قصة اماراتيه كاامله وتجنن اسمها: نسيم الشمال..

ــــ بالباجر بيت بو حمدان..
العصر كانت نوره ترمس سالم وتفاجأت منه يوم قالها انه هو فراس الخيمه.. وانه بييهم عقب المغرب على الساعه 8.... ماتمت تسولف وياه على طول بندت عنه وسارت تخبر امها عشان يسون عشا ويعدلون الميلس الداخلي ويدخنونه..وعقب سارت حجرتها .. عقب فتره دخلت عليها شما..
شما: (معقده حياتها)..شو مستوي..؟
نوره: (شاقه الحلج) سالم بيي عقب شويه.
شما: لااه.. اخيرا تكرم ويا صوبج..
نوره: وليش يعني اخيرا..
شما: مادري من ملجتو مايا هنيه.. بتكملون شهروانتي ماجد شفتيه غير فالملجه..
نوره: انا كنت اضهرله أمية علثه يوم يفكر ايي واليوم حطاني فالامر الواقع..
شما: كيف يعني..
نوره: يعني بكل بساطه دقلي وقالي تراني فراس الخيمه..
شما: اشكره خلج تتأدبين..
نوره: هيهيهي اصلن قبل كنت بس اغايضه.. شموه طالعي أي بدله البس؟
شما: ليش تلبسين بدله.. لبسي كندوره مخوره..
نوره: لا شو كندوره.. ابا البس بدله..
شما: الرياييل يحبون الاصاله..
نوره: خلي الاصاله عقب.. الحينه داق فراسي بدله..
شما: عيل لبسي هاي مالت اليشمك..
نوره: هزرج..
شما: هيه وايد حلوه ..
نوره: والوقايه..
شما: مب لازم حطي الشال مال الكندوره على جتفج.. و نشلي شعرج..
نوره: يالله بالستر جييه...
شما: والله احلى..
نوره: اوكي .. انزين سيري هاتيلي المدخن ..
شما: ماروم..
نوره: الله يخليج انا قايله للبشكاره بس مايابته سيري طالعيها..
شما: انزيين.. حشى مايرزا علينا..
وسارت شما ولاقفت البشكاره عند الدري وخذت عنها المدخن وردت.. وهيه فالدرب رن التيلفون فشلت السماعه,,
شما: الو..
مريم: مرحباا..
شما: مرحبتيين..
مريم: ازيك.
شما: كويسه.. وانتي اخبارج.؟
مريم: الحمدلله.. نوره وين؟
شما: هيي هييه نوره لاهيه الحينه.
مريم: جييه...
شما: ريلها بيي الحينه..
مريم: هلااا..
شما: والله..
مريم: تعدلت .؟
شما: يعني بعدها.. كانت تتلبس ..
مريم: شو بتلبس..
شما: كندوره مالت اليشمك وايد حلوه عليها .. زين اخبرج بوديلها المدخن صبري الحينه برد..
مريم: يلا بسرعه..
ووطت السماعه.. وسارت عند نوره.
شما: اندووج هاا..
نوره: تعالي دخنيني..
شما: اشتغل عندج..
نوره: يلا بسرعه اخافه يا..
شما: تعالي.. تراه مريوم ع التيلفون..
نوره:انزين دخني انتي اول وعقب بسير ارمسها..
شما: انزين..
وعقب سارن الصاله ويلسن يرمسن مريوم ..
نوره: مريوم يتني الزيغه..
مريم: وياشكلج..
شما: يالله يامريوم لو تشوفينها شقى غاديه..
مريم: هاهاها جيه شقى غاديه ثرج..
نوره: عاديه..
شما: الله واكبر جان ها كله وعاديه..هاتي بوصفلها شكلج..
نوره: عقب انزين..
(ويا حمدان..)
حمدان: نوره امايه تباج..
نوره: وييه مريوم شكله يا...
مريم: انزين انذهبي يلا..
نوره: انزين يلا باي.. اندوج شموه تباج..
حمدان: يلا انقفضي..
نوره: شمووه زيينه؟
شما: والله انج غزال .. سيري يلا..
نوره: ادعلي..
وسارت عنهن..
شما: هاهاها والله انها تحفه..
مريم: يالله فديت روحها.. والله وكبرنا..
شما: تعرفين احس غلط.. بعدها ياهل..

مريم: غربلج الله وين ياهل..
شما: لااا بس مادري احس جيه.. كلنا يعني احسنا صغار بعدنا.
مريم: الا العقل هو شوية هفه فيه..
شما: هاهاهاها بهاي صدقتي..
مريم: شموه سيري اصوخيهم شو يقولون..
شما: تبينها تذبحني.
مريم: بحامي عنج عقب..
شما: لالا مابا اخاف امايه تشوفني..
مريم: هاهاها يا الجبانه..
شما: هو عادي بوقف بسمع شويه بس مابطول..
مريم: زين زين سيري..
شما: يا الشريره.. ولا غيراانه؟
مريم: هاهاها لا عادي وليش اغار ها ريلها..
شما: انزين بسير تحت انا..
مريم: اوكي قوليلها ادقلي عقب..
شما: اوووكيك..

نوره اول مانزلت لقت ابوها واخوانها تحت تمت قافطه وهيه تشوفهم ..
بوحمدان: شو ها الزين كله..
ام حمدان: لازم الكشخه بعد ..
ويضحكون عليها اللي تمت صدق محمره من المستحى..
وشويه لانهم سمعوا صوت هرن فسار ابو حمدان وحمدان خاري وسلموا على سالم ودخلوا الميلس الداخلي وتموا شويه يسولفون وعقب وصلو سالم ميلس الحريم وكانت نوره واقفه عند الباب..
سالم(وهو يدخل وشاق الحلج): السلام عليج...(وحبها على راسها)
نوره : وعليكم السلام والرحمه..
سالم: شحالج اليوم..
نوره: يسرك حالي..اقرب..
سالم: اكيد بقرب ..
نوره: هاهاها انزين حياك..
ودشو ويلسوا على الغنفه حذال بعض..
نوره: ليش ماقلتلي من قبل انك بتي..
سالم: بس ابا اسويها مفاجعه
نوره: مفاجعه عااد وياراسك..
سالم( يطالعها وهو يبتسم): محلوه وايد اليوم حبيبتي..
نوره(مولعه وتنزل عيونها): دومني حلوه..
سالم: فديتها انا..
و تقوم نوره تصبله عصيروتعطيه..
نوره: تفضل..
سالم: دام فضلج..يلا شربيني..
نوره اطالعه وهي ترفع حايب: احلف انته..
سالم: والله..
نوره: يلا مناك..
سالم: اندوج عيل شليه ماباه..
نوره: برايك وفرت..
سالم: وياراسج مقواج.. ماعليه انزين مابشوفج فالعرس اتشربيني..
نوره: وييه منو قال بشربك..
سالم: انا اقولج..
نوره: يصير خير لين هاك اليوم..
سالم: ماعليه انتي.. انا صابر عليج الحينه.. خلينا نعرس بس..
نوره(وهيه قافطه): شو القصد...
سالم: ماشي..(ويبتسم بكل براءه وعقب سحب ايدها )..بسم الله بلاج ترتجفين..
نوره: ها ماشي.. منو قال... عادي..
سالم: ياشقى حاالي.. البنت بتموت من الحيا واونها عادي عندها..
نوره: لا لا عادي..
سالم: زين عيل .. وها الخدود المولعه .. !!
نوره: سالم بسك عااد..
سالم: امووت على حياج هذا والله..
نوره تبتسم: بسير اييبلك العشا..(وقامت وهيه تبى تسحب ايدها من ايد سالم)
سالم: ارتزي مكانج.. انا ياي اشوفج ولا ياي ادج عندكم..
نوره: بعد لزوم الضيافه..
سالم: يلسي انتي..
نوره: انزين بس بقول للبشكاره اتيبه وبيي ..
سالم: مابا..
نوره: والله مابتأخر..
سالم: حلفت عليج ماتعتبين الباب دامني هنه..
نوره : خلاص امرك.. (ابتسمتله ويلست وسحبت ايدها منه )..

سالم: نوره ..
نوره: ياعونها..
سالم: خلينا نرمس جد وبسج من ها الغياض اللي طايحتلي فيه..
نوره: هاهاهاها.. منو قالك غياض.. عادي
سالم: ربي لاخلاني من ها الضحكه.. انزين نرمس جد..
نوره: نرمس جد..
سالم: نوره شوفي انا تراني والله اني اموت فيج واحبج.. بس انتي مادريبج.. احسبج عادي عندج.. نوره صارحيني اذ انتي مب مرتاحه ويايه ولا ماتبيني..
نوره: سالم شو ها الرمسه..
سالم: صدق والله ارمس.. انا احسبج مغصوبه عليه..
نوره: لاوالله ماكان..
سالم: عيل ليش جذييه..
نوره وهيه موخيه: ......
سالم: رمسي قولي اللي فخاطرج ماباج اتمين ساكته..
نوره: شو تباني اقول..
سالم: تحبيني..!!؟؟
نوره: (حست بحراره قويه وتلعثمت ماعرفت شو تقول..)
سالم: سؤالي صعب؟
نوره: ها.. لا..
سالم: قولي انزين
نوره: سالم.. والله مافي منك فالبشر.. احساسك طيبتك مشاعرك واخلاقك بحد ذاتها تخلي الشخص يتعلقبك ووده لو يفديك بعمره ..والله ياسالم اني احمد ربي وشكره ليل نهار على نعمته عليه بأنه خلاك تظهر فدربي.. وعمري ما بندم اني وافقت عليك.. (وتجرأت انها ترفع راسها وتمت اطالع فعيونه ولا نزلت راسها)
سالم كان ساكت وهو يطالعها.. يطالعها بنظره كلها احترام وحب.. حس فعلا انه ماخاب اختياره وانه صدق هاي هيه الانسانه اللي بتسعده..
سالم: فديت قلبج انا.. يعني افهم اني قدرت اخليج تحبيني..
نوره: افهم..(وتبتسم) انزين اقدر الحينه اسير اييب العشى..
سالم: شكلج انتي اللي يوعانه..
نوره: هاهاها شدراك..
سالم: زين انا حالف
نوره: عادي انته قلت دامك هنه خلاص اضهر من الميلس ورد دش ..
سالم: يويلي ع العقل..زين سيري يلا ولا تتأخرين..
وسارت نوره وأمرت ع البشاكير يحطن العشى ويابنه الميلس وحطته وياهن على الطاوله ..
سالم: كلي ويايه.. من مساعه حاشرتني بالعشا والحينه يلستي بعيد اشوفج..
نوره: هيهيهي انشالله..
وعقب ماتعشا سالم يلس شويه وعقب ترخص من بوحمدان ووصلته نوره لين الباب البرعاني..
سالم: اتحملي على عمرج..
نوره: انشالله..بتروح العين الحينه؟
سالم: هيه عيل..
نوره: يالله الساعه عشر احينه..
سالم: ماعليه شر انشالله.. ضاري ع الدرب فليل..
نوره: طمني عليك يوم بتوصل..
سالم: يوم بوصل!!من قالج..
نوره: ليش مابدق اونك..(رافعه حياتها)
سالم: من قال.. اصلن من اظهر من راس الخيمه بدقلج وبرمس وياج لين اوصل..
نوره: والله..خلاص زين بعد عشان اطمن اكثر
سالم: يلا تامريني بشي..
نوره: سلامتك الغالي..
وعقب ماروح سالم ردت البيت ولاقفتها شما وعطتها لستة أسئله عن اللقاء وقالتلها ادق لمريم .. طبعا نوره دقت لمريم ورمستها شويه وردت حجرتها ودقت سوالف ويا سالم ....

ــــــــ فها اليوم فليل كانن شما وفطوم متواعدات يدشن النت ويربشن ويا ربعهن.. دشت فطوم المسن ومالقت حد اون لاين وقالت بجيك على ايميلها..وهيه اطالع الايميلات طاحت عينها رسالة من احمد ففتحتها على طول..
كانت تقرى بتمعن شديد .. تقرى وهيه الارض مب شايلتنها من فرحتها وفالنفس الوقت من حزنها.. كانت مستانسه لكلام احمد ومضيجه شوي من عمرها لانها وايد غصصتبه وهو طبعا مايهون عليها ... سمعت الاغنيه وماقدرت تحبس دموعها قامت تصيح خصه يوم قرت(ليتج يالغلا تفهمين وتحسين فيني..)
(اخ يا احمد وينك الحينه دش بسرعه ابا ارمسك..)فخاطرها.. ودشت شما المسن بس فطوم ترخصت منها وقالتلها انها بتسوي حركه فيها من الخبال شويه .. فطلعت من النت وعلى طوول سارت الصاله وسحبت التيلفون لحجرتها ومن غير ماتتردد او حتى تفكر فاللي بتسويه دقت لاحمد ..
احمد كان فحجرته مشغل الستيريو ومسلقي على الشبريه.. سمع رنة التيلفون بس ماكان له خاطر ايرد..وقام بكل تباطؤ ويوم شاف الرقم عقد بحياته .. غريبه منو داق من بيت خاله!!! ابدا ما يى عباله انه ممكن تكون فطوم..
احمد: الوو..
فاطمه: ......(ماقدرت ترمس)
احمد: الوو. منوو؟
فاطمه: ممم اناا..
احمد مستغرب: فطووم؟
فاطمه: هيه..
احمد: شو فيج ؟ غريبه داقه ها الوقت .. شي يعوركم.. شي مستولكم؟؟
فاطمه: لاماشي..
احمد (اذكر الرساله وابتسم ورد طاح ع شبريته):انزين.
فاطمه: انزينات..
احمد: بلاه صوتج..
فاطمه: مافيه شي..
احمد: لافيه..
فاطمه: مافيه..
احمد: انزين شله داقه؟
فاطمه: بس جذيه..
احمد: تولهتي عليه صح.. ماترومين اصلن تصبرين عني..
فاطمه: وايد واثق..
احمد: فطوم كنتي ع النت؟
فاطمه: (ترخبصت). كيف.. شدراك؟
احمد: قريتيها؟
فاطمه: هاا.. ممم هيه..
احمد: وشو الراي الحينه..
فاطمه: مادلك..

