.. مشتاقتلك واايد .. ياخوفي اكون عايشه فوهم .. بس شو سوي ماقدرت امنع قلبي من انه يحبك.. يليتك بس تعرف.. " وترد لداخل الحجره وتوطي راسها ع المخده وتودع ..

ـــ فنفس اليوم من الاسبوع اللي عقبه.. كانت مريم وفطوم وحصوه فالخيمه يفرشن الحصير ويرتبن صياني الفطور ..
حصه: بتسيرن عقب الفطور انتن؟
فاطمه: لا عقب التراويح..
مريم: لا شو عقب التراويح بنفطر وبنسير..
فاطمه: لامريوم خلينا نصلي ونسير ..
حصه: هيه مب شي تسيرن احينه ..
مريم: انتي مابسيرين؟
حصه: له شو ادور اسير وياكن.. ربعكن هن..
فاطمه: افا ونتحراج انظميتي..
حصه: هيهيهيهي انظم فالمدرسه واتحمل خبالكن ..خلني انعم بالراحه فالبيت ..
مريم: هاهاهاها اونها عاده .. ما يحتاي مسكته اختيه تراج..
حصه: حرام عليج عاده.. لاتقولين شراتكن انا.. حشاني بعدني ماوصلت لدرجه خبالكن وعبطكن..
فاطمه: يا ناس هذا مب خبال ولا بعبط.. هذا يسمونه خفة دم..
مريم: بس بس ويا خفت الدم .. هكن الحريم ين..
وبعد صلاة التراويح يلسوا الكل فبيت بوخليفه .. مريم وفاطمه مزهبات الحلوات ويزاقرن ع الدريول.. بس قالتلهن البشكاره انه روح وربعت فطوم ادور دريولهم وبعد مالقته .. ودققلهم تيلفونات وماطاعوا اييونهن..
مريم: يغربله الخايس وين بيسير هو مب جني قايلتله اني بسير لنوره.. انزين ماعليه خبره عند ابويه..
فاطمه: خلينا نسير بيت قوم ابويه .. يمكن عمي ناصر هناك..
وسارن وسون حشره هناك..
لطيفه: انزين بنياتي مب لازم اسيرن نحن يايين وانتن بتروحن..
مريم: تراه نووره هنيه لازم اسير.. امايه دوريلنا حد..
فاطمه: اف وينك يا علي ..
مريم: موزه وينه ريلج..
موزه: اكيد فالعزبه..
فاطمه: اففف مب حاله هاي.. ماعليه ها الاثنينه وين بيسيرون الخياس.. بعد اندقلهم وهم ولا عليهم يالسين وياالخمه الباجين..
ومايسمعون الا دقة باب .. ويدخل احمد واخوه سالم وناصر..
مريم: ييت فوقتك فديت روحك عمي ودنا ..
ناصر: وين ؟
مريم: عند نوره.. تأخرنا عليها..
ناصر وهو يطالعهن ويطالع احمد : احمد ودهن ..
فاطمه شاقه الحلج: يلا مريوم خلينا نركب عن يغيرون رايهم..
مريم: يلا احمد بسرعه .. سلوم تعال ويانا..
ام محمد: طاع لاشور ولا شي روحن ..
ام علي: ماعليهن شر.. ساير ابويه احمد ..
احمد وهو يطلع: انشالله ..
البنات تمن موقفات عند السياره ويا عبيد ويترين احمد..
احمد: يلا اركبن..
عبيد: جيه وين بسيرون..(ويدق تيلفونه ويرد ..) ها برع انته .. زين ياينك..
احمد: منو ها
عبيد: بوعسكور.. يلا باي بسير انا بعد..
ويركبن البنات السياره ومريم لاصقه عند الدريشه وعيونها صوب سيارة سعيد يوم ظهروا .. شافته وهو فسيارته ويعدل تعصيمته .. اما هو فما انتبه اصلن للسياره اللي طلعت من البيت..
وفي الدرب اتصل سالم لاحمد يتخبره عن مكانه وقاله انه بيوصل اهله بيت عمه فقاله سالم انه يترياه عساس يسير وياه..وبعد ماسكر..
مريم: جيه سالم هنيه؟
احمد: هيه مارد العين ...اقول أي واحد بيتهم ..
فاطمه: هذا جدامك ها.. رد رد ياي خطفت ..
احمد ويلف على ورا عساس يريوس.. طاحت عيونه بعيون فطوم ومط لسانه اونه يعيب عليها..
فاطمه: بس بس وقف .. يلا مريوم ..
مريم: ها..
فاطمه: وصلنا نزلي..
احمد: الغشاه بنات خالي.. سالم داخل تراه..
فاطمه: انشالله..
مريم: مشكور احمد.. يلا باي..
ودشن البنات داخل وتيلسن فالصاله ويا شموه .. اما نوره فكانت عند باب الفله ويا ريلها..
سالم: يلا بسير .. خاس الريال من كثر مايتريا..
نوره: الله يحفظك الغالي..
وسارت نوره عند البنات .. وسلمت عليهن وتيلسن ..
نوره: ياحيالله من يانا..
مريم: الله يحيج ويبقيج..
نوره: وشحالج فطوم .. وشخبار الدراسه ويااج..
فاطمه: امره لاتخبرين .. كل شي عال العال..
نوره: زين زين..
مريم: عاده كسرن نسبنا ها السنه ..
شما: يالله وين نروملكن نحن..
فاطمه: جان يبنا ثمانين خير وبركه .. وبعدين وين بنسير نحن الا التقنيه ..
نوره: ماشالله ع الطموح ..
شما: طموحنا هنيه عاده نحن شو نسوي.. بس عجيبه التقنيه ودونا الاسبوع اللي طاف..
مريم: بس عليكن.. اقولكن غيرن الرمسه احسبها ممله..
وتمن يسولفن وسارن عقب يسلمن على ام حمدان عقب ماردت من عند حريم فريجهم.. وتيسلن وياها وطبوا عقب اخوان نوره .. سلطان من شاف مريم تم متلوم الريال ومريم الا تتفداه .. حمدان يوم شاف الشله متيمعه ضحك من خاطره عليهن
حمدان: ياسلاام يااسلاام ..الشله الفاسده تيمعت واخيرا..
مريم: هاهاهاها وحليلنا مب فاسدين..
ام حمدان: عيب عليك حمدان..
فاطمه: لاماعليج منه خالوه .. ضاري يزقرنا جيه..
حمدان: والله من زمااان ماتيمعتن .. احسبكن انا تراني...
نوره: فديت اخويه .. تحس يعني بمعاناتنا..
حمدان: الا تحس..
شما: وياراسك..
مريم: ها سلطان نلعب وياك بلي ستيشن..
سلطان: يالله زين . من زمان مارشيتج بالكوره..
مريم: هيهيهي يالله شغلها وبيي احينه..
نوره: سوتلها مونه.. الحينه مابيتفجج منج..
مريم: فديته برايه .. من زمان ماشفته .. ولا يي بيتنا يسلم ع الاقل..صديقته خرطي طلعت..
شما: وحليله سلطون دومه الا مريوم ومريوم ..
مريم: فديته..
ام حمدان: خلاص عيل بنيوزج اياه..
مريم: يالله تبوني اربيه ..
فاطمه: هاي احتجلوبها كل حد قالها بيوزج ولدي..
ام حمدان: هاهاهاها بييها النصيب شرى مايى لربيعتها..
وعلى الساعه 12 دقت مريم لامها عسب يطرشولهن حد بس ماكانت ترد عالتيلفون.. ودقن لام علي بعد ماترد.. وعمهن بعد مايرد.. استنكرن الحال.. شو مستوي .. وفالاخير دقن لاحمد.. وقالهن انه بييهن الحينه..ومن سمعن صوت الهرن ظهرن..
مريم: الله يستر جان مايهزبونا ..
نوره: لاماعليكن .. فداعة الله..
وركبن السياره.. فطوم من شافت شكل احمد استغربت.. كان موخي ومتعقط بالغتره.
فاطمه: بلاك احمد؟
احمد: ها .. ماشي.. (وحرك بالسياره ولارمس ولاقال أي كلمه ...)
ويوم وصلو .. نزلن البنات .. حسن الدنيا هدوووء ومافيها ولاصوت.. نزل احمد من سيارته وزقر عليهن..
احمد: فطوم.. مريوم.. ابوويه..
فاطمه: شو.. منو .. ابويه علي؟
مريم: شو فيه ابويه؟
احمد وهو قابض على نفسه وتنزل دمعه من عينه: ابويه .. توفى..

ــــــــ ومرت ايام العزى الكئيبه على كل عيال بوخليفه .. وخفت ييات الناس بعد اسبوع من وفاة المرحوم.. خلال ها الاسبوع محد كان له بارض يداوم كلهم ماخذين اجازات.. محد كان متوقع مثل ها الحدث بيصير .. فجأه وبدون مقدمات توفى ابو العايله.. صح الموت حق بس الوقع كان كبير على انفسهم.. ماكان يعاني من أي شي توفى وهو طايح ع شبريته من عقب ماصلى التراويح.. هذاك كان يومه وسلم روحه لباريها..
فيوم الجمعه ..الظهر نزلت مريم من حجرتها وهيه تسحب شنطتها وابوها يترياها فالسياره عساس يوديها موقف باصات الجامعه..
وركبت الباص ويلست فمكانها .. كانت ساكته وباين على ويها التعب .. طلعت المصحف وتمت تقرى ..
... فاطمه فها الوقت كانت يالسه ع مكتبها اتجلب فكتبها .. تبى تقرا شي تبى تدرس بس مب قادره فكرها مشتت وفبالها صورة يدها .. كل ماغمظت عينها اتذكرته ..
علي من درى بالسالفه تمت حالته حاله وحتشر لانه ماقالوله فايام العزى عساس يرد.. تم مضايج انه ماشاف يده قبل موته .. حس بالغربه ووده يرد البلاد بس ابوه ماطاعله..
الكل كان متأثر بوفاة اليد والحزن بعده فقلوبهم .. مرت عليهم الايام وخطف رمضان ويا العيد لكن وين يحسون بفرحته ويدهم مب وياهم..

ــــ فاجازة نص السنه .. رجع علي وسار سعيد اييبه من مطار دبي.. وفالسياره..
علي: ييه يياتي القبلانيات كان ابويه علي اييني المطار.. الله يرحمه ويغمد روحه الجنه..
سعيد: الله يرحمه..شهرين من توفى..
علي: هيه .. سعيد فخاطريه انسير نعتمر ها الاجازه..
سعيد: زين والله.. من سنه ماعتمرنا..
علي: ابا اعتمر عن ابويه علي ..
سعيد: خلاص يابوك هون على عمرك .. كل مارمسك احسبك بعدك حزنان..
علي: يدي ها يا سعيد كيف ماحزن عليه.. لا وماشفته بعد قبل موته.. (ويته الغنبه ولف بويه ع الدريشه..)
سعيد: كلنا حزنا عليه بس مب زين هاجيه علي.. انته تعذبه فقبره جذه.. ابتسم واتفائل فحياتك..
علي تم ساكت وسعيد ماحب انه يضغط عليه .. يدريبه انه كان كابت على عمره وهو برع البلاد وشي طبيعي حزنه هذا ..
اول ماوصل نزل من السياره وعلى طول سار بيت يده دش على يدته الحجره .. لقاها يالسه ع الشبريه لوى عليها وحبها ع راسها وهيه من شافته دمعت عينها وتمت اتصيح..
ام خليفه: فديت روحك ياوليدي.. متى وصلت..
علي: توني واصل امايه.. نزلت من السياره وعلى طول عندج..
ام خليفه: وشحالك الغالي ..
علي: بخير يا امايه.. انتي شهباتج ..
ام خليفه: ييه شو هباتي يا وليدي من عقب عين يدك ..
علي تم موخي..
ام خليفه: سر الغالي عند امك اكيد تترياك وتحاتيك..
علي: انشالله امايه..
ورد علي بيتهم وسلم على اهله ويلس وياهم ...
وعقب اسبوعين سار هو وسعيد العمره وعزموا الرياييل يسيرون بعد اما الحريم فتمن عشان ام خليفه اللي بعدها فعدتها..