احمد: فطوم والله اني متوله عليج حرام ها اللي تسوينه.. انا شو مسوبج عشان اتعامليني جذه .. وينها فطوم وينها يهولتيه.. قوليلها انه حياتي ولا شي بدونها بدون قلبها الطيوب اللي عمره ماشل على حد .. قوليلها اني احبها والله صدق احبها مووت بعد..
فاطمه: احمــد..(بنبرة متقطعه)
احمد: يااعونج..
فاطمه قلبها كان يدق بسرعه ومب رايمه تتحكم بمشاعرها الهياجه هاذي ودها تقوله شكثر هيه تحبه وشكثر قلبها متعلقنه بس خانها التعبير وتمت ساكته واكتفت بس بالدموع .. لكنها بعد محاولات ..
فاطمه:احمد.. انا ماقصدت.. ماقصدت.. اضيجبك..(وقامت تناهج)
احمد: فديت حسج ..ليش الصياح حبيبي..
فاطمه: احمد.. انا احبك.. وماباك تزعل مني..
احمد: ياشقااي ... بسج صياح فديتج لاتقطعين قلبي
فاطمه: احمد والله ماقدرت اتحمل.. والله اني .. ضايجه.. ضايجه من عمري.. كنت مابا ارمسك لاني .. كنت ابا اعرف اذ تحبني وله..والله احس اني مخنوقه ماروم بس ..
احمد: فطوم انا عيزت من كثر ماوضحلج.. قلتلج الغلا.. وسميتج يهولتيه لانه انتي ملكيه انا وبس.. لكنج مافهمتيني.. ولا حتى حسيتي فيني..اكثر من ها شو كنت اقدر اسوي.. والله طرشتلج الايميل وانا مب مقتنع بالحركه هاي.. بس خلاص مابقالي صبر اكثر عن اللي صبرته.. فارتني فرة جلاب من شهر..
فاطمه(ضحكه على صيحه): اكرمك ربي..
احمد: والله صدق..
فاطمه: انزين احينه مب زعلان مني..
احمد: حد يروم يزعل على روحه..
فاطمه: والله اسفه...
احمد: خلاص حبيبي انحلت ها القضيه واخيرا..سيري ارقدي انتي الحينه وباجر الصبح بتلقيني فويهج..
فاطمه: والله بتي..
احمد: انا من وناستيه عادي اييكم الحينه..
فاطمه: احمد لاتقول لحد..
احمد: فديت روحج.. لاتخافين .. محد بيدري عن اللي استوى.. ومحد بيدري انج دقيتيلي .. ارقدي وانتي مرتاحه..
فاطمه: تصبح على خير..
احمد: وانتي من هله انشالله.. فطووم .
فاطمه: عونك..
احمد: والله احبج..
فاطمه: زين بباي..
وكل واحد منهم طاح ع شبريته وتم يتخيل الثاني.. اخيرا احمد وفطوم صارحوا بعض.. ها الحب اللي مأرقنهم من متى واللي كل واحد منهم داسنه عن الثاني خلاص اليوم انكشف وباجر بيكون له طعم غير ..

ــــ بالباجر بيت بو محمد..
بومحمد يرمس حصه: امايه سيري بيت عمج وقولي لعلي يلحقني العزبه..
حصه: ماروووم ابوويه حرر..
بومحمد: وين حر العصر احينه..قوومي يلا غناتي..
حصه: انزين دقله تيلفون..
بومحمد: ثرني مادقيلته .. مايرد .. يلا سيري..
حصه: انشالله انشالله..(وروحت..)
ام محمد: هاي البنت منها الخوف..
بومحمد: هاهاها حرام عليج كله ولا حصوه..هيه الا تدلع علينا شويه..
ام محمد: مابتروملها يوم بتكبر..
بومحمد: لاماعليج بتكبر وبتعقل.. هاكيه مريوم جدامها..
وشويه ردت حصه..
بومحمد: ليش ماسرتي..
حصه: ابويه نسيت شو اقوله..
بومحمد: قوليله اييني العزبه... يلا انقفضي..
حصه: انزييين لاتحرج..(وسارت بيت عمها..)
ام محمد: لاوالله زين يوم ظهرت منك هاي الشخطه..
بومحمد: هاهاهاها علووم هيه ..يلا انا بسير تبون شي..
ام محمد: سلامت راسك..هيه حق.. ترا اختك يمكن بتي اليوم..
بومحمد: لاوالله..
ام محمد: مادري اسمع الحريم يقولن الصبح..
بومحمد: مب من عوايدها تتأخر لين العصر .. جاد انها بتي جان يت من الصبح..
ام محمد: شدراني..
بومحمد: المهم اذ يت اتصلولي .. دومها تفتن علينا لانه ماني نسلم عليها اول ماتي..
ام محمد: هاهاها خلاص ولايهمك..
بومحمد: فمان الله...
... حصه يوم طلعت من بيتهم تمت تمخطر فمشيتها وهيه اطرب واتغني ويوم دشت بيت عمها لقت حرمة عمها وفهودي فالصاله سلمت عليها ...
ام علي: هلاا بحصيص..
حصه: بالمهلي.. شحاالكوو..
ام علي: هاهاها بخير ربي يسلمج..شو ماشالله منورتنا اليوم..
حصه: احم احم.. عموه الا مطرشه تراني..
ام علي: هيه وانا اقول .. مب من شي يايه.. قاطعتنا ولا تي..
حصه: حليلي.. بس تحيدوني ماداني احاوط وايد..
ام علي: ماعطنج مريوم وفطوم..
حصه: ويين عموه هاذيلا عنزات الفريج..من بيت لبيت..
ام علي: هاهاهاها ماجذبتي فهاي..بس انتي حاكره عمرج كله فالبيت..
حصه: شو نسوي مايسلينا غير ها التيلفزيون.. حليلي ماعندي ربيعه اتم وياها..
ام علي: حليلج.. انزين منو مطرشنج..
حصه: ماشي شيبتنا يبى علي..
ام علي: هيه .. احيده راقد مادله جان وعى.. سيريلهم فوق طالعيهم..
حصه: اووكي..

وسارت حصه فوق وعلى طول توجهت لحجرة علي وحطت ايدها على قبضة الباب بس تمت تفكر شويه.. رجعت ادراجها وسارت صوب حجرة فطوم..
حصه: بوو..
فاطمه كانت يالسه على شبريتها وهيه لاويه على العروسه اللي عاطنها اياها احمد واتجلب فالمجله: امييه زغت..
حصه: زين.. شحاالج..
فاطمه: بخير..
حصه وهيه تشر العروسه من ايدها: شو سالفتها هاي العروسه.. دومج الا حاطتنها فحضنج..
فاطمه: بس احبها..
حصه: لاوالله..
فاطمه: هيه وايد احبها.. صدق والله..
حصه: انزين خلينا من ها الخربطان.. شيخج وشيخ طوايفج وين؟
فاطمه: هاهاهاها بعدج اتسمينه شيخي..
حصه: ولابسميه غير الشيخ علي..
فاطمه: الله يعينج.. عاده هب تقولين ها الرمسه جدام حد غير.. بيفهمونج غلط..
حصه: وييه لا تووبه .. مره وحده جان اقول جدام شيخوه وتمت اطالعيني بنظرات..
فاطمه: ييها سلمي على عمرج.. شيخو وايد رماسه..
حصه: لا ماعليج هيه ربيعتيه وانا صلحتلها الموضوع.. قلتلها اني يوم تضاربون انا اكون ويا علي وانتي ويا مريوم فعشان جيه اوني مسميتنه الشيخ..
فاطمه: حليلج انتي.. عاده خلاص الحينه بيسافر عنا ومابنيسر عقب نجاتل وياه..
حصه: نحن الحينه ما نضارب نفس قبل انزين..
فاطمه: هاهاها العقل يبوج..واصلن من كثر ماتين انتي عشان تتعاونين وياه عليه
حصه: هاهاهاها وين ابا ايي والله احس اني غلط وانا لابسه منه وقايه..
فاطمه: وياراسج لازم عيل بتمين صلعه جدامه..
حصه: كمن مره انزين شافني صلعه وانا اوني اسوي الامر عادي ولا انا طنق القفطه مازره ويهي..
فاطمه: هاهاهاها وياشكلج خلاص الحينه معتدل سر..
حصه: لا وازيدج بعد توني كنت بدخل عليه الحجره .. شفتي الخدايه..
فاطمه: انزين..
حصه: ماشي .. نسيت عمري والله ورديت ركض عندج خفته يظهر ولا شي..
فاطمه: عند الله يا الدنيا.. انزين شو تبين منه.؟
حصه: ابويه يباه... فسيري وعيه انزين..
فاطمه: اوكي بسيرله الحينه.. صبري..
وسارت فطوم حجرة اخوها ووعته وقالتله انه عمه يباه وردت حجرتها بس ما لقت حصوه.. علي تم طايح بعده ع شبريته ودافن ويها فالمخده مايبى يقوم.. لكنه قام بكسل وتغسل وصلى وسار عند فطوم..
علي: وين هو عمي؟؟
فاطمه: مادري حصوه قالتلي يباك بس مادري وين وروحت عقب..
علي: حصوه اللي كانت يايه..!!
فاطمه: هيه..
علي: بسير بيت عمي عيل بطالعه..
وركب علي سيارته وسار بيت عمه ودش وتم يمشي فالحوي .. وهو ماشي جان يشوف حصوه طالعه من صوب المطابخ فزقر عليها ويت صوبه..
حصه: ليش ماسرت عند ابويه..
علي: وينه هو ابوج.؟
حصه: تراه يتريااك هنااك..
علي: وين هنااك..
حصه: هنااكي فالعزبه..
علي: وشله ماتقولين من قبل..
حصه: انا قلت لفطوم..
علي: ماقلتي..
حصه: انزين.. يمكن لكن نسيت..
علي: هاهاها غبيه وحده..
حصه: انا مب غبيه ..
علي: انزين اسفين.. انتي ذكيه..
حصه: جب انزين.. يلا سير عند ابويه وعقب بييني وبيهزبني..
علي: اشك في احتمالية انه حد يهزبج..
حصه: لاوالله..سير يلا تاخرت وايد..
علي: والله كنت تعبان شو يبى عمي..
حصه: شو متعبنك..
علي: راد من التراي الضهر وغير ها كنت مواصل وعقب وعيتوني من رقادي..
حصه: هيه انزين انا مالي شغل سير تفاهم ويا ابويه..
علي: يلا انزين باي,
حصه: حووه صبر صبر..

علي: حوه بعد.. شو تبين..
حصه: بوصلك لين الباب..
علي: زين يلا وصليني..
وعند الباب..
علي: يلا باي..
حصه: لا صبر.. عطني شي مب الا موصلتنك لين الباب ..
علي معقد حياته: والله انج .. غلطوا يوم قالو حصوه كبرت..
حصه: بعد اتهيني..
علي: هاهاها والله ماهنتج.. انزين شو تبين..
حصه : اممم ابا ابا..
علي: بسرعه ..
حصه: انزين ابا شريط عيضه اليديد..
علي: لاوالله شو تبينه..
حصه: بعد شو يبونه الناس.. الصراحه امسات شفته فسيارتك يوم كنا سايرين الصبح الدختر فاستحيت اسرقه قلت احسن استأذن منك..
علي: هيه زين بعد يوم انج تستأذنين. انزين خذيلج واحد..
حصه: مريوم حالفتلي ما اشتري اشرطه..
علي: اجدت فيج..
حصه: بتعطيني وله؟؟ (واطالعه بنظرات توسل..)
علي: وياراسج مشكله انتي بعد .. مشاركتني فكل شي..اندوج ها مايغلى عليج بنت عمي..
حصه: مشكوور بن عمي.. يلا بااااي بسير اسمعه..(ودخلت بيتهم..)
علي تم يطالعها وهو يضحك صدق انها مشكنمه ويهوله .. بالرغم من بزاها اللي الكل يشكى منه الا انها عسوله والكل يحبها .. وحرك سيارته وسار العزبه يشوف عمه شو يبغيه..

ـــــ عقب يومين وصلو قوم لطيفه وطبعا كعادة كل يايتهم ربشه ويوله ومهاسه تستوي ففريج عيال بو خليفه..كل يوم يتيمعون من الصبح لين فليل فبيت العايله وعاده فليل يكون جوه غير واليلسه احلى .. يفرشون سماط خاري فالحوي ويتمون يسولفون لين نص الليل .. حتى الرياييل يودرون العزبه وايون فليل عسب ها اليمعه والوناسه ..
فأول يوم الهم وعقب صلاة المغرب.... كانوا كلهم متيمعين خاري بوخليفه وام خليفه(الشواب) وخليفه وحرمته وسيف وحرمته وعياييلهم الصغار..لطيفه وريلها وعيالهم وحرمة ناصر .. وناصر واحمد وعبيد وعلي وسالم كانوا يالسين شويه على ينب وسوالفهم شبابيه طبعا.. واليهال يراكضون ويلعبون واللي يطيح ويصيح واللي يضحك ع الثاني واللي واللي.. تقريبا الكل كان موجود ماعدا البنات مريم وفاطمه وحصه..
فأحمد يوم حس انه فطوم وايد تأخرت ترخص من الشبيبه وقالهم بيدق لواحد من ربعه فسار برع دق كمن مره بيت خاله بس محد يشله..واتشجع وسار هو بنفسه لكنه مايسر ايدش البيت لانه شافها مب حلوه فخلى البشكاره تزقرله فطوم ويلس هو عالدري..
البشكاره سارت عند فطوم ولقتها ترمس بالتيلفون..
انتين: فااتوم بجا مال ماماه لطيفه يريد انتي..
فاطمه: بجاه.. منو جسوم؟
انتين: لالا هذا كبير..اهمد
فاطمه: ويه سفيتي جنه احمد بجا.. انزين هو برع؟
انتين: يس.. هو يريد سوي كلام انتي.. يلا روهي..
فاطمه: اوكيك.. اقول شموه احمداتي برع يباني..
شما: يحيج.. سيري طالعيه وردي دقي..
فاطمه: قلبي يدق..احسبي قافطه كيف بشوفه..
شما: عادي انتي مب اول ولا اخر وحده تقول لواحد انها تحبه..وبعدين انتوا حاله مستثناه.
فاطمه: هزرج.. يلا انزين باي..
شما: ردي خبريني عقب شو استوا..
فاطمه: تيكا.. باي..
ولبست وقايتها وطلعت برع لقت احمد يالس ع الدريات مشت وراه شوي شوي وحطت ايدها على عيونه (ماتبى يتكهرب الجو..)
فاطمه: منوو انا..
احمد: هاهاها وياشكلج .. انتي حيااتي كلها (وقبض ايدها ووقف مجابلنها)
فاطمه : شحالك..(وسحبت ايدها واتساندت ع اليدار..)
احمد: بخير دامني شفتج.. ليش مايتي بيت قوم ابويه..
فاطمه: ممم بس جذيه..
احمد: احلفي انتي بس .. من الصبح نحن يايين ولا يتي اتسلمين..
فاطمه: امبلا ييت الصبح سلمت على عموه ورديت..
احمد: لااه.. وانا مالي رب.. احيدج قبل اول واحد اتسلمين عليه انا..
فاطمه: لول تحول.. هيهيهي..ليش انتو تأخرتوا في الييه .. ذاكي اليوم قلت بتي..(وقاطعها..)
احمد: هيه يوم الاعتراف العالمي هاه..
فاطمه: جب انزين..
احمد: هاهاهاها فديتج يا الخبله.. والله كنا بالباجر بني بس الشيبه تعب شويه.. وها نحن ذا اليوم يينا..
فاطمه ابتسمتله ولفت صوب السما اطالع القمر.....
احمد: والله انتي احلى منه..
فاطمه: ادري..
احمد: وياويهج..فطوم حرقت تيلفونكم من كثر ما دق ليش ماتردون؟
فاطمه اونها تشهق: هييييه انته اللي كنت ادق..والله كنت ارمس ربيعتيه واكبر طاف مسويه للخط..
احمد: يا الماصخه وجاد انه حد داق يبا شي ضروري..
فاطمه: جان دقوا لعلي ولا لامايه ولا لبويه.. تيلفون البيت ملكي.. محد قالهم مايظهرولي موبايل..
احمد: هيه بعد..ها اللي ناقص.. يلا ماعندنا بنات يولونهن تيلفونات وهن بعدهن يهالوه مدارس..
فاطمه: يهالوه فعينك..
احمد: هاهاهاهاها..انزين يلا تاخرت..انا برد احينه تعالي ويايه..
فاطمه: لا شو .. بيي لكن مب الحينه.. بدق لمريوم عشان اتي ويايه..
احمد: اوكي لا تتأخرين..
وروح احمد وهيه تمت واقف اطالعه ويوم ظهر من حويهم ردت داخل وعلى طول دقت لشما..
شما: ها شو استوا..
فاطمه : ماشي سوالف.. يباني ايي بيت قوم ابويه وياه .. بس قلتله بيي ويا مريوم..
شما: اقوولج انتي ماخبرتيها مريوم .؟
فاطمه: عن.؟
شما: عنج واحمد؟؟
فاطمه: لااا ماقلتلها .. اصلا مالقيتها كل يوم والثاني فالسوق ويوم ابا ارمسها تكون تعبانه ومالها نفس .. واصلا انا ماتشجعت..
شما: يعني مابتقوليلها..
فاطمه: امبلا بقوللها.. وانا اروم يبوج.. والله ادري انها بتذبحني يوم بخبرها . منه لاني ماشرتها ومنه لاني ماقلتلها من قبل..
شما: حليلها .. مريوم مابترتاح لين تسمع انه احمد خطبج..
فاطمه: فديتها.. يعلني ماخلا منها والله بتوله عليها وايد..
شما: وحليلي وانا..
فاطمه: ولا منج.. انتي روحي وهيه توأمي ونوره عيوني .. عشان ماتقولن ابدي حد على حد ..
شما: هاهاهاهاها تعرفين وايد احبنا..
فاطمه: كيف هاي بعد.. هيهيهيهي
شما: مادري ..