ـــــ ومع توالي الايام وعودة المياه لمجاريها تقريبا ..واقتراب امتحانات الثانويه .. فطوم بدى التوتر اييها وشموه كذلك.. بدن فالمراجعه وكل يوم يخطف عليهن يزيد القلق..
فيوم كانت فطوم تدرس رياضيات واتراجع كمن وحده.. على العصر ملت وشلت كتبها وسارت الصاله.. ينها دروس مافهمتلهن لانها كانت غايبه ومسوتلهن طاف.. تمت محتجله ومب عارفه شو تسوي ... عقت عنها الكتب وسارت المطبخ اسويلها كوب عصير..
فها الوقت يا احمد وعقب ماسلم على يدته قال بيمر بيت خاله سيف اونه يسلم على حرمة خاله ومناك يطمن على فطوم.. وهو داخل لقى فهود يلعب بالكوره ودش وياه البيت..
احمد: امك وين عيل..
فهد: محد .. مادري يمكن بيت قوم خالي..
احمد: هيه .. وفطوم.؟
فهد: ماعرف .. انا بسير العب..
احمد: لاصبر سر ازقر فطوم اول..
ويلس احمد فالصاله يترياها.. وشاف كتبها وتم يجلب فيهن.. كل صفحه يبدلها يلقى فيها حرف A شق حلجه عاد هو..
فاطمه: احمد..
احمد: هلا والله..
فاطمه: متى ييت..
احمد: توني واصل قلت بمر عليج اطمن على مذاكرتج..
فاطمه: زين يوم ييت والله كمن درس فالرياضيات ملعوزاتني ..
ويلست ع الغنفه الثانيه وراوته الدروس..
احمد: تعرفين فطوم انه منهجكم من اتفه مايكون..
فاطمه: ادري انزين بس ها الدروس محد شارحلي اياهن وحليلي..
احمد: هاتي بشرحلج..
وبدى يشرحلها اللي مب فاهمتنه.. وعطاها تحل مسأله ... هيه مندمجه فالحل وهو يطالعها ... صح يطالعها بس كان يشوف يهولته الصغيره .. سرح فيها ..
هيه كانت تحل ويوم خلصت رفعت راسها عساس تراويه الحل .. وطاحت عينها فعينه.. حست بالاحرااج من الموقف واحمرت خدودها وهو بنفسه ارتبك بس ضحك من القفطه ...
احمد: هاخلصتي..
فاطمه وهيه موخيه: هيه..
احمد: فطامي ماوصيج ع الدراسه.. ابا نسبه ترفع الراس..
فاطمه: انشالله..
احمد: اخليج عيل انا .. ذاكري انزين..
فاطمه: ملييت ..
احمد: جب يلا ماشي مليت ما مليت.. ذاكري لين المغرب والمغرب تعالي برع عند الحريم وانا بيي اوكي..
فاطمه: اوكي خلاص..
احمد: يلا بباي..
ووصلته لين الباب وردت اتجابل دروسها بنفسيه اوكي من عقب ماشافت احمد..
وويا الايام يت الامتحانات .. اسبوعين ونص وهن يعانن ويحسبن متى بتخلص الامتحانات.. وفغمظة عين خلصت امتحاناتهن ويترين النتيجه على احر من اليمر....
فيوم النتايج الصبح الكل محتشر يبا يعرف نسبته .. مريوم فالجامعه وع كل ساعه تتصل ففطوم وشموه .. نوره بعد اتصالات لفطوم وشموهوهيه يالسه ويا اهل ريلها وهم كذلك مرتبشين عشان بنتهم مها ..

ـــــــ في بيت بو علي
فطوم سايره راده فالصاله ..و يدتها وامها وحريم عمومتها وعمتها لطيفه كلهن متيمعات وطبعن ويا عياييلهن الحشره ..
ام خليفه: يلسي يا امايه .. سايره راده الا..
فاطمه: مارووم امايه.. ياربيه ليش ماطرشو النسبه لين احينه..افف (واطالع الموبايل) يعلكم طرشوا وفكوني..
ام علي: انزين سيري دخلي ها الانترنت .. يمكن بتحصلين اسمج..
فاطمه: هو بحصل بحصل..بس طااع يدش الموقع.. اف يالقهر..
موزه: الله يعينج.. مريوم وعلي ما تأزمت امورهم ها الكثر..
ودق التيلفون وكانت شموه اللي داقه..
فاطمه: هاا شوو..
شما: فطوووم طرشوولي النسبه..
فاطمه: ها بشري شووه..
شما: 90 .. وانتي شووو ..
فاطمه: هئ هئ والله بمووت..
شما: ماوصلتج
فاطمه: مبرووك حبيبتي.. وياحظي الردي.. طرشولي لين احينه مرتين بس مب ع رقم جلوسي .. يعلهم انشالله..
وها الوقت دش احمد عقب مادق الباب.. شاف الوضع المتأزم وكيف فطوم مستويه تم شاق الحلج.. وتقرب لين عندهم..
احمد: فطووم.. (وابتسامه شكبرها على ويها)
فطوم عقب ماسكرت عن شما .. خلاص ماتم فيها حيل .. انقهرت من احمد يوم شافته يضحك.. هيه بتموت من الغصه وهو مستانس..
فاطمه وهيه تيلس حذال يدتها: متفيج انته مطلعلي طابور ضروسك..
ام علي: فطووم حشمي ..
احمد: ماعليج عمتيه.. بس خساره ياي اوني اباركلها وهيه اتجعمني..
فاطمه اطالعه وهيه امطيره عيونها : شوو ..
لطيفه: شو طرشولك نسبتها..
احمد: مبرووك فطيم.. رفعت راسكم ها الدقمه .. سكتت الكل 97% ..
فاطمه ودموعها تقول شلال: قول احلف
احمد: هههههههه احلف يا بنت خالي..
فطوم حست بفرحه ونشوه..قامت اتصيح..ويدتها تلوي عليها وامها تحضنها وكل ساعه فحضن حد.. احمد تم موقف يطالعها يتفداها فداخله مليون مره .. وعدته ووفت ويابتها النسبه.. هاي هيه يهولته اللي غرس فيها الجم من الصفات الحلوه كانت عنده مثل الزهره الصغيره اللي كل ماياها تكبر وتحلو.. من صغرها ولين كبرت وهو يعلمها ويفهمها.. عمرها ماردته خايب واليوم شكثر مستانس هو عليها.. غرغرت اعيونه وطلع عنهم برع ويلس ع الدريات..