ويدش علي ها الوقت.....
فاطمه: والخيبه شموه علي اخويه يا..
شما: والله..
فاطمه: امييه زغت.. تخيلي رد وشافني ويا احمد خاري .. اسميه بيغسلني غسال..الحمدلله انه روح احمد مساعه..
شما: انزين عادي .. عوذ بالله الكل يعرف انكم ويا بعض.. ودوومكم تسولفون ويا بعض جدامهم..
فاطمه: انتي قلتيها جدامهم ..
شما: انتي خلي الامر عادي..
فاطمه: احم ..
شما: بلاج..
فاطمه: ماشي..
شما: شكله يا حذالج..
فاطمه: هاهاهاها (اونها تضحك..).. هيه..
شما: محرج تلقينه.؟
فاطمه: لاا..
شما: مستانس..
فاطمه: عادي..
علي وهو يقوم :صدق تفاهه الا هيه ولا وهيه ولا..
فاطمه: شو دخلك..
علي: شو دخلني.. انا براويج..(ويسير صوب نقطة التيلفون ..)
فاطمه: علي عاده ..لا تمجعه..
علي: عن خاطريه .. من زمان ما اذيتكم انتي وشموه..
شما: ويه فطوم عرف اني انا..
فاطمه: انتي بعد.. علي غناتي الله يخليك..
شما: عن خاطره خليه يمجعه عادي..
فاطمه: جب انتي..
ومجع الواير وسار..
فاطمه: وياها الويه.. اونا نقول كبر وعقل .. شو بتقول عنك البنت..
علي: يالله الا شموه هيه.. وبعدين انتي ليش مكبره السالفه..
فاطمه: شو ليش مكبره السالفه..
علي: عادي انا حسبة اخوها ومابتقول ومابتحط فخاطرها شي.. صح ولا..
فاطمه وهيه مب مستوعبه رمسة اخوها .. لااا .. ها اللي ماكانت تبى تسمعه من اخوها..حست بحد يسطعها طراق..تلعثمت : اخوها.. هيه.. هيه .. قالتلي هيه ..
علي معقد حياته: شو قالتلج..
فاطمه: ماشي ماشي..
علي حايس بوزه: انزين .. اخبرج تراه سعود بيي عقب شويه.. انا بسير اتسبح واذ يا خليه يدش يترياني..
فاطمه: انزين..
يلست فاطمه على الغنفه وهيه تفكر..تفكر وتقول.. حسبة اخوها..
شما ردت ادقلها لكن محد يرد لانه الواير ما ردت فطوم تركبه.. وعقب دقايق يت مريوم .. انتبهت لفاطمه انها يالسه فالصاله وسرحاانه.. وسارت عندها.
مريم وتسوي حركه باي باي: وييوي وييوي..
فاطمه: بسم الله .. من وين طلعتيلي ..
مريم: مادري يقولون من الباب.. هيهيهي
فاطمه: لاوالله..
مريم: قومي يلا بنسير بيت قوم ابويه.
فاطمه: الحينه..
مريم: لا تمين هيزه سادتني حصوه .. احايل وياها اتي ويايه ومارمتلها..
فاطمه: ليش..
مريم: شدراني فيها.. مطيحه جدام التيلفزيون واونها مالها خاطر اتسير.. حد مايحب يحوط!!! ..
فاطمه: حصوه اختج.. هيهيهي..
مريم: يلا قومي انزين.. حبيب القلب هناك ..
فاطمه: انطبي وياها الراس.. علي اخويه هنه..
مريم: هيهيهيهي انزين يلا نشي..
وهن طالعات برع ويسولفن انتبهن لسيارة تدخل البيت ووقفت عند الفله..
مريم: منو ياينكم؟
فاطمه: اوووه نسيت جنه الا سعيد ولد خالي.. وقفي انتي بسير اقوله يتريا علوه..
وسارت فاطمه صوب سعيد ففتح الدريشه وتم يرمسها..
فاطمه: مرحباا..
سعيد: مرحبتيين. شحالج فطيم...
فاطمه: بخير وسهاله.. وانته شحالك؟
سعيد: والله الحمدلله عايشين..وينه اخوج..
فاطمه: ههااي .. يبالك تترياه داخل بعده قبل شويه راد البيت وسار يسبح.. اقرب داخل.
سعيد وهو ينزل: وياراسه .. ماجني قايلله من العصر ..
فها الوقت كانت مريم واقفه صنم فمكانها لاتتحرك لا يمين ولا شمال اطالع صوب فطوم واللي وياها .. تمنت بس لو تتبادل ويا فطوم الادوار فها الوقت.. سعيد انتبه انه في حد واقف وطالع صوبها لكنه مريم نقلت نظرها على طول صوب الباب حست بقلبها يناقز من مكانه..
سعيد: منو هناك واقف..
فاطمه: ويه نسيتها .. هاي مريوم..
سعيد: حليلها تترياج..
فاطمه: شو وراها..
سعيد: شكبره هيه الحين.؟
فاطمه: يالله بالستر ها السنه مخلصه ثنويه..
سعيد اونه مايعرف عاده: هييه صح.. احيدها اصغر عني بسنه.. شو بسير الجامعه.؟
فاطمه: هيه جامعة العين.. امم أي استفسار ثاني..
سعيد: هاهاها لامشكوره..
ودش سعيد البيت وروحت فطوم عند مريوم.. سعيد اول مادخل دق لعلي عشان ايعيله ويلس هو فالصاله وفكره وعقله مول مب وياه.. يفكر فمزيونته الغاويه اللي من شهر ماشافها واليوم شافها بس من بعييييد..

وطب عليه علي .. وسعيد موول مب منتبه لوجوده..يلس حذاله وضرباه ضربه ع ريوله..
سعيد: وويع..
علي: هاهاهاها شفتك سرحان ..
سعيد: وياراسك ماريت الا ريلي .. امس كنا نلعب كوره وواحد من الربع شاتني هنه. يعلك انشالله..
علي: انزين انزين اسفين.. يلا قمنا..بعدنا بنخطف على عبود
سعيد: يلا انزين..
.... مريم وفطوم سارن بيت ابوهن العود.. طول الدرب كانت فطوم فخاطرها تخبر مريم عنها وعن احمد بس كل ماتبى تقولها تلقاها فدنيا ثانيه.. حتى يوم الكل يضحك موول ماتضحك .. مول مانطقت ولا بكلمه الا يوم سمعت عبيد يقول انه بيسير ويا سعيد وعلي..
عبيد: يالله امايه هكم خاري تراني بسير..
سالم: امايه قوليله يخلوني اسير..
عبيد: جب يلا انثبر مكانك..
مريم: ليش عبيد وين بسيرون؟
عبيد: وين بنسير بعد بالله عليج.. بنحوط..
مريم: اها..
لطيفه: انزين ودوا اخوك..
عبيد: يلا بااي.. (وروح ..)
سالم: اف مب حاله هاي.. (وسار البيت..)
وعقب شويه اذن العشى وقاموا كل الرياييل ..والحريم دخلن يصلن.. وفالصاله..
كان سالم يالس يلعب بتيلفونه وهو معصب ويدق بريوله ع الارض..
فاطمه ترمس مريم: بلاه سلوم
مريم: بسير اشوفه.. لاتين مابيطيع يرمس عقب..
فاطمه: اونها عاد .. انزين انا بدش اصلي..
وسارتله مريم..
مريم: ها ولد عموتي بلاك معصب..
سالم: فكيني مريوم..
مريم: بسم الله .. هبي هبيت ..
سالم: والله شوها حق منو يعني انا ايي قوليلي حق منو..
مريم: (تشق الحلج) حقي..
سالم: متفيجه انتي..
مريم: يالله بلاكم جيه انتو.. الكل هنه مهموم وضايج (وفخاطرها وانا اولهم.. هه)
سالم: ها الهرم عبود وين بيسير عني انزين هو... ولا علوه الطفس.. ماعليه الهروم ..
مريم: حليلك معصب عشانهم ماودوك وياهم..
سالم: مب الا ها مغصصبي..
مريم: عيل شو..
سالم وهو يطالعها: وينها حصوه؟؟
مريم: هيهيهيهي والله حسيت والله..
سالم: شو ها مريوم قبل يوم كنت اشوفها تم امبوزه والحينه مول ماشوفها.. برايه تمد بوزها وتعبس فويهي ولا اني مول ما اشوفها..
مريم: الله يعينك.. شو تباها انته..
سالم: انا ما ايي الا عشانها وهيه ولا عليها..
مريم: ييه ييه انتو بعدكم ما طلعتوا من البيضه وهاي رمستكم.. شو خليتولنا نحن..
سالم: انزين مريوم سحبيها وياج خليها اتي..من زمان ماشفتها..
مريم: حصوه حاكره عمرها فالبيت ماداني تظهر وايد.. شو اسويبها يعني انا..
سالم: ... تم ساكت..
مريم: صدق يهال.. يلا قم صل وخل عنك ها العلوم انته..
سالم: قوليلها اتي..
مريم: انزين قم سير المسيد وانا بدقلها وبقولها اتي..
سالم: فديتج والله يا مريوم محد فاهمني غيرج.. ليت الكل شراتج..
مريم: هيهيهي جان استحي تراني..يلا سير فديتك..
سالم: انشالله..
ويروح سالم وتمت مريم يالسه مكانها وفبالها وايد اشيا.. مر طيف سعيد جدامها و داعب وجدانها .. حست بشوووق كبير اه يا سعيد ليت فكرك ليه مثل مافكري ليك.. يا سعيد ردلي قلبي يوم انك شليته بنظره بس..وعقب فترة الصمت هاي سارت عند الحريم..

ــــــ فالمنار كانو الشبيبه يحاوطون .. سايرين رادين خمو المول خم .. وعقب علي يا فخاطره يشتريله ثياب للسفر فدشوا هو وعبيد المحل وتم سعيد موقف خاري ويطالعهم من بعيد.. كان قلبه قابضنه ومب عارف ليش.. يمكن لانه شاف مريم اليوم .. بس ليش يحس بها الضيجه كلها .. وشويه ضهروا عبيد وعلي وتمو يمشون .. وكانت جدامهم شلة بنات ..
عبيد: عجيبه هاي الوسطانيه.. غااويه..
سعيد: اووه الاخ من قوم الاها..
علي: هاهاها والله انه تراه ها .. يعق الرقم الا جيه.. ماتشوفه كيف يعسكر ويا ربعه فالعين مول..
عبيد: هاهاهاها شله محترين نعيش مراهقتنا.. جنكم ترومون طيحوهن مثلي..
علي: مالت عااد.. منو يشوف شيفتك انته..
عبيد: يشوفونها غيرك..يلا راونا شطارتكم اشوفكم..
سعيد: سير لاه.. مالقينا الا ها العبر بنرقمهن..
عبيد: عاد حلف انه هاذيج مب حلوه شوف تمخطيرتها كيف.. خل عنك خل..جنك تروم بس طيحها..
سعيد: تتحداني..
عبيد: يلا اشوفك..
وخطفو هم الثلاثه جدامهن وسارو صوب ستار بوكس تم سعيد موقف ويسوي حركات صدق اللي بتشوفه بطيح مغشياه.. قام يعدل غترته ويوزع ابتسامات .. ويوم مرن البنات حذاله مشى وراهن .. وطبعا مايحتاي انه سعيد يحاول فيهن ماشالله عليه جماله رباني.. بياض وعيون كبار ورماديات عريض الزند .. يعني ملامحه صدق رهيبه.. من اول ماقال الرقم التفتت له البنت واونها عاد تبتسم وتسوي حركات.. وبكل بساطه طيحها!!!
وعقب ها الحركه اللي سواها تم موقف شويه.. حس بالاشمئزاز من نفسه.. ليش يسوي ها الحركه.. منو بيغايض فيها.. بس تحدي سخيف من عبيد خلاه يحتر.. لااا.. هو بالاساس كان ضايج وحاس بالقهر.. من اشوه؟؟ بس لانه ماقدر ينسى غناته.. ماقدر يخوزنها من باله ولو لحظه.. ورد للشباب ..
عبيد: هاا .. شو الهبات..
سعيد: هاهاها عطيتها رقمك وانا اخوك.. اتريا الاتصال فأقرب وقت..
علي: هاهاهاهاها زين سويت فيه..
سعيد: عشان ما يستهين بالخيماويين .. عباله الجمال بس مخلف عليهم ها العيناويه..
عبيد: ويه ويه دقت.. الحق سعود..
سعيد: يالله حلال عليك.. ها القلب لراعيته وبس..
علي: اووه اوووه اووووه..
سعيد: هاهاها سوالف بو حسون..
علي: لا والله كلمة الحق سباقه وانا خوك.. والله حاسبك ها الايام والله انك..
سعيد: شو حاسبي.. اسكت اسكت.. خلنا نسمع الحبيب وهو يرمس..
وتمو يضحكون على عبيد وعبيد شاق الحلج واونه يبى يتأكد انها هيه ولا لا عشان يشوف صدق سعيد رقمها ولا لا.. وفعلن طلعت هيه اللي داقه.. وعبيد تم ويها خايس من القفطه..