وحست فطوم انه ظهرواستغلت الحشره اللي مستويه وصياح اليهال وغافلت الحريم وظهرت برع..
فاطمه: احمد..
احمد وهو يوقف: يا عيونه.. ( و تم يطالعها بكل حنيه)
فاطمه وهيه تضحك وتصيح : وين هديتيه...
احمد: في الحفظ والصون والله.. بس مشي دموعج ... ماقهر اشوفج اصيحين ولو حتى دموع الفرح..
فاطمه: انقهرت حليلي ... زين مايتني سكته اول مسج مكتوب فيه انه النسبه 50 تخيل.. وعقب رفعوا من معنوياتي وطرشولي 70 ..
احمد: هههههه مغلطين فرقم الجلوس كانو.. يالله صبرتي وياج الفرج..
فاطمه: والله واايد مستانسه ماتوقعت اني بييب ها النسبه..
احمد: فديتج والله.. انا كنت متوقع اتيبين 99.9
فاطمه: جيه مصريه هيهيهي
احمد: يعلني ماخلا .. ضحكي يبوج بدال ها الدموع شوفي شقى غاديه..عيونج حمر خشمج احمر وويهج احمر . بس لا تصيحين
فاطمه : هيهيهيهي امرك بابااتي..
احمد: يلا متى الملجه..
فاطمه : أي ملجه..
احمد: ملجتنا يا حلوه.. اتريي اليوم ولا باجر بيرمسونج اهلج.. نحن كنا نترياج اتخلصين امتحانات .. والحينه الامتحانات خلصت والنسبه ظهرت..وانا خلصت والحمدلله ..
فاطمه: ......... ( اكتفت بابتسامه خجوله وجلبت ويها ودخلت البيت..)
وركب احمد سيارته ورد عند الشباب فالعزبه وهو قلبه مرتاح وفكره مطمن ....


ـــــ في العين
في بيت بوعبدالله كانت نوره فحجرتها ترتب شنطتها وشنطة البيبي عشان بتسير راس الخيمه.. ودش عليها سالم..
سالم: هاااا على ويين ناويه..
نوره: قصر حسك... ماصدقته يرقد..
سالم: انزين.. (ويلس على الشبريه.. نوره تحط الثياب وهو يردهن برع)
نوره: سالم خلني ارتب..
سالم: مابا..
نوره: سالم العصر ترانا بنطلع هب تتأخر لين المغرب.. ماداني سيرة الليل..
سالم: نوره أجلي السيره باجر..
نوره: لا غناتي اسفه.. انته قايللي اليوم .. كيفك ابوي..ساد فوت عليه شوفة شموه وهيه تصيح عسب النسبه..
سالم: انزين وكم يوم ناويه اتمين..
نوره: هيهيهي بشورك حبيبي بس المهم اليوم انسير..
سالم: بتوله عليكم.. (ويسير عند سرير وليده..) .. بوعيه ..
نوره: لا دخيلك ..
سالم: بعد بتشلينه عني يومين وماتبيني الاعبه ..
نوره: كيفك .. اذ صاح اتحمله عاده..
سالم وهو يشل ولده زايد.. وتم الا يباوسه ويلعوزه عشان يوعى .. وبطل عيونه الصغنونه وهو يثاوب .. وشويه قام يصيح..
سالم: بس بس باباه..
نوره: لا تبى تلاعبه تراك.. لاتقوله بس..
سالم: فدييته انا .. بالله عليج نوره مب نسخه مني..
نوره: لا من قال.. احلى عنك بوايد..
سالم: سكتي سكتي ..
نوره وهيه تيلس حذاله: هذا الشبل من ذاك الاسد..
سالم: هاهاهاها اشبال واسود استوينا ..
نوره: شبلك بيكمل الشهرين باجر...
سالم: فديته والله.. صدق الايام تربع.. اذكر كيف تميت شرا الخبيل يوم قالولي بتربين.. قمت اربع يمين يسار..
نوره: هيهيهيهي ولا يوم عطوك زايد تأذن فاذنه .. شكلك والله انه كان فن..
سالم: هاهاهاها تعايريني وحليلي شدراني .. زين ماطاح من ايدي هذاك اليوم..
نوره وهيه اطالع وليدها : بسم الله عليه..
سالم: نوره..
نوره: عيون نوره..
سالم: والله احبج..
نوره: يا بعديه.. اقول..الحينه بيأذن العصر تراه وعقب الصلاه بنسير..
سالم: نوره عااد قلنا باجر..
نوره: لا اسفه..
سالم: خلاص زعلت.. اندوج شلي ولدج..(وعطاها البيبي وقام اونه..)
نوره: لا تتأخر سالم..
سالم: لا ترمسيني ..انا زعلان..
نوره: بسك لواته عاد..
سالم: بعد..
نوره: سالم ترانا بنخطف نشتري هدايا للحلوات
سالم: اقولج زعلان ماتفهمين..
نوره: سالم عاد.. متفيج تراك..
سالم: كيفج راضيني اول..
نوره: عنبوه ..
سالم: ابا بوسه..
نوره: اخبرك اجلب ويهك.. ولا تي انزين..
سالم: ههههههه انزين خلاص .. بترياج فالسياره تراني ..
نوره: انزين..
وعقب مارد سالم من الصلاه ودى حرمته وولده جدى الشمــال..

ــــ في الجامعه ــــ
كانت مريم يالسه جدام المبنى ويا مهره ويسولفن..
مهره: نحن شلي كالفنا وماخذين صيفي خبريني..
مريم: قلت عقل..
مهره: انا بسحب تراني.. هلكت من حر العين ..
مريم: مايحتاي الحينه .. الثلج مازر دبي..
مهره: برايه بيلس فالبيت مرتاحه بدال ها التعب..
مريم: ترا ابا اخلص بسرعه.. باقلي كم مساق فمتطلبات الكليه..
مهره: يوه لاحقه انزين..
مريم: بس الله يخليج لاتترسين راسي... تراني بروحي عايفه ها السكن.. حشى كلنا عقونا هنه ..
مهره: اقولج خلينا نسحب..