ـــ في بيت العايله بعدهم الجماعه متيمعين ومتونسين ببعض .. تموا تقريبا لين الساعه وحده وعقب كلن رد بيته.. مريم على طول سارت حجرتها ودشت تسبح ويوم ظهرت لقت حصوه مطيحه على شبريتها وتجلب فالبومات الصور..
مريم: شو تسوين انتي..
حصه: ماشي مليت .. وقلت بشوف عمري وانا ياهل..
مريم: مايحتاي الا يسمعج يقول انج الحينه حرمه..
حصه: بس بس مريوم.. مابا اضارب..
مريم تحيس بوزها وتيلس حذالها: شحقه مايتي بيت قوم ابويه..
حصه: بس جذه.. مريووم شوفي ها الصوره انا ويا علي..
مريم: كنتي كبر علايه تقريبا.. (وتبتسم) انزين حصوه ابا ارمس وياج بجد..
حصه: مريووم منو ها وياج فالصوره.. ها علي وهاي انتي بس ها منو؟
مريم وحست بوخزه فقلبها: مم ها سعيد .. ولد خال قوم فطوم..
حصه: قوم خالي حميد.. هيه اخو شيخوه..
مريم: هيه هو..
حصه: ويه هنه سبال مول مب حلو.. والله لو تشوفينه احينه .. والله انه قمر واحلى عن علي حتى..
مريم: لاوالله. متى شفتيه..
حصه: مادري قبل كمن يوم. لالا يوم كنتي سايره ويا قوم عمي ناصر.. وداني علي بيتهم عند شيخوه .. وجان اشوفه هناك..
مريم: اهاا.. يلس وياكن؟
حصه: هيه والله انه طيوب.. كله على باله اني اصغر من شيخوه بوايد..
مريم: يشوفج دقمه..
حصه: برايني بطول انزين.. هاكيه فطوم طولت..
مريم: من زين طولها عاد فطوم احينه.. بعدها قصيره..
حصه: خذتي كل الطول انتي يا الزرافه..
مريم: بس بس عطيناج ويه... انزين اخبرج سلوم وايد حاط فخاطره..
حصه واونها ماتسمع وتمت تغني...ياللي تيمني حبك.. مش خايف ليه من ربك.. باسبابي تكسب ذنبك والله خاايف علييك..
مريم : تصدقين عاد سلوم قالي اهديج ها الاغنيه..
حصه: اوووف.. رديه الاهداء .. مب وااصل..
مريم: بلاج انتي عليه..
حصه: ما بلاني شي.. انسان تافه وبايخ وماينبلع... شو يبا مني هو.. يخليني بحالي..
مريم: ول ول ول ها كله.. حرام عليج الولد متعلقنج.. ربع من كنتوا يهال..
حصه: انزين وانا كبرت الحينه..
مريم: ولو ها ولد عمتج..
حصه: بزواله
مريم: اييه شو ها الرمسه

حصه: يعني غصب غصب احبه.. صدق مايستحي ع ويهه.. لا وبكل جرأه جدام أي حد يقول والله مادخلكم فخطيبتيه.. وين يبى هوو..
مريم: هاهاهاها .. واونج تستحين يعني..
حصه: سيري لاه شو استحي. مالقيت مونه..
مريم: هيه وانا اقوله شدراها اختيه بالمستحى..
حصه: مريوم انتي شبلاج عليه.. توقفين ويا الناس كلهم ضدي.. ( وبدى صوتها يخشن..)ها الكثر كارهتني.. (وتقوم من شبرية مريم وطلعت من الحجره وصكت الباب بقو..)
مريم تمت امبله ومب عارفه ليش حصه جيه انجلبت.. شو استوالها اختها.. اول مره صدق تتأثر يوم حصوه ترمس.. حست صدق انه حصوه ترمس من قلبها ومن غير ملاقتها المعتاده.. حست شي فيها تغير.. وشلت بعمرها ولحقت اختها.. تمت ادق عليها الباب بس حصه اعند منها ماشي.. ماطاعت تفتحلها الباب..

ـــــ عقب كم يوم وبالتحديد يوم الاربعا العصر يت نوره وشما بيت قوم مريم يسلمن عليها قبل لاتروح الجامعه طبعا.. تمن يالسات فالمنامه وداقات سوالف وعلوم .. خطفت حصه من حذالهن ويت سلمت عليهن ويوم يايه بتروح..
مريم: وين بسيرين تمي ويانا..
حصه: ماحيد لي مكان وياكن..( وعطت اختها بنظره وروحت صوب بيت يدها..)
نوره: حليلها.. ليش شو مستوي بينكن..
مريم: والله بروحي مادريبها.. اول امس عقت عليه رمسه ومن يومها ماترمسني..
فاطمه: انا لاحظت عليها شي.. حصوه وايد متغيره..
مريم: حسيتي ..انا بعد والله..
شما: كبرت البنت انزين..
فاطمه: لا ومستويه تستحي من علـي و..(وعضت على شفايفها وطالعت صوب شما وحاولت تخلي الموقف عادي..) تستحي لانها تلبس الوقايه منه هاهاهاها شفتو انتو..
مريم: احس اني غلطت عليها.. وهيه مب عاطتني ويه مول..
نوره: جيه شو قلتيلها..
مريم: ماشي..تحيدينا دومنا نقره.. بس ها الايام مستويه ما تستحمل أي هده..
نوره: لازم مريوم .. فها الفتره بتتغير شخصيتها.. بتغديلكم حساسه عيل..
مريم: شدراني.. بس زين يوم طلعت يبوج من البيت..
وشويه لانه حد يدش البيت ..
نوره: منو ها مريوم..
مريم: عمي ناصر .. صبرن بسيرله..
وسارتله وسلمت عليه وتمت واقفه شويه وياه وراغته ردت وهيه شاقه الحلج..
فاطمه: جيه شو يبى..
مريم: ماشي.. يايبلي الرقم..
نوره: واخيرا طلعولج..
مريم: هو كل مره ينسى شو اسويبه..
شما: جيه وابوج..
مريم: لا ترا نصور قايل بيظهرلي الرقم ع كيفه اونه.. يلا حليو الرقم..
نوره: مبرووكيشن عيل..
وعلى الساعه تسع تقريبا يا حمدان اخوهن عشان يشلهن ودق لنوره عساس يظهرن.. وهو يتريا .. طلعت حصه من بيت يدها وهيه صدق متغصصه وميوده القهر كله وفخاطرها انا شو يايبني شو اللي مكلفني ايي.... ووراها كان سالم.. ووقفوا عند الباب.. وكان حمدان يشوفهم..
سالم: حصوه ليش ما تسمعيني..
حصه: نعم شو تبا..
سالم: انزين انتي جيه جيه كارهتني.. عوذ بالله ماكل حلال ابوج انا..
حصه: يو هو انته مالك دخل فيني.. شله كله ترز بويهك وترمسني..
سالم: انزين شله تزاعجين.. احترمي نفسج..
حصه: يوم بتحترم نفسك انته اول ..
وسالم بليا حاسيه سطرها بذاك الكف تمت حصه امبهته ومب عارفه شو بتسوي .. حمدان اول ماشاف سالم يظربها على طول نزل من السياره وزخ سالم من كندورته..
حمدان: ايه شو عندك عليها.. مستقوي الا ع بنات..
سالم : ومنو تكون انته..
حصه: حمدان خله عنك..(وعيونها ممزوره دموووع..)
سالم: هيه ها اللي مخلنج كارهه اسمي..
حمدان: صدق ما تحشم..
سالم: فج كندورتيه احسلك..
وفها الوقت يطلعن البنات وتربع حصه صوبهن..
حصه وهيه تصيح: مريووم نوروه تعالن بسرعه.. حمدان وسالم يضاربون..
نوره: منو سالم..
مريم: ليييش شو مستوي ..(وتسير صوبهم وتحاول تفجج امبينهم هيه ونوره.. شما وفاطمه ين متأخرات شويه ومالحقن ع الضرابه..)
مريم: شو سالم.. بلاك.. وانته حمدان شو مستوي..
حمدان: تنشديه هو شو مسوي..
سالم: جب انته مالك حايه..
حصه: انته اللي جب..
حمدان: ولد عمتج ساطع اختج طراق.. والله جان ترضين انه يضربها انا مارضى عليها..
سالم: انا ولد عمتها انزين.. انته من تكون يدوبك ولد ييرانهم السابق..
مريم وهيه اطالع نوره ومب عارفه شو بتسوي .. ضرابه بين اثنينه عسب اختها! يالله يا حصوه شو مسويه بالخلق انتي..
مريم واونها معصبه: حصوه ذلفي البيت بسرعه..
حصه: والله عكيفه يضربني.. والله لخبر عليه ابويه..
مريم: حصه لا تكبرين السالفه.. واللي استوى توه محد بيدريبه فاهمه..
حمدان: هيه عشان وقت ما يحلاله ايي ويعطيها بكف..
نوره: جب حمدان انته مالك دخل..
حصه: انتن الصح مابتكونن وياه .. دومج مريوم جذه وكل يوم تحسسيني انج ماتحبيني (وركضت صوب بيتهم..)
حمدان: ماغلطت يوم سميتكن الشله الفاسده.. يلا ركبن ولا ترا والله بروح عنكن..
نوره: حسابك عقب انته..
شما: ركبي ركبي انتي..
مريم: اوقف مكانك سلوم.. (وسارت صوب سيارة قوم نوره.وتمت فاطمه موقفه ويا سالم وترمسه..)
مريم: حمدان.. الغالي السموحه منك..
حمدان: سيري استسمحي من حصه مب مني انا.. عقيتي عليها من غير ماتعرفين ليش ضربها.. انا الشاهد انه حصه ما مدت أيدها عليه والله انه هو اللي عيل عليها..مايستحي على ويهه يلحقها ويزاعج عليها..
نوره: هيه واخويه مخاوي شمه وقام يضارب عاد..
شما: شو بلاكن انتن مايرضى عليها هو هيهيهيهي..
نوره: شموه متفيجه تنكتين انتي.. الجو بروحه متكهرب..هيهي احم
مريم: والله انه رمستج انتي بعد فيها من التنكيت..
نوره: مب مستوعبه الفلم الهندي اللي استوا بعدني..
مريم: حصوه شاله شل عليه.. حمدان انته شو سمعتهم ع شو كانو يتهادون.؟
حمدان: حصه كانت ظاهره من البيت وهو لحقها واللي سمعته اونه هيه ليش ماتعطيه ويه قالتله يوم بتحترم نفسك فسطعها هو طرااق..
مريم: يعني قالتله شي..
حمدان: حطي عمرج فمكانها وحد يرمسج باسلوب تهديد شو بتردين عليه.. ليش كله تردين السبب عليها شو مسويه هيه.. هو كله منه..
شما: اووف يا الزوبعه اللي مستويه..
مريم: اقولكم انتوا توكلو الحين.. وانا بسير احل قضية الشرق الاوسط..
نوره: هه حليلج.. دومج الا تحلين وماجد حد حل عنج شي..
مريم: شو نسوي الراس العود هنه والام الحنون ع قولتهم.. يلا موافجين خير.. ومشكوور يا اخ حمدان..
حمدان: وصليلها سلامي..
نوره: ياا طارشي شل السلام ورده.. هاهاهاها
حمدان: بس بس عاد نكتت البايخه..
نوره: بباي مريوم..
وردت مريم عند سالم اللي كان يالس ع الدجه اللي حذال الباب.. وفطوم كانت واقفه جدامه..
مريم: وصلتلك المواصيل انك تظربها..انا مارضيت اهزأ فيك جدامهم .. بس ماكان عشميه فيك..
سالم: انزين هيه قهرتني..
مريم: وانته ليش اتذل عمرك ها الكثر الها.. تعرف انها ماتحبك خلاص اغسل ايدك..
سالم: شو يعني.. اونها تحب ها حمدانكن..
فاطمه: واويلي ويلاه.. شو تحب ما تحب بعد.. والله احسبكم واايد يهال..
مريم: انتي سكتي انتي..خل عنج عاد مسكته..
فاطمه: احم احم ماوصلنا انا نجاتل..
مريم: جب انزين.. بعد اعلني..
سالم: خالي ناصر ياي.. غيرن الموضوع..
مريم: غريبه ياي من وقت لز عن الباب بيدش البيت هو..
ودخل ناصر البيت وكان وياه احمد.. ويوم نزل احمد سار جدام البيت..
احمد: السلام عليكم..
الكل: وعليكم السلام..
احمد: بلاكم جيه.. بسم الله جنكم ظاهرين من قبور..
مريم: هبي هبيت..

سالم: انا بسير..
مريم: لا ما بسير تعال ويايه يلا..
احمد: جيه شو السالفه..
فاطمه تبتسم: ولا شي..
مريم تسحب سالم من ايده واسير بيتهم..
احمد: الدماني شو بلاهم..
فاطمه: هيهيهي مهاسه استوت يبوك..
احمد: يالله حر خلينا نسير داخل ..
فاطمه: لا برد البيت انا..
احمد: جب يلا تعالي ويايه..
فاطمه: يلا انزين طوف..
احمد: شو ها الكيس؟؟
فاطمه: ماشي.. ربيعتيه توها عاطتني اياه..
احمد: اها.. انزين شو المهاسه اللي استوت..
فاطمه: هاا.. امم .. ماشي حصوه وسلوم مجاتلين..
احمد: بس عيل تحريت السالفه خطيره.. الا لعبان يهال هو..
فاطمه: شدراني..
احمد: عجيبه ها الشدراني اتيبينها..(ويقبض ايدها وهم يمشون.. )
فاطمه: ادري..
احمد: بيب شي من السياره..
فاطمه سحبت ايدها منه وسبقته صوب سيارته.. حس انها تتهرب من الموقف ضحك فخاطره ولحقها..وركب موتره وتمت فاطمه واقفه وهيه ميوده الباب..
فاطمه: شو تبى انته..؟
احمد: ماشي ناسي بوكي ..
فاطمه : احمد شو ها .. شو معلق على الجامه.؟
احمد: هاي.. ماشي سلسله..
فاطمه: هات بشوفها..(وعطاها وهو يبتسم..) .. صورتك فيها..
احمد: هيه..
فاطمه: باخذها..
احمد: مشكله.. هديه من وحده من المزيونات..
فاطمه: احلف..
احمد: هاهاهاها مب لازم احلف..
فاطمه: برايه المهم باخذها..
احمد: ماتغارين..
فاطمه: جب..
احمد: انزين خليها ع رقبتج دوم عشان ماتنسيني..
فاطمه: جب..
احمد: مستقويه تراج..
فاطمه وهيه تشق الحلج: عشان ماتظربني نفس ما سوا سلوم بحصوه..
احمد: اخسي الا انا امد ايدي على بنتي اليهوله..
فاطمه: ممم يلا انزين انا بروح..
احمد: تمي انزين..
فاطمه: بسير . اكيد مريوم تترياني .. لاني ببات عندها ها اليومين..
احمد: جيه توديع ها الكثر..
فاطمه: جان ريت عاد.. يلا باي..
احمد: حافظنج الله..
وجلبت فطوم ويها ومعتدل سر صوب بيت عمها..
.... مريم اول مادشت البيت ويا سالم..زقرت حصه عشان سالم يعتذر منها.. اول شي سالم رفض انه يعتذر بس مريم تمت معصبه عليه صدق .. وحصه رفضت انها تنزل وموول ماكان لها خلق تشوفه وعقب اقناع من مريم نزلت وهيه عيونها مستويه قطعت دم من الصياح.. سالم يوم شافها حس بالندم وتم قافط وموخي براسه.. هو اعتذرلها بس حصه كبريائها فوق كل شي والنار اللي فداخلها بعدها مابردت.. زعجت على مريم وسالم .. وطردته من بيتهم وردت ركضان لحجرتها.. سالم حس بانه ضعيف ومنكسر وعلى طول طلع من البيت فنفس الوقت اللي دشت فيه فطوم..
فاطمه: شو استوا..
مريم: ماشي.. اعتذر من حصوه بس حصوه معنطزه ومحرجه..وراغته وسمعته شي من الزين..
فاطمه: خله يتأدب الهرم.. وين عايشين نحن .. بعده صغير وجيه الله يعينه يوم بيكبر..
مريم: بس سلوم طيوب فديته عمره ماغلط عليها .. هيه وايد تحقره فها اللي غصصبه..
فاطمه: شدراني فيهم.. ولا والعجيب انه حمدان اشتطط..
مريم: الله يعينا.. واحد ومتلعوزين وياه بعد ثاني..
فاطمه: هاهاها بيضحكون على عمارهم ها اليهالوه يوم بيكبرون..
مريم: مايحتاي تراج مسكته انتي.. بروحج هيمانه..
فاطمه: والله حبيبي ريال هب يهالوه نفس حمدان وسلوم..
مريم: عشتوا اطورنا حبيبي قمنا نسمع..
فاطمه: قومي انتي خلينا نسير فوق..
مريم: غامظتني حصوه..
فاطمه: جدامج باجر بطوله استسمحي منها.. بترضى عليج اكيد لانج بتروحين عنها عقب يومين..
مريم: هممم .. على الله يلا سرنا ..

ــــ وبالباجر الصبح.. نشت مريم من وقت وفطوم كانت بعدها راقده.. سارت صوب حجرة حصوه ودخلت.. لقتها راقده .. يالله كيف حصوه وهيه هاديه .. رقدتها مثل اليهال.. طاحت حذالها وتمت تمسح على شعرها وتلعب بقصتها وباستها على خدها ورقدت وهيه حاطه اديها فايد حصه..
عقب مده قامت حصوه حست بشخص حذالها ويوم طالعت لانها مريوم.. ضحكت بقو.. حتى انه مريم قامت..
مريم: شو فيج..
حصه: ايه الخديه شو مرقدنج عندي..
مريم: حرام اتوله على اختيه ..
حصه وهيه تذكر الامس: هيه حرام..
مريم وهيه تفرك عيونها: بسم الله توج شحلاتج.. (وتفرها بالمخده) خلاص حصوه .. كنت اسوي وياج سوالف.. خليني ارقد حجرتج حلوه ..
حصه تبتسم: انزين.. وقامت ولحفت اختها ودشت الحمام تتغسل..
مريم كانت تحس بفرحه كبيره بداخلها.. فرحتها كانت من اجل حصوه اختها.. دمعت عينها وهيه طايحه ماتدري من اشوه .. عشان حصه ولا عشان عمرها .. عشان سالم.. ولاعشان حبيبها.. لا يمكن عشان فطوم واحمد! دمووع مريم ها الايام تنذرف لحال الكل ولحالها اللي كل يوم ويصعب عليها..
--------------------------------------------------------
ــــــ يوم الجمعة الظهر في حجرة مريم كانت فطوم يالسه على الكمبيوتر واطالع الفلوبيات اللي فالكيس اللي عطته اياه شموه يوم الاربعا لانه بالامس ماتفيجت اطالعن بسبب الربشه اللي عندهم...فطوم تمت امبققه اعيونها وهيه تقرى ..
فاطمه: مريوم تعالي تعالي..
مريم: تشوفيني ارتب الشنطه..
فاطمه: ياها الشنطه اللي من متى وانتي وياها.. تعالي بسرعه شي خطير..
مريم: انزين.. ها شو..
فاطمه: انتي اقري ويايه..
مريم: شو ها .. محادثات انا اشوف..
فاطمه: هيه.. بين شما واحمدوه..
مريم معقده الحيات: منو هاذيل..
فاطمه: يعلج يا الخديه.. احمد ولد عموه وشموه
مريم: وين لقته هيه..
فاطمه: وين بعد بتلقاه.. اقري اقري انتي..
مريم: بايخين شو يخورطون هنه..
فاطمه: خلنا نقرى المحادثه الثانيه..
مريم: فجيها انزين..
وتمن يقرن كل الرمسه اللي قالها احمد لشما هاذيج الايام.. وشافن البطايق اللي كان مسونهن لفطوم والفلاشات..
مريم: عااااش ولد عمووه.. يتفنتك فالبطايق.. لا وكله لعيون الدماني كاتب..
فاطمه: تروومين انتي.. البزيا شموه تشوفني من قبل كيف متحرقصه ولا تقولي ها العلوم كلها..
مريم: هب هينه اسميها.. واحمدوه امره مشخله يخبر كل حد..يعني لو لعبتي عليه من قبل عادي يقولج انه يحبج..
فاطمه: لاااا اصلن بيعرفني من اسلوبي..
مريم: لا اله الا الله..
فاطمه: هيه والله صدق .. كم مره جربت ارمسه عساس اني وحده تبا تتعرف عليه اخر شي يكشفني..
مريم: هييه.. انزين هيه اميلها ايميله؟
فاطمه: مادري وين يابته.. امم هييييه تعالي يوم سويتلها انفايت يمكن..
مريم: اونه.. بس صراحه عجيبه شموه .. اونه مسويه عمرها حرمه عوده..
فاطمه : وانا اقول ليش الفرخه اتصر على انه يحبني.. ولاله لو سمعتيها كيف تأكد لي..
مريم: مب من شي..
فاطمه: ياويلي عليه ..تعرفين بنغزه عن سالفة البطايق هاي..
مريم: تخبلتي انتي.. ناسيه الخطه..
فاطمه: أي خطه..
مريم: مايكوووون خربتييها؟؟
فاطمه موخيه وفداخلها بتموت من الضحك على شكل مريم..
مريم : حووه ارمسج..
فاطمه: شوو انزين..
مريم: والله اني حاسه انه شي مستوي..
فاطمه وهيه تقوم من على الكرسي وتسير صوب البلكونه.....
مريم: فطوم شوو السالفه..
فاطمه: مريوم بصراحه من متى ابا اقولج بس الوقت مايسمح ..
مريم: شو انزين ..
فاطمه: مم رمست احمد وخبرته بكل شي وخبرني بكل شي ..
مريم: لاتقولين..
فاطمه: والله..
مريم: يا الكبشه متى هاا؟ (وهيه معصبه)
فاطمه: من .. من اسبوع تقريبا..
مريم: ياا سلام عليج والحينه يايه تقوليلي.. بعد ليش تخبريني انتي.. عادي الا مريم انا.. مب لازم تقوليلي اصلن..
فاطمه: مريوم عاد.. استوى اللي استوى وخلاص..
مريم: واللي يقهر اكثر اني متحمله وياج طول ها المده والحينه اتسيرين ترمسينه ومن غير حتا ماتقوليلي..
فاطمه: والله غصبن عني.. مارمت ايود اكثر.. كان مطرشلي ايميل وحسيت صدق اني مقصره فحقه والله قلبي ما طاوعني اني ابعد عنه اكثر ماقدرت مريوم.. دقيتله وفهمته موقفيه ..
مريم بعد ماهدت شويه: وقالج انه يحبج..
فاطمه: هيه قالي وقلتله انا بعد شكثر احبه ومستحيل فيوم انه يموت ها الحب..
ويقطع ها الحديث دشة حصوه ..
حصه: بسم الله شو بلاكن..
مريم وفاطمه تمن ساكتات..
حصه: اها ماتبني ايلس وياكن...
مريم: لا حصوه عادي ..
حصه: اصلن امبوني مب يايه ايلس بس ابغي اكسسوارات بدلتيه الجنز مب عندج مريوم؟..
مريم: مادري طالعي في التواليت.. انزين على وين ناويه.؟
حصه: بسير بيت قوم شيخوه..
مريم: لاوالله.. شمعنى اليوم .. ماتعرفين يعني اني بفارج باجر ..
حصه: انزين انا ما بتأخر بيي ع العشى.. شيخوه ملزمه اييهم اونها بروحها فالبيت تامه وتباني ايي..
مريم: هيه.. متى بسيرين؟
حصه: العصر..يلا باي.. (وهيه تطلع.) ايه لاتضاربن وايد ترا كل وحده مابتشوف الثانيه اسبوعين..
مريم : جب حصوه و يلا اوت..
حصه: توه عادي.. يلا باي..
مريم: باي..
فاطمه: اتصافيتن..
مريم: الحمدلله..
فاطمه: انزين..
مريم ردت ترتب الشنطه وهيه ساكته.....
فاطمه: بلاج مريوم..
مريم: ولا شي..
فاطمه: زعلتي؟
مريم تبتسم: تحيديني ازعل..
فاطمه: فديت بنت عمي.. تبيني اساعدج..
مريم: هيه والله تعالي سكري ويايه الشنطه ما رمتلها..
فاطمه: مازرتنا يبوج لازم ما بتصك..

ـــــــــــ فليل الكل يا بيت قوم مريم .. تموا رابشين هناك وها كله توديع لمريم وروحوا على الساعه تسع .. بس تمت مريم وفاطمه وموزه يالسات على دجة الميلس فالسكه اللي تفصل عن بيت الشواب .. وطبعا موزه تقدم النصائح والوعظ لمريم وتخبرها عن الجامعه وعن البنات وانه عليها تحذر فتعاملها .. وشويه يا ناصر والشباب وياه كانوا رادين من العزبه ويوم انتبهوا للبنات ساروا صوبهن وتموا موقفين ..
ناصر: يلا مريوم سيري ارقدي باجر بتغبشين من الفير..
مريم: يالله شو رقاده عمي.. اصلن من الحفز ما برقد..
احمد: هاهاها شو حفزه بعد .. الا هيه الجامعه عادي..
مريم: انته شعليك تسير وترد بيت ابوك.. انا بتم هناك بروحي..
علي: حليلج يا بنت عمي.. يلا انا عقب اسبوعين عيل سفرتيه..
مريم: علوه لاتسافر وانا محد.. بنسويلك بعد انته حفلة وداع..
عبيد: متى بتسير انته؟
علي: نفس ها اليوم عقب اسبوعين..
مريم: اشوا بكون راده عيل انا..
ناصر: ييه يا الدنيا .. وحده بتنفر العين والثاني مصر.. حليلكم عيال اخواني بتتشتتون..
موزه: يالله ماعليهم شر انشالله..
ناصر: زين عيل..انا تعبان بقوم اسير عنكم.. يلا موزه..
موزه: انشالله.. (وطبعا سلموا على مريم وروحوا...وعقبهم بعد دخل احمد البيت ووياه سالم اخوه) وتموا الباجين برع..
مريم واطالع ساعتها: حصوه لين احينه مايت..
فاطمه: هيه اندوكم .. منو بييبها؟
عبيد: جيه وين سارت هيه؟
فاطمه: بيت قوم خالي..
علي: اسير اييبها؟
مريم: مادري بس اكيد طرشولها الدريول..
علي: سيرن طالعن عمتيه اذ محد سارلها بنسير نحن انيبها..
مريم: جيه نسير بعد بندقلها تيلفون..(عاد اونها اطلع التيلفون جدامهم ..)
عبيد: ويه متى طلعولج..
علي: فجوا روسهن عاد احينه..
وعقب ما بندت مريم عن امها..
علي: ها شو قالت؟
مريم: مادري تقول طلعت جد .. دقت حصوه لامايه وقالتلها لا اطرش حد..
علي: هيه يمكن دريولهم بييبها..
عبيد: هاتي تيلفونج مريوم.. بشوفه..
وعطته وتم قابض تيلفونه وتيلفونها ويعابل فشي..
علي: شو تسوي انته..
عبيد: ها اندووج .. شرايج..
مريم وهيه اطالع التيلفون: وعع شو محطي خلفيته.. منو ها..
عبيد ويشق الحلج: ها انا.. ويلج ان غيرتيها..
علي: ماالت عليك.. خاق بعمره هذا.. ساد البارحه..
عبيد ويعتفس ويهه: سكت سكت انزين..
فاطمه: لالا قول..
علي: هاهاها الحبيب يتحرى عمره الوحيد اللي يطيح البنات..
عبيد: ويلك علوه..
مريم: قول يلا ..
علي وهو يشوف عبيد حليله غمظاه قال : ماشي امسات مرقمله وحده وفساعتها دقت .. ذابت وحليلها من جماله..
مريم: لاوالله.. يرقم بعد.. وهاي البنت ماوحالها فريت الرقم ودقتلك..
عبيد: جيه ثرنا بنراكض نحن ورا بنات حشام.. هاي خطفت جدمنا شفناها لقينه ورقمناها..
فاطمه: هيه صيد سهل عيل ها..
عبيد: بس بس انزين فكونا ..
مريم : الله يعافينا ويستر علينا انشالله.. بس حليله ولد عموه مافيه حيله.. نقول مقبول للمدح..
فاطمه: هاهاهاها ماظني..
عبيد: اصلن كل شي فيني ينمدح..ودكن عليه..
علي: اييه خف خقك اشويه.. والله اني احلى عنك عيل.. مريوم كم رقمج بطرشلج صورتيه وانتي قارني منو الاحلى..
مريم: اوكيك..
وطرشها...
علي: ها منو الاحلى بالذمه..
مريم: ولا واحد فيكم .. هيهيهيهي
فاطمه: انتو الاثنينه يسكتكم سعيد ولد خالي.. احسلكم طبوا حلوجكم..
مريم هنه شرقت وتمت اتساعل..
فاطمه: حلااال حلال.. تبيني ادحج..(وادحها)
علي: والخيبه طاحت يامعتها..
وشويه يت سياره صوبهم ووقفت بيت بومحمد ..
علي: اوه ها سعود.. (وسار صوبه وعلى طول نزله الدريشه)
علي: مرحبا الساع..ها شو عندك..
سعيد: مرحب باجي..ماشي يايب بنت عمك..
حصه وهيه تنزل: شيخوه قوليله يوقف بسير اييبلج القشار..
سعيد: شو بعد بتيبيلها.. مابنخلص اليوم..
حصه: انته لاتروح.. (وتركض بيتهم..)
.. عبيد يزاعج وهو جدام الميلس : الله حاايه بو عسكووور..
سعيد : اوه الخقاق.. شو موقفنك هناك..
. مريم تمت متيبسه مكانها وميوده بايد فطوم .. سعيد فبادي الامر ما نتبه لوجود البنات لكنه عقب شافهن لانه تقريبا كانت منوره البقعه بالليتات..
علي: وينك يا ريال اليوم.. جيه ماييت الميلس..
سعيد: قريت مكان انا اليوم.. الا سير الدختر ورد البيت وسير الجمعيه ورد الدختر..
علي: شله الدختر بعد..
سعيد: اختيه مربي تراها..
علي: هيه ماشالله وشو يابت..
سعيد: ولد وسموه عليه هاهاها..
علي: يتربى فعزكم انشالله...
سعيد: وينها حصوه.. اخرتنا..
علي : صبر بطالعها.. (ووقف عند الباب وتم يزاقرها..)
فالصوب الثاني كانت مريم منكسه الراس تقول عندها حداد .. فطوم عادي عندها وداقه سوالف ويا عبيد و عينها تفتر شويه على مريم بس مابينت استغرابها جدام عبيد من حال مريم.. فخاطرها تضحك عليها يالله عاد اونها تستحي من سعيد من متى ها.. تحيدها ماتواطنه قبل والحينه تتلوم منه!! بس حطت فبالها ترمسها عن الموضوع.. سعيد تم يطالع صوبهم من روح عنه علي.. وتم يرمسه عبيد من بعيد وعاده يالله يا سعيد شقى كان مستظرف دمه لابعد الحدود بس عشان مريم تسمعه.. وعقب يت حصوه وعطت شيخوه الكيس وسارت عند البنات..
سعيد: يالله عيل.. فداعة الله..
علي: الله يحفظكم..
وشوح سعيد بالسياره وخطف من جدام البنات وين كانن يالسات ..
عبيد: لا ويقولي انا الخقاق..
علي: هاهاها تلقاه يبى يغايضك..
مريم واخيرا ترفع الراس: حصوه شو كنتي سايره اتيبين؟
حصه: ماشي انا شاريه لشيخوه قميص وقطع للمدرسه ..
فاطمه: جيه بطقمن؟
حصه: هييه.. (وتضحك..) .. اونا حليلنا بنسير مدرسه يديده..
علي: اوه تعالوا.. الحينه بتكونين فمدرسة فطوم
حصه: يب..
عبيد: جيه صف كم انتي؟
حصه: بسير اول ثنوي..
عبيد: لاوالله.. تنكتين..
علي: هاهاهاها صدق بسير اول..
عبيد: يالله عبالي اول اعدادي بسيرين..
حصه: افففف شو ها الحاله..
فاطمه: شعليج مفتكه والله .. محد بيقولج البسي العباه..ولا حد بيقولج اتغشي..
مريم: طاع تفكيرها هاي..
علي: يالله ابطينا برع.. كل وحده بيتها يلا..
مريم: يلا بعدنا .. ضارين نيلس خاري لين الساعه 12 ..
عبيد: يحيكم الدنيا امان عندكم هنه..
فاطمه: هيه والله ..
علي: انزين بسكن الساعه 11 بتي احينه.. انا بسير ارقد.. يلا مريوم فداعة الله.. (ويمد ايده)
مريم توقف وتمد ايدها له: مع السلامه..
عبيد: يلا انا بعد بسير.. باي..
مريم: باي..
علي: يلا فطوم ..
فاطمه: ببات بيت عمي..
وعقب ردن البنات داخل وتيلسن فحجرة مريم وعلى سوالف وعلى ضحك وتنكيت وتخبرهن حصوه شو سوت وكل اشويه فطوم ترمس عن سعيد وهيه اطالع مريوم ومن ينقال اسمه لقتها امويمه .. استنكرت فطوم الحال ودارت فبالها الاحداث واسترجعت الوقائع وحست فيه شي مب طبيعي ولازم تعرفه ولوجود حصوه وياهن مارامت تخبر مريم عن اللي حستبه هيه .... وفالاخير رقدن البنات من بعد حفلة الوداع اللي كانن مسوياتنها ومن بعد ماعقن كم دميعه على مريوم..