مريم: شكلي جيه..
مهره: زييييييين والله .. عشان ما اتم افكر فيج واحس بالذنب اني خليتج بروحج..
مريم: وياويهج.. بس ماشي نزله تراه لين الاسبوع الياي..
مهره: انا بدق لمحمد بخليه اييني..
مريم: من قدها المحامي بييها..
مهره: احم احم.. تروومين انتي.. فديته والله واخيرا خلص من متى وهو يكرف..
مريم : هييه حليله.. وانا ياحافظ منو بينزلني..
مهره: عمتج..
مريم: عموه فراس الخيمه ماظنتي بترد ها الاسبوع..مافي الاا عمي ناصر جان بيطيع..
مهره: زين عيل خلينا اندققلهم ..
مريم: مهرووه بيفوتنا الشارع اليوم ..
مهره: سيري لاه متفيجه ترااج..
مريم: امس وحده عيزت من كثر ما سابرلي وحليلها بتموت لو عرفت اني روحت..
مهره: ماعندج سالفه جنج بتعطينها ويه..
مريم: لاويين تحيديني ماداني ها السوالف .. اليوم وحده تسابرلي باجر تلقينها مستويه ربيعتيه ..
مهره: يحيج انتي .. ماتخيلج مول متكلوزه..
مريم: الله لا يقووله .. شكالفني ..
مهره: انزين قومي دقي حق اهلج .. بس مالي خاطر اتم اكثر عن اليوم .. ابا ارد البييت ..
وكل وحدة دقت لاهلها .. مهره دقت لاخوها وقالها بييها.. اما مريم دقت اول شي لامها وقالتلها انها تبى ترد وعقب دقت لموزه حرمة عمها عساس هيه ادق لريلها لانه فدوامه فابوظبي وتقوله يخطف يشلها من الجامعه..
وقبل المغرب وصلو اهل مهره عند الاستقبال وسارت وياها مريم عشان تساعدها فشل الاغراض..
مهره: فديت امايه هاكيه واقفه..
مريم: اخوج عيل وين..
مهره: يمكن فالسياره برع..
مريم: مادري متى بيي عمي احيده من الضهر يطلع من بوظبي.. حبكت اليوم يتأخر..
ووصلن عند الام وسلمن عليها ودخلن يوقعن عند المدام ..
مريم: يالله عيل انا برد ..
ام مهره: الله يحفظج الغاليه.. سلمي على اهلج كلهم..
مريم: يوصل انشالله.. مع السلامه ..
وطلعت عنهن مريم وردت السكن وماكانت تدري الفقيره انه فيه عيون كانت اطالعها..
ويوم وصلت الحجره صلت المغرب وجهزت شنطتها واغراضها ودقلها عمها يقولها انه وصل .. وسارت ..
وفي السياره....
ناصر: جيه مابغيتي الصيفي ..
مريم: ربيعتيه تعايزت وعايزتبي وياها..
ناصر: يحيج سايره عشان ربيعتج انتي..
مريم: لا بس من قبل كنت ابا اسحب ومن سحبت هيه سحبت وياها..
ناصر: هيه.. توني كنت طالع من الشقه ودقت موزه تقولي ايي اشلج.
مريم: هاا .. زين يوم لحقت عليك ..
ناصر: هيه لو كنت طالع من بوظبي جان اتعايزت اخطف عليج..
مريم: يالله عنك اهون عليك..
ناصر: ماتهونين بس درب يبوج .. وين لو سرت فدربي جان الحينه وصلت..
مريم: يالله بونسك فالدرب..
وتموا داقين سوالف وضحك لين وصلو .. نزلت مريم من سيارة عمها ودشت البيت عقت عباتها ولبستلها وقايه بيضا وطر بيت عمها ...
اول مادخلت الصاله لقت اليمعه واليوله مستويه وسلمت على الحريم وربعت فوق عند فطوم اللي كانت ترضع التيلفون..
مريم: وييوي ويييوي.. انا يييت بنت عمي..
فاطمه وهيه تبند السماعه: هلااا والله هلااا هلاا.. منو يابج يا الساحره..(وتوايهن..)
مريم: ييت اركض .. بعد لازم نفرح ويا بعض بالنسبه ونتقاسم الخير ولا شرايج..
فاطمه: هههههههه يا المصلحجيه..
مريم: منو كنتي ترمسين..
فاطمه: شيخوه بنت خالي الحينه لحقها الصايح اتهني..
مريم: حلييلها بعد يزاتها ادقلج ..
فاطمه: هيهيهي اونها كانت فالذيد وقبل شويه راده ودقت ..
مريم: هييه.. يحيج يافطوم والله مب مصدقه انج حطمتي التيم..على لعبانج طول السنه قلت بتيبين اقل شي تسعين..
فاطمه: هيهيهيهيهي وحليلي شديت الكورس الثاني وعندي ناس ولوني ولاه..
مريم: ياويلي على الناس.. اجدوا فيج يابوج.. وينه ماله شوف؟
فاطمه: مادري من اصبح وهو ويانا .. ارتبشوا كلهم .. والحريم من الصبح فبيتنا..تقولين عرس ماجنها نتايج ..
مريم: حليلهم خليهم شويه يفرحون .. من فتره محد استانس فها الفريج..
فاطمه: انشالله بيستانسون قريب..
مريم: كيف يعني.
فاطمه: اممم .. احمد يبى كل شي رسمي..
مريم: لاوالله..
فاطمه: هيه اليوم قالي..
مريم: جيه مستعيل .. ابويه علي ماكمل سنه من توفى وهو يفكر بالعرس..
فاطمه بلمت ها الوقت حست وكأنه حد صافعنها .. ما انقذ ها السكوت الا صوت حصه: مريوووم متى وصلتي..
مريم: قبل اشويه..
وسلمت عليها وتيلست حذالها..
مريم: جيه انتي وين كنتي..
حصه: كنت فالبيت وتوني يايه.. محد خبرني انج بتنزلين..
مريم: نزلني عمي ناصر..
حصه: هييه .. احسلج والله .. شو تبين فالعذاب..فطوم بلاج..
فاطمه: ماشي..
مريم: فطوم مب قصدي ...
فاطمه: لا مريوم .. كلامج صح ..