ـــــ بالباجر الصبح طلعوا قوم مريم وامها وكانت سايره وياهن خالت مريوم لانها خريجه من جامعة العين وتعرف لسوالف تسكين الطالبات .. وكان مودنهن الدريول.. واول ماوصلن تمت مريم امبهته وهيه تشوف البنات وخلق الله شكثرهم .. تمت مشبصه بامها وخالتها تراكض عند المدامات عشان ايسكنن مريوم فحجره .. وعقب ما هدى الوضع ولقوا لمريم غرفه طبعن ويا غيرها من البنات طلعن امها وخالتها عشان يردن راس الخيمه بس مريم ماطاعت تفج عنهن واتصيح صيااح .. وحليلها تمت مستقطعه ..
ام محمد: يلا الريم بسج عاد.. هاكن ربعج مال المدرسه وياج..
مريم: لا تروحوون عني..
عليا: مرايم يلا حبيبتي سيري تعرفي ع بنات حجرتج تمي وياهن ..
مريم: خالوه ماابا.. ابا ارد وياكم..
عليا: شو ها الرمسه بعد.. من اول يوم .. وين مريم القويه اللي اهم شي عندها الدراسه والشهاده..
ام محمد: يلا بنتي الله يبارجلي فيج.. سيري داخل..
عليا: يلا مريوم بنروح .. وليدي عاقتنه ع تجلى البشكاره اخافه يصيح.. يدوبنا نوصل الضهر..
ولوت مريم على امها والام تحاول تهدي فيها .. وخطفت ها الوقت حذالهن وحده من ربع مريم مال المدرسه وكانت اكبر عنهن بسنه ويايه ويا اختها هيه بعد عشان التسكين وقالت بتم وياهن ها الاسبوع.. فوقفت اسلم عليها..
ميثا: وييه مريووم..
مريم وهيه تشوف اللي يزقرها: ميثوه..
(واتسلم على ام محمد واختها ومريوم..) ميثا: ابييه ليش ها الصياح كله..

عليا: من قلنا بنروح فجت المناحه..
ميثا: يلا مريوم عن الدلع.. خلاص خالوه توكلو انتو.. بنتكم فايدي امينه احم احم
ام محمد وهيه تفجج من بنتها: تسلمين الغاليه.. خلاص عيل .. اهتمن لعماركن .. فمان الكريم..
مريم: مع السلامه.. سلمي على الكل امايه..
ميثا: وحليلها امج ليش اصيحين جدامها قلبها عورها عليج ..
مريم: يعلني ماخلا منها.. والله مب ضاريه على بعدهم..
ميثا: خلاص مريوم مشي دموعج يلا.. وخليني اعرفج ع البنات واراويج المقام..
مريم: ومتى بيودونا الكليه؟
ميثا: باجر .. هم بيمعونكن وبيسولكن ارشاد ..
مريم: اها..
وعقب سارت مريوم ويا ميثا وكانت طول الفتره محافظه على هدوءها وها الشي هيه بروحها استغربت منه .. مع انها دومها تربش وتسولف .. بس جنه غياب نوره عنها هو اللي يخليها هاديه!!
ــــــــ فراس الخيمه وعقب ماقامن حصوه وفطوم من رقادهن تمن مضايجات وخصه فطوم لانهن مخططات ايسيرن ويا قوم مريم العين بس مخططاتهن فشلت .. تمت فطوم يالسه ويا عيال عمها وتغدت وياهم وعلى العصر ردت البيت.. وقبضت التيلفون وطاحت هزااب لشموه على حركتها ويا احمد.. نوره تسير وترد على شما وتلقاها بعدها قابضه التيلفون..
نوره: شموه بسج بندي التيلفون..
شما: شو تبينه انزين انتي..
نوره: بندي ابا ادق لمريوم..
شما: فطوم مرمستنها الضهر وتقول مافيها الا كل خير..
نوره: انزين انا ابا ارمسها ماتفهمين..
شما: انزين انزين حشى.. فطوم بخليج بندق لمريوم.. (وبندت عن فطوم)
نوره: اخيرا..
شما: عاده اعطيني برمسها اول.. ادريبج بطولين..
نوره: جب .. قومي عني ..(وادق لمريم..)
شما: جيه ماترد؟
نوره: وين عن تيلفونها هيه... ماترد..(وردت.)
مريم: هلا ..
نوره: مرحبااا والله ..
مريم: مرحبتيين غناتي..
نوره: شحالج مريوم.. شخبارج؟
مريم: بخير وسهاله.. شحالكم انتو..
نوره: يسرج الحال.. ها مريوم شو الاجوااء..
مريم: منعشه بالعطورات ومسفره بوجوه الفتيات .. هاهاها
نوره: عااشت.. حد وياج تعرفينه؟
مريم: المستجدات كلهن ويا بعض.. نص بناتنا فمبنايه ..
نوره: يعني ويااج..
مريم: هيه .. فالمبنى نفسه .. قوم اموون الزعابي وشلتها .. وعواش واختها ميثوه ويايه ..
نوره: هيه الربشه كلها عيل..
مريم: تصدقين ولا ربشت وياهن وجني ماعرفهن كله يالسه ومنطمه..
نوره: فديت قلبج .. شعنه انزين.. فرفشي وياهن لاتمين مستقطعه..
مريم: مم مادري.. بعدني مب متعوده.. نووروه مب متعوده اتم برووحي بلياج..
نوره: هاهاها بررروحي ها.. غناتي تعودي .. وانشالله من اعرس كل يوم والثاني بنطل عليج فالجامعه..
مريم: منيه والدرب هو.. يبالج تصريح عشان اتزوريني..
نوره: عادي العميد خليفه النعيمي مابيقصر وبيطلعلنا التصريح.. ومب الا زياره بعد بنطلعج ويانا.. (تقصد بو مريم..)
مريم: ياحافظ عليج..ابويه مابخليني اطلع وياكم.. يلا انتي عرسي اول..
نوره: ويه بطني عورني..
مريم: هاهاها باقلج ثلاث شهور..
نوره: ونص..
مريم: خيبه مب طايعه ها الاشهر تخطف..
نوره: مستعيله عليه.. وياراسج..
.. ويت عواش ها الوقت..
عواش: ها مريوم منو ترمسين..
مريم: توقعي منو..
عواش: اكييد نوره..
مريم: هاهاها هيه نوره..
عواش: هاتي بسلم عليها..
وزخت التيلفون وسولفت ويا نوره شويه وفتنت على مريوم وعاده نوره نفخت الريش من قالولها انه مريم مستوحده بدونج.. وعقب سكرن عنها وسحبت عواش مريوم وياها عشان شويه تختلط بالجماعه وماتم كله بروحها..

ـــــ عقب اسبوعين ـــــــ
في بيت بو علي.. يا دور الحفزه ها المره لعلي.. تم محتشر فاول الموضوع وتزهيب اوراق وجوازات وطلب الالتحاق للجامعه .. واتصالات ويا محمد ماتوقف وكم مره تلاقى وياه فدبي وتعرف عليه اكثر وتحدد سفرهم يوم الخميس أي بالباجر العصر..
كان علي العصر يالس ويا ابوه فالصاله ويسولفون عن السفر والجامعه .. وبدت مواضيع شويه من السيريس فيها..
بوعلي : انزين ابوويه شو قلت؟
علي : لا بوويه شو تحيرولي مريم.. والله غلاتها من غلات فطوم .. مافكر فها الشي مول..وانا بعدني على ها السوالف توني مكمل ال 18..
بوعلي: انزين مب مشكله نحن ماقلنا الحينه بنيوزك ..ادري انه جدامك الدراسه بس بعد ياولدي بنات عمك كبرن ودام نحن ماحيارنا وحده منهن بيونهن العرب..
علي: انزين بالعقل ابويه انته بتحيرلي اياها وبتقطع نصيبها واخر شي انا ما اخذها..
بوعلي: وليش ماتاخذها.. شو ناقصنها بنت عمك.. الف من يتمناها..
علي: ادري والله بس مريوم غير.. ابويه انا رابي وياها كيف تباني اخذها .. ع الاقل حصه قول يمكن افكر فها الشي..
بو علي وهو مستصيغ الفكره: انزين مافرقت المهم عندي تاخذ وحده من بنات عمك.. وخلاص يوم طلعت من لسانك ..
علي وهو معتفس: انزين حصوه صغيره ..
بوعلي: لا صغيره ولا شي وانته جدامك كم سنه تدرس فيها .. وها السنين يغيرن فالناس وانا بوك..
علي: خلاص يابويه اللي تشوفه سوه ..
بوعلي: يا علي انا ماقصدت اتحكم فيك.. بس بعد الناس بترمس .. بيقولون عنده بنت عمه وشعنه مابغاها..
علي: لاوالله يا بويه.. انا راضي بكل شي تسويه.. وادريبك مصلحتيه عندك اهم شي..
وشويه دشت عليهم فطوم اللي كان باين عليها شوية توتر.. يلست وياهم شويه وعقب روحت بيت عمها عشان تستقبل الريم ... اللي ردت فها اليوم وهيه بتموووت من الشوووق لديارها واهلها واحبابها..ويابها ابوها من موقف الباصات واستوت اليللا فبيتهم والكل مستانس على ييتها..

ــــــــــ وبالباجر الضهر بدت مناحه يديده ها المره .. تمت ام علي تصييح على ولدها وام محمد ما تحملت الموقف وعاونت ربيعتها فالصياح.. كذلك البنات قمضهن علي وتمن حزنانات .. يعني بالمختصر جنهن فعزى.. علي ابتلش بمنو بيسكت سار عند امه زادت فصياحها وعند عمته وزيد هيه بعد.. وسار عن البنات..
علي: مريوم فطوم .. لحقن على الحريم .. شوها جان بيتمن يصيحن ما بسير..
فاطمه: احسن انزين لاتسير شو دور اتسير.. ادرس هنه..
حصه: والله علي احسلك هنه.. شو تبابهم المصاروه..
فاطمه اطالع حصه وتبتسم.....
علي: ياااي اول مره احس اني مهم..
مريم: حليلك يا علوه الحينه منو بيودينا وبيردبنا..
علي: شو نسوي عاده.. خلاص طيارتنا الساعه خمس..
مريم: منو بيوديك لين المطار؟
علي: سعيد ولد خالي..
مريم: اهاا..
وبعد النقاشات والمداولات والتوديع الحار روح علي متوجه للمطار .. فلحظة ضعف منه فكر بانه يتخلى عن ها الفكره .. لكنه بعدين خلاص اقنع نفسه انه عليه الدراسه والاجتهاد وانه اييب الشهاده اللي بتخلي ابوه يفتخر به.
وهو في طريقه للمطار .. كانوا داقين سوالف هو وسعيد .. وكل ما يسكتون اتم الافكار اتودي علي واتيبه لين وصلته اخر شي لشما.. خلااص يا شما كل شي انتهى مع انه بعده ما بدى.. فيه واقع يحول بينهم وعلي كان محطي ها الواقع جدامه وماحاول انه يتخطاه او يتحداه.. كان راضي بنصيبه ومقتنع بكلام ابوه لانه مايبى اهله يختلفون بسبته.. وها الشي اللي ماخلاه يحب شما ذاك الحب.. ظلت معزتها فقلبه مثل معزة الاخت على الرغم من حب الطفوله اللي كان امبينهم بس بيظل حب يهال! .. علي فخاطره..( اه يا شما .. اسمحيلي ع تقصيري وياج .. ولو ماجمعنا الحب بتم الذكرى الحلوه امبينا.. (ويبتسم) .. محد بيأذيج الحينه يوم بدقين..هه ) ..