حصه: شو السالفه..
فاطمه: ماشي ماشي..
حصه: انزين انزين ويا اسراركن.. فطوم تراه سعيد ولد خالج تحت ويا علي اخوج يبى يباركلج..
فاطمه: وين عند الحريم؟
حصه: هيه .. وانا يايه فوق قالتلي امج ازقرج..
فاطمه وقفت : يلا قومن ننزل..
حصه: يلا مريوم..
مريم : هاا .. لا انتن انزلن .. انا بتم هنه..
حصه: قومي والله مابياكلج سعيد..
مريم: جب حصوه ..
حصه: هيهيهيهي يلا فطوم..
فاطمه: مابنزل الا ويااج مريوم ..
مريم: فطووم..
فاطمه: قوومي يلاا ..
مريم: اسفه ماابا..
حصه: تستحي البنت خليها..
فاطمه: هيه ماشالله وانتي خلاص ماتستحين من علي الحينه ..
حصه: وياويهج .. خلاص تعودت انا ..
مريم: لازم بتتعودين يوم مرابعه ها العنز..
فاطمه: ايه مريوم بس عاد..
مريم: خلاص انزين اذلفن..
فاطمه: انسير حصوه خلها تولي..
وتمت مريم بروحها .. ويوم حست بالبنات انهن نزلن خلاص ركضت عند الدري .. وعقب ردت تيلس .. تنزل ولا لا .. ماعرفت شو تسوي .. سعيد غناتها موجود من زمان ماشافته ودها بس تلمحه على الاقل ... قامت من مكانها وتمت الا توايق ونزلت اول دريه وتلتها الثانيه لين وصلت للصاله .. حست بربكه وردت ادراجها وتمت موقفه فوق.. ماحست الا بحد يتحنحن وراها..ويوم لفت لقت انه علي..
مريم: زيغتني ويا ويهك..
علي: هههههه حليلج .. جيه موقفه هنه.
مريم: ماشي اتريا البنات..
علي: انزين انزلي الكل فالصاله..
مريم: مابا..
علي: انا بسيراييب اوراق ابويه ..
وياب الاوراق ..
علي: قومي تعالي ويايه بدال يلستج بروحج..
مريم: لا عادي ..
علي: امم انزين خلينا نيلس هنه شويه..
مريم: انزين ..يلسنا..
علي: ابا اقولج شي..

مريم: شو..
علي: ابا اكمل الدراسه هنه..
مريم: نعم..
علي: اللي قلته..
مريم: جييه بضيع على عمرك جيه.
علي: لا بضيع ولا شي .. بكمل هنه ..انا كنت أباج تتخبريلي عن الجامعات هنه.. من متى ابا ادقلج اقولج بس زين يوم ييتي..
مريم: مادري والله.. بس غريبه شو اللي غير رايك.. امبونك عايف الدراسه هنه..
علي: مادري.. الشباب اللي ويايه تخرجوا وانا مافيني اتم بعدني ثلاث ولا اربع سنين بروحي..
مريم: يالله ماعندك ربع غيرهم..
علي: امبلا .. بس الواحد مايرتاح حق أي حد.. وانا الصراحه من توفى ابويه علي قلت ابا ارد خلاص..
مريم: مادريبك.. ابوك يعرف ؟
علي: محد يدري.. انتي اول حد يعرف..
مريم: لاوالله.. شمعنا انا خصيتني .. ولا هيه قلت عشان ارشحلك احسن جامعه..
علي: هاهاهاها لا والله مب بس جيه.. اصلا امبوني كنت بقولج ..
مريم: احلف انته..
علي: تبين الصراحه .. انا ارتاح يوم اخبرج شي عني .. من صغري وانا اخبرج علوم عني ماخبرهن لا لفطوم ولا أي حد..
مريم: ههههههه خطير انته تحيدني ماكنت افتن عليك شرات فطوم.. عشان جيه تقولي يوم تبى العون..
علي: هاهاهاها والله انها ايام.. انزين شرايج بالفكره..
مريم: ماعرف علي .. احلى شي انك بتردلنا ..
علي: فديتني والله يتولهون عليه ثرهم ..
مريم: عشون عيل .. بعد فيه ناس يتولهون عليك اكثر..
علي: لاوالله.. زين زيين ..
مريم: لاتفرح وايد وياويهك .. من عندي اخبص تراني..
علي: هاهاهاها مشاكل بعد . انزين قومي يلا خلينا ننزل..
مريم: الشباب تحت..
علي: الا عيال عمتج .. هيه حق سعيد ولد خالي .. ناسي يبوج انج كارهتنه ..
مريم: بسم الله وليش كارهتنه بعد..
علي: هاهاهاها من الفلعه هاي اللي على يبهتج.. عقولتج شوهني..
مريم: هاهاهاها ويا شكلك تاخذ ع رمستيه وانا ياهل..
علي: حليلج.. انزين ترا محد هو قايللهم يتريوني فالموتر..
مريم: هييه يلا عيل خلنا ننزل..
و نزلوا وهم ينكتون ويسولفون ويوم يايين بيدشون الصاله كان سعيد وعبيد ظاهرين ..
عبيد: مابغيت تنزل .. من متى ذالف فوق انته..
علي: انجب انته ..
مريم تمت موقفه ورا علي وموخيه وعبيد يوم انتبهلها .. ضحك واونه يبى يعلق عليها بس سعيد مشى جدامه عساس يظهر من الصاله ويوم لف شاف مريم وتبلم .
علي: انتوا سبقوني انا بعطي الاوراق لابويه وبيي.. (ودش الصاله ودخلت وراه مريم..)
عبيد: يلا حوو شله واقف..
سعيد: انا..
عبيد: لا انا.. يلا تحرك..
سعيد: انزين وياها الشيفه بلاك ادفر..
مريم اول مادشت كان باين على ويها الربكه يلست حذال فطوم وتمت ساكته فطوم ترمسها وهيه مب وياها موول..
فاطمه: اييه .. مريووووم..
مريم: ها ..
فاطمه: تو الناس.. قومي خلينا انرد فوق ولا نطلع برع..
مريم: ليش؟
فاطمه: قومي انتي..
حصه: وين بسيرن..
فاطمه: بنسير برع.. بتين؟
حصه: وشو ايلسني ويا ها الصدعه..