سعيد: ها شو عندك سرحت..
علي: لا ماشي ..
سعيد: ييها .. منو كان يقول انه بنتفارج..
علي: ارادة ربك..
سعيد: حليلنا امبونا بنسير وبنرد ويا بعض ..
علي: كل شي فيه خير دام من الله..
سعيد: ونعم بالله..الا اقول علوه هب تعشقلنا مصريه واتيبها وياك عاد..
علي: هاهاها جيه خبل.. تبى الخطيبه تزعل..
سعيد وبدت ملامحه تتغير: لاولله.. متى خطبت..
علي: ماشي سوالف ويا شيبتنا ..
سعيد: جيه منو يبغيلك؟
علي: منو يعني.. بنت عمي..
سعيد وهو منفعل: مايكون وافقته..
علي: هيه يعني شو بقوله مابا بنت اخوك.. وبعدين بعده جدامي وقت ومافي سبب عشان ارفضها وانا خوك..
سعيد تم ساكت وهو فدنيا ثاانيه.. يالله ها اللي كان متخوف منه وعاملله الف حساب .. لها السبب كان يبى ينسى شعوره تجاه مريم بس ماقدر .. معقوله بيتحمل فكرة انه مريم مستحيل تكون له فيوم من الايام.. ليش كل من نحبه مانحصله.. ليش الدنيا جذه.. كان ها كل تفكيره وماحب يتعمق فالموضوع اكثر .. علي يوم رمس بها السالفه ردت فباله حصوه بنت عمه .. الحينه خلاص سنه كامله ما بيشوفها.. معقوله بتتغير فيها حصه .. اكيد بيتغير تفكيرها من تعرف السالفه.. بدى قلبه يرتاح من ناحية الموضوع وبدى فكل شي يفكر فيه يربطه بحصه .. حصه اللي مايعرف شو فداخلها واللي مايعرف شو شخصيتها اللهم ماهي مشهوره بيه الدلع وبعض التعالي..

ــــــ وبدى عام دراسي يديد لكل الطلاب.. سواء طلاب الجامعات ولا طلاب المدارس.. وبدى الكل يتأقلم ويا وضعه اليديد.. مريم فالجامعه.. نوره فالبيت.. شما فالعلمي وفطوم فالأدبي وحصوه بدت اداوم فمدرسه ثانوية ويا قوم فطوم.. احمد بدى سنة ماقبل تخرجه .. سعيد رد لدوامه فالشرطه ومابقاله هو بعد غير سنتين وبيتخرج منها وهو مازال متألم من فكرة حبه المستحيل.. علي بدى دوامه فجامعته وكان ساكن فشقه ويا محمد الجتبي ولد عمة مصبح ربيعهم..

ـــ في المدرسه الصبح...
ها المره كانت فطوم وشموه ميلسات بروحهن يسولفن بكل هدوء .. يحسن بنقص فضييع وملل افضع بدون مريوم ونوروه.. شما من بدت المدارس وهيه والله انها .. وخصوصا ها الايام تحس بكبت وضغط شديد..
فاطمه: انزين شموه يمكن انتي مب مرتاحه لصفج ولا شي؟
شما: ماعرف فطوم.. والله حتى الكتب ما ازخهن.. احس اني عفت العلمي..
فاطمه: يالله تونا نقول يا هادي ماكملنا اسبوعين..
شما: ماعرف فطوم ..
ورن جرس الفسحه....
فاطمه: منو عليكم؟
شما: ماعرف..
فاطمه: انا بسير شكل الابله طلعت.. يلا بباي..
شما: باي..
وتمت شموه يالسه ومالها بارض تقوم وتسير الصف.. خطرت فبالها فكره فسارت على طول عند الاخصائيه ورمستها فالسالفه.. وطبعا الاخصائيه مالها حق انها ترفض دام ها الشي هو قرار شما وهو اللي بيريحها..
.....
فصف فطوم.. اندق الباب.. ودخلت شمووه ويا الاخصائيه..
الاخصائيه: السلام عليكم..
الابله: وعليكم السلام والرحمه..
الاخصائيه: معلش يا ابله .. بس شما بتدرس وياكم لانها حبت تنتقل للأدبي ..
الابله: اها.. تفضلي شما..
فاطمه تمت امبحلقه بعيونها كيف شمووه تنتقل؟؟ متى فكرت فها السالفه وليش ماقالتلها.. ؟؟ وقامت اتيبلها كرسي وخلتها تييلس حذالها ..
شما: يلا هاتولي كتب..

فاطمه: مستعيله ع الشقى..
الابله: اهلا وسهلا فيكي يا شما..وانتبهي لها الدرس لانه بسيط والدروس اللي فاتتكي تعاليلي علشان اشرحها الكي..
شما تبتسم: انشالله ابله..
الابله: ايه حبيباتي.. بطلوا ع التمارين وحلولي السؤال التاني..
وفي الفرصه استلمت فطوم شما ونازعتها عشانها انتقلت لانه مستوى شما اوكي وتروم للعلمي بس فهمتها شما انها صدق ماكانت مرتاحه ..
فاطمه: هيه والحينه مرتاحه لانج ويايه هاا..
شما: ليش لا..
فاطمه: عبيطه انتي.. بنفعج تراني انا عقب..
شما: اكيد بتنفعيني..
فاطمه: يلا ماعلينا.. المهم انج افتكيتي من الهم ..
شما: اقوول فطوم شخباره علي..
فاطمه: الحمدلله.. امس داقلنا..(وفخاطرها.. مابتنسينه يعني..)
شما: حليله..
فاطمه: شموه خلينا نسير صوب قوم حصوه..
شما: مابا صفوفهم حشره..
فاطمه: انزين بنسحبها وبني هنه..
شما: اووكي.. سرنا..

ـــــــ بعد مرور ثلاث اشهر تقريبا ــــ
كل شي تم على حاله.. وكل شخص على حاله .. اللهم نوره .. اللي كانت متوتره واايد بسبة العرس لانه خلاص مابقالها الا شهر واحد واقل بعد عن عرسها.. سالم الدنيا مب شايلتنه من الوناسه لانه خلال ها الشهر بيخلص جامعته وعلى اخره بيعرس .. بدال الفرحه فرحتين عنده..
فناهية الاسبوع سارت نوره ويا بنات خالتها دبي عشان اتشوف شو حل بفستان عرسها..
وفذك اليوم بالتحديد حصل شي ماكان متوقع... رد بو حمدان البيت العصر وهو باله مشغول وخلقه ضايق.. يلس فالصاله ويته ام حمدان.. استغربت ليش ياي من وقت..
ام حمدان: خير يا بوحمدان.. شو مستوي..
بوحمدان : سالم بن سعيد يا شيخه..
ام حمدان وهيه مخضوضه من لهجة ريلها: شو فيه..
بوحمدان: مسوي حادث..
ام حمدان: لاحول ولا قوه متى هاا؟
بوحمدان: من ساعه تقريبا... توني كنت داق لسعيد وخبرني بالسالفه..
ام حمدان: وشو حاله الحينه..
بوحمدان: والله مادري سعيد ماقدر يقولي شي.. بس حالته خطيره الولد..
وهم يرمسون مانتبهوا لوجودها .. كانت راده من دبي توها ومحمله فايدها الاكياس .. ماسمعوا الى صوت الاكياس وهيه اطيح وصوت تكسير .. تمت تمشي صوبهم.. واطالع امها وابوها باستنكار وعيونها متوسعه ع الاخر.. رمست وهيه مب مصدقه اللي ينقال... مب متخيله ها الرمسه اللي سمعتها..
نوره: جذب ابوويه.. من قالك.. يقصون عليك ..
ام حمدان: تعالي امايه يلسي ..
نوره: امايه قبل شويه كنت ارمسه ومافيه الا العافيه.. ليش الناس يجذبون..
بو حمدان ماستحمل موقف نوره.. كانت صدق مب مستوعبه شي.. كأنها مخدره .. تمشي وهيه اطالعهم تجدم عند امها وترد عند ابوها.. تبى تقنعهم بس انها رمسته وكان بخير.. تبى تقنعهم انه ماسوى حادث.. تبى تقنعهم من عدم صحة ها الخبر.. بس من ويوهم بدت تشك فالادله اللي كانت تبى تقنعهم ابها.. بدت ضربات قلبها تزداد.. ودموعها يطيحن على خدينها.. حست بوهن وضعف قبضت راسها ويلست على الارض..
ام حمدان وهيه مب مستحمله اللي تشوفه : يا نوره قومي استهدي بالله.. انشالله بيكون بخير..
نوره تصرخ وهيه تصيح: اماايه .. توكم تقوولون حالته خطيره.. خطييره.. يا ربي لييش.. ليش ساالم بالذات..
بو حمدان: بس غناتي .. لاتقطعين قلوبنا..(ومد ايده يبى يقومها وضمها لصدره..)
نوره: ابويه ودني عنده.. ابوويه الله يخليك.. اذ تحبني ودني له..اباا اشووفه.. ابا اقووله لا يخليني ويروح .. انا بموت من بعده ما بتم عاايشه.. ودوووني دخيلكم..
بو حمدان وهو يطالع حرمته...

ام حمدان: ودها يا حمد.. ما بيهدى بالها الا اذا شافته..
.. وعلى اثر ها الدربكه كلها.. خوان نوره كلهم يوا عندهم.. شما وحمدان سلطان و خلفان وحتى يزويه الياهل اللي ماتفتهم تمت اتصيح وهيه تشوف نوره اتصيح ها الصياح كله.. شما مب عارفه شو مستوي ولا الباجي.. بس فهموا انه السالفه الها خص بسالم.. بو حمدان غمظته بنته وقلبه عوره على صياحها ها .. ما رفضلها طلبها وركبوا السياره وضربوا خط للعين........
بعد ماطلعوا ابوحمدان وبنته كل اخوانها اتيمعوا حولين امهم ويتخبرونها عن السالفه وقالتلهم بان سالم مسوي حادث .. شما ماتحملت بعد هيه الموقف وبدت اتصيح غمظتها نوره يالله توها راده و مستانسه على فستان عرسها والحينه اتصيح دم بدل الدموع على سالم..
فنفس ها الوقت كانن مريم وفطوم يالسات ويا موزه فالصاله وكانن الحريم برع..دخل احمد البيت مسرع وهو مايشوف اللي جدامه ..وسار صوب حجرهم وياب سويج موتره وطلع .. فطوم زقرت عليه بس ماتوايب الها .. فلحقته لين سيارته..
فاطمه: احمد ..
احمد وهو يشغل الموتر: مستعيل فطوم ..
فاطمه: شو بلاك انزين .. (وهيه تحط ايدها عند الباب عشان مايسكره) .. بلاك ليش عيونك محمره..
احمد: فطووم قوومي عني الله يخليج.. قومي.. خليني الحق عليه قبل مايشلونه..
فاطمه: انزين منو هو..
احمد: ربييعي..سالم.. بن سعيد..(وحط راسه على السكان)
فاطمه: منو سالم.. ريل نوووره!! (وهيه مرتبكه) انزين بلااه شو فيه..
احمد: مات يافطوم .. ماات .. رااح خلاص..ياربيه ماصدق توني الصبح كنت وياه.. ليش ييت عنه .. قالي يباني اتم .. ليش خليته.. (ويضرب راسه بالسكان)..
فاطمه: لاتقول.. منو خبرك انته..يمكن يقصون عليك..
احمد وهو يطالعها وعيونه ادمع: واحد من الربع توه داقلي . قالي انه انجلب بحادث ومات..
فاطمه تمت ساكته من اثر الصدمه.. لا مب معقول .. حراام ونوووره . نووره عرفت ولا لا.. ها اللي كان فخاطرها..
احمد: فطوم وخري خليني اسير اشوفه..
وردت فطوم على ورا وهيه بعدها مب متخيله الموقف ورد احمد العين ودخلت فطوم البيت ..
مريم: وييوي وييوي بلااج..
فاطمه: ............ويلست حذالهن..
موزه: بسم الله فطوم شو ياج مسبله بعيونج..
فاطمه: مات..
مريم: عوذ بالله منو مات..
فاطمه: سالم.. ريل نوره..مات فحادث
مريم: شووووو .. شو تخرفين انتي..
فاطمه: احمد توه قالي..
مريم: لا.. لاتقولين.. سالم ماغيره.. سالم ريل نواري..
فاطمه: هيه والله ماقص عليج.. توه احمد قالي..
موزه : انالله وانا اليه راجعون..
مريم: ( وهيه صدق ترتجف) لاحول ولاقوة .. ونووره .. درت وله.. ابا ارمسها..
وادق مريم بس محد يرد عليها وادق وادق.
فاطمه: مريوم دقي بيتهم..
مريم: ياويلي عليج يانوره.. لو درت شو بتسوي..
ويدقن البيت.. وهناك بعد محد يرد .. كلهم كانوا يالسين وساكتين ومالهم خاطر لا للتيلفونات ولا للصدعه بس يتريون اتصال من العين يطمنهم على سالم..
بس مريم وفطوم تمن يدقن ومايأسن لين فالاخير ردت عليهن شما.. واللي كان باين من صوتها انها كانت اتصيح..
مريم: شما صدق اللي سمعته..
شمه: شو سمعتي..
مريم: عن سالم..
شمه: هيه ..
مريم: لاحول ولاقوه.. متى مسوي الحادث.؟
شمه: من ساعه.. والحينه حالته خطيره ومانعرف عنه شي..
مريم: يعني ما ماات..
وفطوم تبى تسحب السماعه ترمس شما ومريم مب مخلتنها.. كل وحده تبى تعرف شو مستوي وقلووبهن موول مب مرتاحه..
شمه: لاا مريووم هو حالته خطيره ربي يشفيه انشالله ..
مريم: ونوره؟
شمه: سارتله قبل اشويه.. ابويه وداها..
مريم: فديت قلبها.. نحن قالولنا انه .. هذا ...
شمه: لا انشالله.. الحمدلله انهم لحقوا عليه..
مريم: واحمد حليله... شمووه بخليج بندقله انطمنه .. دقيلنا طمنينا عليه اوكي..

شمه: انشالله..
وقالت مريم لفاطمه وموزه شو قالتلها شمه وخذت فطوم التيلفون ودقت لاحمد اتهديه واطمنه على ربيعه ..
احمد: منو خبرج انتي..
فاطمه: توها شموه قالتلنا.. احمد ريح عمرك ولا تسرع دخيلك..
احمد: يعني بخيير هو..
فاطمه: هيه بخير بس لاتسرع .. لاتخلي بالي مشغول عليك..
احمد وبدت اساريره ترتاح وخذله نفس : ربي يطمن بالج ..
فاطمه: اول ماتوصل دقلي انزين..
احمد: من عيوني غناتي..