ويلسن جدام الفله يسولفن..وعقب فتره بسيطه دخلت سيارة ناصر البيت ونزلو ناصر واحمد وسالم من السياره..
ناصر: جيه ميلسات برع..
مريم: دقة راس .. ( ويا صوبها سالم وصافحها وتم يسولف وياها..)
ناصر: الحريم انزربن هنه اليوم..
فاطمه: كلهن امره من اصبحن ...
احمد: مستانسات عليج ..
مريم: مب شويه طلعت .. ياحيها تشجيع كانت محصله..
ناصر: محد خطبج عشان تحصلين تشجيع انتي ..
مريم: هيهيهيهي على الخط عمي..
احمد تم مبتسم : خلنا ندخل ..
فاطمه اطالع مريوم بشراره ومريوم طابتنها ومكملها سوالفها ويا سالم .. حصه تسمع سوالف سالم واطالعه كيف مستانس وهو يرمس مريم ..
مريم: ماخبرتك وحده من البنات عيبتها صورتك ..
سالم: احلفي..
مريم: والله هاهاهاها ترا من زود شوقي لك حطيت صورتك فبرواز فحجرتيه فالجامعه والكل يسأل منو ها الوسيم ..
سالم: فديتني والله .. عادي مريوم عطيهن رقمي..
حصه: ها اللي نااقص.. ( وانطبت...)
فاطمه: خليه يصيع شو تبيبه..
مريم: بسم الله بلاكن عليه..
سالم: من يومهن ها الثنتين .. حاطات دوبهن فدوبي..
فاطمه: يييه ماحيدني انا..
سالم: لا اللي حذالج..
حصه اطالعته وقامت عنهم وروحت ..
سالم: حصووه اسوولف والله..
فاطمه: لاحول عنطزت ..
مريم: ماتروم تيوده لسانك.. كم مره بقولك انها ماداني حد يعايرها بغلطها.. اتحيدها تحسس..
سالم: مب قصدي والله.. بلحقها مافيه ع زعلها ماصدقنا على الله..
مريم: سالم تعال.. ( لكنه طنشها وركض ورا حصوه..)
فاطمه: خلي سالم عنج فداخليه شي ودي اسويه الحينه..
مريم: شوه..
وماتحصل مريوم الا هذاك البوكس على جتفها..
مريم: يعلج الحوم بلاج .. استخفيتي..
فاطمه: ويا ويهج ليش كله تحرجيني جدام الكل ليش.. حرام عليج انا شو مسوتلج..
مريم: هيهيهيهي انزين شو اسوي تلقائيا طلعت ..
فاطمه: خايسه وحده ماحبج.. انا حليلي ما فشلج جدام حد.. تتحريني ماشفته كيف كان يطالعج جدام باب الصاله خساره مافشلتج جدام الحريم ..اف والله انج قهرتيني..
مريم: فطوم شو يطالعني بعد ..
فاطمه: جب انزين..
مريم: ويا ويهج انتي سالفتج مفروغ منها خلاص .. لكن انا حرام عليج بعده ماستوا شي وتبين تفشليني هيهيهي..
فاطمه: ماصخه وحده ..
وجدام بيت بو محمد..
سالم: حصوه عاد ردي عليه..
حصه: شو..
سالم: خلاص اسف ماكان قصدي ..
حصه: انته تتعمد ها الشي ادريبك..
سالم: لاوالله ماكان.. بس كنت اسولف
حصه: ليش كله تحسسني بالذنب.. يعني غلطنا فحقك وغلطت فحقي وخلاص كل شي نسيناه لازم يعني ها المعاير..
سالم: انزين خلاص لاتزعلين..
حصه: ويهمك يعني اذ زعلت وله..
سالم: اكيد يهمني ..
تبدت ملامح الغضب من ويها وابتسمت ودخلت بيتهم.. سالم تم واقف مجتف ادينه ويطالعها و تنهد تنهيده طلعت كل ضيق صدره ورد عند البنات..

بالباجر بيت بو حمدان ـــــ
نوره كانت يالسه فحجرتها ووياها شموه وشاله زايد ..
نوره: ترا العصر بتي مريوم وفطوم..
شما: هيه ادري..
نوره: شدراج توها مريوم داقتلي تقولي..
شما: وانا فطوم داقتلي الصبح تقولي..
نوره: هيه..
شما: فديته بو الشباب .. متى بتقول خالوه هاا..
نوره: خليه يقول ماماه اول ..
شما: يعلني ماخلا .. يزويه من اصبحت اتصيح اونه هاتولي النونوه..
نوره: فديتها بروحها نونوه .. امس لين رقدت وهيه ويايه فالحجره ..
شما: متعلقتنه عاده .. اكره يوم عندها يوم تروحون .. اتشل البيت بصياحها..
نوره: هاهاهاها مشاكل يزوي ..
شما: حليلها بعدها ياهل واستوت خاله ..
نوره: شو نسوي يوم ابوج يوزني وانا توني مخلصه مدرسه..
شما: بس بس الله يخليج .. اللي يسمعج يقول مغصوبه كنتي ع العرس ..
نوره: هيهيهيهي شو اسوي قلبي ارتاحله ووافقله ..
شما: ياويلي عليج..

والعصر ين مريم وفاطمه عندهن يلسن يسولفن كلهن ويا بعض وبعدين كل وحده تيلست ويا قليصتها .. فطوم وشموه طلعن عند الزرع .. ونوره ومريوم تمن فالصاله ..
مريم: متى بتردين العين
نوره: يمكن باجر..
مريم: يالله امس يايه..
نوره: سالم مايصبر شو نسوي
مريم: ياويل حاله.. انزين بيتكم محد فيه جيه مايتم هنه.؟
نوره: هو يتم عادي بس عنده اشغال هناك..
مريم: شخبارها هندوه من زمان ماشفتها..
نوره: الحمدلله بخير..
مريم: تعرفين منو لقيت امسات..
نوره: منو
مريم: هاي اللي اسمها ريم ..
نوره: منو ريم..
مريم: بنت عم ريلج..
نوره: هييه .. جيه ماخذه صيفي هيه
مريم: هيه لمحتها بس طبيتها ولا سرت صوبها ..
نوره: مادري ها الانسانه كيف عكس امنه اختها ..
مريم: حقدها لين الحينه ما نطفى من متى ها .. خلاص الريال قايل مايباها من قبل مايخطبج لازم تنفخ عمرها عليج يعني..
نوره: خلينا منها .. مالنا خص فيها انا ماحب اسوي مشاكل وياها .. اعاملها بكل احترام ويوم تقلل من قدريه الحمدلله هندوه ماتقصر فيها والله حتى امنه اختها تهزبها اذ غلطت عليه ..
مريم: امنه حرمت عبدالله وله..
نوره: هيه..
مريم: يحيج محبوبه عند الكل عيل ومحد يرضى عليج.. كفو والله بنت حمد
نوره: كانا كانا اعجبج انا..
مريم: فديتج والله..
نوره: قومي مريوم انسير فوق اخاف زايد ينش ..
مريم: وانتي ثرج مخليتنه عند منو فوق..
نوره: البشكاره ..قلتلها يوم يوعى تزقرني..
مريم: هيه قومي عيل..
ويلسن فالحجره..
مريم: قوم بو الشباب عرب يايينك ..( وتوايق عليه من سريره) فديييته ياربي .. بسم الله عليه .. نوروه تغير عن قبل ... وييه يشبهني ..
نوره: هيهيهيهيهي الحمدلله والشكر .. قامت تهاذي البنت ..
مريم وتيلست على الشبريه وعيونها على النونو: يالله بعرس وبييب عيال وبيشبهوني..
نوره: انشالله يا مريم..(ويلست حذالها..) الا ماقلتيلي شخباره الوسيم..
مريم: أي وسيم...
نوره: لا تستهبلين عليه..
مريم: اممم امس شفته..
نوره: والله..
مريم: بس لمحه..
نوره: وشو تحسين..

مريم: ماعرف نوره .. اجذب عليج ان قلتلج اني ماحبه ..
نوره: يعني تحبينه..
مريم: مادري ..
نوره: ماتسمعين عنه شي ما شيات..
مريم: مرات يوم فطوم تبى تغايضبي لكني ما اماطللها وايد ..
نوره: افا ليش.. تراج كنتي مخبرتنها قبلي..
مريم: يها لين الحينه محترقه من السالفه .. خلاص كملنا سنه من عرفنا..
نوره: انزين ماعلينا.. هو شوتحسيبه؟
مريم: وانا ارمس وياه عشان احسبه .. من اشوفه اندسيت .. بكمل سنتين بالضبط وهو متمكن مني وشال فكري وعقلي..
نوره: اووه كلام قوي اسمع..
مريم: هه وفداخليه اكثر بس ما القى من اطلعه له..
نوره: افا وانا وين سرت..
مريم: انتي ملتهيه بحياتج الحينه وما با اغثج فيني..
نوره: شو ها الرمسه مريوم.. انا لو الكل يغثني مريوم حبيبتي عمرها ما بتغثني..
مريم: صدق
نوره: شو صدق ويا ويهج.. اتشكين فغلاتج عندي ..
مريم: نوروه متولهه عليج وااايد.. متولهه على ايامنا قبل .. سنتين وانا احاول اكيف عمري على وضعي اليديد .. صح سعيد كان يشغل فكري بس بعد انتن كنتن دوم فبالي وبالأخص انتي.. كان كله اييني خاطر اني اطلع من الجامعه واسير التقنيه ويافطوم وشموه يوم بيتخرجن من المدرسه وانتي تقنعين ريلج انه يبنيلج هنه وبنرد نفس قبل .. بس ادري انها احلام ما بتتحقق .. خلاص لازم نعيش واقعنا اللي فرقنا..
نوره: مريوم ليش شاله ها الهموم كلها.. فديتج كلنا نبا نرد نفس قبل بس مايأسنا من الحياه.. صح دروبنا متباعده لكن الا ما ايي يوم نتيمع فيه ..
مريم: هزرج؟
نوره: هزري..
مريم: زين بتتيمعن انتي وفطوم فالعين بس انا وشموه بنتم هنيه بروحنا..
نوره: خلي ايمانج بربج قوي.. اذ الله كاتب انه ايمعنا فمافي شي بيمنعنا .. الا تعالي شو فيها فطوم..
مريم: احمد يبى يملج الحينه.. والعرس عقب فتره ..
نوره: لاوالله.
مريم: جان ريتي..
نوره: وفطوم شو قالت؟
مريم: ودها اليوم قبل باجر تحيدينه عشقها شخص اسمه احمد.. بس انا كسرت من مياديفها امس..
نوره: جيه شوقلتي..
مريم: ماكان قصدي بس عاتبتها .. قلتلها انه يدي بعده ماكمل سنه من توفى وهم يفكرون بالعرس .
نوره: مادري .. بس مريوم بعد انتي مابتحكمين عليها بالحزن المؤبد .. يدج اكيد كان بيستانس على ملجتهم .. ونسوه وهو فقبره بدال الحزن ..
مريم: ماعرف كيفهم ..
نوره: لاتحبطينها هيه وايد متعلقتنه .. وبعدين مثل ما انتي تحبين هيه بعد تحب..
مريم: بس حبي عمري ماقلته لشخص غيرج.. انا اللي مغصصبي انه كل شي عادي عندهم امبسطين الحياه لابعد الحدود .. قبل فهمتها ونصحتها بس احسبها تحط فخاطرها.. والحينه ماروم اقول شي ..
نوره: فاطمه فاهمه وعارفه .. واحمد خاطبنها والكل يعرف .. يعني هم مب غلطانين ذاك الغلط .. هم من زمان ويا بعض جيه وما اعترضتي .. ويوم صاروا مخطوبين لبعض نقزتيلهم خليهم يبوج..
مريم: انزين انا مالي شغل عكيفهم.. بس هو ماصخ ندري انك تموت فيها .. بس اركد شويه ..
نوره: هاهاهاها شو غيره هاي ولا ..
مريم: شو غيره الله يخليج.. والله اتمنالها كل خير .. هاي فطوم بنت عمي وعنوني ع قولتها ..
نوره: ييييه .. وانا ..
مريم: يلا ..انتي عنون ريلج ..
نوره: هاهاهاها وياويهج..