وعقب ماسكرت فطوم تمت ميوده على ايد مريم ومريم ادق ريولها بالارض وهيه متوتره .
مريم: الريال حالته خطيره ..
فاطمه: ادري.. بس قلت لاحمد انه بخير عشان يطمن ..
مريم: يا ربيه شو ها البلى .. قبل عرسهم عاد.. ماتهنوا..
موزه: مريم شو ها الرمسه..استغفري ربج.. لااعتراض لمشيئة الله..
مريم وهيه موخيه: ونعم بالله.. بس والله غامظيني..
موزه: الله يفرج كربتهم ..
فاطمه ومريم: امين..
ــــــ فالمستشفى كان سالم محطوط فالعنايه وعند الباب كانوا ابوه واخوه عبدالله.. اما امه كانت يالسه على الكرسي وهيه تصيح بكل حرقه وقلبها متقطع لحال ولدها وبناتها يهدن فيها بالرغم من انهن يصيحن..بعد فتره وصل بوحمدان وبنته ووراهم كان احمد اللي سارله عبدالله اخو سالم اول ماشافه...
سارت نوره صوب الحريم ولوت على عمتها وحبتها على راسها ..
نوره: شحاله الحينه ..
هند: حلته مستقره .. نقلوله دم قبل اشويه..
ام عبدالله: يلسي امايه .. هدج الدرب ارتاحي اشويه..
نوره: لا عمووه.. راحتيه فايد سالم.. خلوني ادخل اشوفه..
مها: الدكاتره مب طايعين..
نوره: مب عكيفهم ابا ادخل اشوفه..
بو عبدالله: دخلي امايه.. ماعليج منهم ..
ودخلت نوره بسرعه وعقت غشاتها .. اتجدمت عند سالم.. كانت اطالعه وقلبها متقطع امية قطعه على سالم اطالعه وادموعها يصبن صب .. حطت ايدها على طرف الشبريه عشان تتوازن شويه لانها حست بوهن .. حبته على راسه وتمت اطالع ويها اللي نصفه ملفوف بالشاش.. ريوله مجبسه وايده بعد .. وصدره كان ملفوف بالشاش.. الااام واايده وين يروم يتحملها حبيب قلبها.. تمنت لو كانت مكانه ولا تشوفه بها الحاله..
تمت ترمسه عل وعسى يسمعها.. وبحركه منها من غير قصد اهتزت الشبريه شويه وعلى اثرها ون سالم .. طالعته نوره وكلها امل انه يقوم ويرمسها..
نوره: حبيبي ..تستاهل السلامه ... تروم ترمس ..
سالم وهو يبطل عيونه ويرمس بصوت متقطع: نوري..
نوره: عووونها..
سالم: فديتج... .. لاتنسيني حبيبتي..
نوره: فديت قلبك .. انا وياك وبتم وياك طول عمري..
سالم: جان مت .. اذكريني ..
نوره: بعيد الشر عنك حبيبي.. عسى يومي قبل يومك..(وهيه اتصيح ومب رايمه تيود عمرها.. )
سالم: دموعج غاليه.. حبيبتي لاتصيحين عليه..
نوره: سالم انته بتشفى انشالله.. بس ارتاح .. لاتعب عمرك..
سالم: ها يومي يا نوره..
نوره: لاتقول جيه ساالم الله يخليك..
تم سالم يطالعها وهيه اطالعه ودموعها اطيح ع ويها .. وبكل هدووء غمض سالم عينه.. نوره مافهمت اللي صار وصرخت بقوو: ساااااااالم..
ودخلن البنات عليها وابوه وامه وعبدالله زقر الدكتور ويا الدكتور ويا النيرسات وتموا يعابلون بالاجهزه ونوره اتصييح وهند ومها ميوداتنها ويصيحن وطلعوهم برع..
ام عبدالله: شو فيه سالم.. ليش نوره تصرخ..
وطلعلهم الدكتور..
بوعبدلله: خير يا دكتوور..
الدكتور: والله عملنا كل شي فايدنا بس
عبدلله: شو يادكتور...شووحالته؟؟
الدكتور: للاسف .. المريض دخل فغيبوبه..
مها وهيه ميوده نووره عن اطيح: نووره .. امايه .. هندوه نوره اغمى عليها..

ــــــ وبعيد عن الحدث كان الكل فراس الخيمه يالس على اعصابه.. محد من اللي فالمستشفى كان متفيج ايدق.. ام علي وام محمد وحميتهن لطيفه تمن الا يدققن لام حمدان عشان اطمهن وام حمدان المسكينه بعدها ماتعرف اللي مستوي .. وفالاخير اتصل بو حمدان لحرمته وقاللها ان سالم طاح فغيبوبه ونوره ياها انهيار ومرقدينها فوحده من الغرف.. وانتشر الخبر.. والكل عرف انه سالم بن سعيد فغيبوبه ومحد يعلم اذ بيقوم منها ولا لا..

ــــــــ بعد كم يوم .. فالجامعه وبالتحديد فالكليه.. كانت مريم طالعه من كلاسها وسارت مبنى 66 ادور على هند اللي ماداومت من يومين.. كان فخاطرها اتسير عند نوره اللي مب راضيه تفارج المستشفى لين مايقوم سالم وتطمن عليه.. وهيه فدربها لقت بنت عم هند ( ريم) ..
مريم: شحالج ريم..
ريم: الحمدلله بخير.. وينج من يومين محد يشوفج..
مريم: والله ايي هنه من اخلص دوامي بس ما القى هندوه فاروح..
ريم: اها.. الله يعينهم انشالله .. تعرفين ترا سالم ولد عمي بعده فغيبوبته والكل هناك عنده.. وهاي حرمته مادري شو اسمها (وتقولها بستهزاء) مب طايعه اتروح عنه فهند مضطره انها تييلس وياها..
مريم وهيه تضغط على الكتب اللي شالتنهن : حرمته الها اسم.. واسمها نوره بنت حمد النعيمي..
ريم قفطت وفخاطرها (اوه نسيت انها قليصتها..): انزين ماقصدت شي..
واطالعتها مريم بنظره وروحت عنها وهيه تتحرطم وتلاقفت ويا وحده من ربعها اللي فالسكن وردت وياها وهيه طول الدرب متغصصه واتعق عق على ريم ..
مهره: مايااها خير البنت .. هيدي يبوج..
مريم: وياراسها ع شو شايفه عمرها .. والله نوره احسن عنها بميت الف مره ويكفي انه سالم فضلها عليها.. افف لا وتستخف بنواره وياراسها وياراسها ..
مهره: هاهاهاها خفي خفي شويه..
مريم: والله مهروه تعرفين انه نوره ماتهون عليه وهيه فموقف الحينه ماتنحسد عليه.. وهاي مب اول مره ترمس جيه هيه .. قسمن بالله العظيم جان قالت شي عن نوره جدامي يا عطيها هذاك الكف اللي فحياتها ماتنساه..
مهره: لاحول ولا قوه.. خلاص عطيها بكفين بعد جان تبين بس لاتفولين جيه.. الحينه من ساعه وانتي تتحرطمين ..
مريم: مهروه والله انه قلبي متقطع على نوره وسالم والله ابا اسيرلها وواسيها ..
مهره: انزين انتي ماتقولين انه ابوج مظهرلج تصريح انج تتطلعين ويا قوم عمتج..؟
مريم: هيه..
مهره: عيل مشكلتج محلوله دقي لعمتج خليها اتي تشلج وسيري عند نوره وردي..
مريم: اتلوم ادق واطلب منهم.
مهره: عادي يالله الا عمتج..
مريم: بدق لامايه وبقوللها ..
وفعلن دقت لمريم لاهلها وخبرتهم انها تبى تسير لنوره ويتها عمتها وشلتها من الجامعه وهم فالدرب...
لطيفه: مايستاهل بو غنيم .. ربي يشافيه انشالله..
مريم: انشالله.. الا اقول عموه انتي ماسرلتيهم قبل.؟
لطيفه: امبلا من سوى الحادث المسكين وانا دوم اسيرلهم المستشفى.. عندالله يا الدنيا مويمته وياه طول اليوم وحرمته ذبلانه وحليلها ومب طايعه تروح ..

مريم: فديت روحها مايستهالون والله..
ويوم وصلو المستشفى واول ماشافت نوره انه الريم عندها بدت بالمناحه وشاركتها الريم وتمت مريم لاويه عليها ومب طايعات يتفججن..
هند: خلاص عاد بسكن صياح..
لطيفه: خلاص امايه نوره والله ويهج ذوى من ها الصياح انشالله بيقوم ريلج وربي بيعافيه
ام عبدلله: والله ياوخيتيه ها حالها طول اليوم .. ويوم نقولها ردي البيت ارتاحي ماطيع..
نوره: يالله عموه كيف ارتاح وسالم طايح على ها السرير ويميع الاجهزه عليه..
لطيفه: مب زين بعد جيه امايه..
ويلسن الحريم على الكراسي ع طرف والبنات تمن واقفات مجابلات السرير اللي طايح عليه سالم...
مريم: اول مره اشوفه عن قريب..
نوره: فديت روحه .. من ثلاثت ايام وهو على هاي الطيحه..
هند: الله يعافيه ..
نوره: امين..
مريم: اهلج مايو نوره؟
نوره: امس يايين وروحوا فليل مادري اذ بيي اليوم ابويه..
هند: بغيناها ترد ويا اهلها امس راس الخيمه ماطاعت..
مريم: هيه بيتكم و مابغت وين تبينها اترد راس الخيمه..
نوره: مريوم رمسيهم كله يلزمون عليه اني ارد .. ولا اسير بيتهم.. والله مابا .. ابا اكون اول وحده تشوف سالم وهو صاحي..
هند تبتسم: انشالله يا نوره..
مريم: انزين حبيبتي مب زين جيه.. عشان صحتج..
هند: والله حارمه القوت على عمرها..
مريم: ليش نوره.. بتضعفين ومابيوزلج فستان العرس عقب..
هند: هيه حمسيها..
نوره: هه أي عرس الله يخليكن..ريلي طايح والعوق اللي به مب شويه والعرس باقله ثلاث اسابيع.. انا بقوللهم اني مابا عرس خلاص بتم هنه وانشالله من يقوم سالم برد وياه البيت ..
هند: ايه من صدقج..
مريم: نوره تخبلتي انتي..
نوره: لالله ماتخبلت ولاشي.. من اللي بتفرح وريلها متكسر جيه .. الدكتور يقول انه وايد فيه كسور ويباله شهرين ثلاثه عشان ينيبرن.. مافكرتن منوه بيخدمه فها المده.. منوه بيسهر ع راحته..
مريم: فديت قلبج طول عمرج عاقل..
هند: بس سالم ما بيرضى..
نوره: مب عكيفه.. وها الرمسه لاتقولنها لحد اباها تكون امبينا لين سالم يقوم من الغيبوبه..
هند: والله مايندرى بالحال يا نوره.. مانقول غير الله يصبرج ويصبرنا ..

ــــ بالباجر فمدرسة قوم فطوم وشموه كانن فالصف ويا البنات وماعليهن حد.. شما وفطوم خذلهن كورنر فالصف ويلست شما على وحده من الطول ومجابلتنها فطوم واقفه ويتناقشن فالسالفه اللي شاغله بال الجميع من اسبوع ...
فاطمه: يالله يا شموه يحيكم انتوا .. احمد حليله قالوله انه مات.. والله تينن احمد وقام يظرب راسه بالسكان..
شما: انزين الحينه مايندرى بيتم عايش وله.. مسكين والله مايستاهل .. الكل يتمدح فيه وفطيبته..
فاطمه: الله يعينها نوره انا لو كنت مكانها مابتحمل ها الكثر عادي انجلط هيه ماشالله ايمانها قوي..
شما: حليلها يوم ارمسها يبان من صوتها انها هلكانه..
فاطمه: ييها احس حياتنا استوت نكد فنكد .. اول شي روحت مريم عنا ومانشوفها الا بالاجازات وعقب نوره والله يعينا نحن خوفاتي شي يستوي امبينا ونتفرق بعد..
شما: بسم الله علينا.. فال الله ولافالج .. دومنا رباعه ومابنتفرق ومريم ونوره ظروفهن الحاليه تفرض عليهن انهن يبتعدن عنا شويه لكن ربج بيلم شملنا اكيد..
فاطمه: الله يسمع منج.. (وفخاطرها..انشالله ماتغيرين رايج من تعرفين اللي فهوادي وميودتنه عنج من اشهر..)..
شما: قومي نحوط فالمدرسه حشره مسويات البنات...
وهن طالعات برع سارن صوب صفوف اول ثنوي ويوم وصلن صف قوم حصوه وشيخوه قامن يسولهن حركات ويغايضنهن عند الدريشه .. وانتبهت الابله وطلعتلهن وهيه مفوله .. والشرررررده ...

ــــــــ فنهاية الاسبوع.. طبعا نزلت مريم من الجامعه واول ماوصلت البيت عقت بعمرها على الشبريه ورقدت لانها من ثلاثة ايام وهيه مب راقده بسبة امتحانات المنتصف وغير ها سيراتها للمستشفى عند نوره.. دخلت عليها حصوه ولقتها فسابع نومها فطلعت برع وتمت اتحوط فحوي بيتهم.. وعقب ردت ودقت لشيخوه وقترحت عليها انها اتيهم باجر..
وبالباجر العصر قالت شيخوه لامها انها بسير عند حصه وقالتلها تخلي سعيد يوديها.. وتمت ادوره وين هو.. ولقته يالس ع الند اللي فبيتهم وسارتله..
شيخه: شو ميلسنك هنه..
سعيد: ماشي اطمش ع البيت واخطط لبيتي وين ببنيه..
شيخه: وين بتبنيه خليت مكان انته هاذيج المساحه خليتهم يسون فيها مسبح وهنه يبت كمن تريب رمل وسويتلك نقى.. (ويلست حذاله)
سعيد: ليش مب حلو يعني.. والله شي ..تعرفين بعد فخاطري اخلي ها المكان كله عشب يعني تلال عشب.. بيتم البيت شرح..
شيخه: انزين هاكيه زراعه والنخل مازر البيت بعد لازم العشب هنه .. ياغبي هنه المكان احلى حق البيت..
سعيد: انزين تعالي ثرني ليش ابني بيت وها الفله لمنوه بتم..
شيخه : حقي ..
سعيد: سيري لاه بيت ريلج يترياج انتي..
شيخه: جب.. وخواتي يوم بيين عندنا وين بيلسن ها.. وخوانك يوم بييبون حريمهم ..وين بينحطون هاذيلا كلهم..
سعيد: انزين ماعليه الطابق الفوقاني انا باخذه كله والشواب وانتي تحت .. كااا انحلت السالفه..
شيخه: متعبل والله انك.. القالك الحرمه انته اول..
سعيد تنهد وطلع فتنهيدته هاي كل القهر والضيج..
شيخه: ويه بلاك..
سعيد: مابلاني شي..
شيخه: انزين عيل قوم اباك توديني بيت قوم حصوه..
سعيد يبتسم: بيت قوم حصوه..
شيخه: هيه بيت قوم حصوه..
سعيد: لا احلى بيت قوم مريم ..
شيخه: انزين شو فرقت..
سعيد: هاهاها لا مافرقت..
شيخه: يالله يالله علينااا..
سعيد: جب يلا عطيناج ويه ترانا..
شيخه: انزين وياراسك قوم جان بتوديني..
سعيد: سيري اتزهبي انزين..
شيخه: انا جاهزه بييب عباتي وبيي..
وتم سعيد يالس فمكانه وكالعاده لازم ايرده التفكير لغناته .. خلال ها الثلاث اشهر ماقدر يخوزها من قلبه.. خلاص مريم تربعت في سويدا قلبه ومايقدر ينتزع حبها من قلبه.. مب راضي قلبه يقتنع انه مريم استوت من المحرمات عليه.. خلاص مريم لولد عمها وولد عمها غالي ع قلبه ومايبى يجرحه..كان محطي عمره بين نارين.. نار الحب ونار الوفا لولد عمته .. من يوم ما سافر علي وهو ماطب فريجهم مع انه علي كان يوصيه انه يسيرعليهم .. كان سعيد خايف من ها الحنين اللي فقلبه يخليه يتصرف تصرف غلط فيحاول قدر الامكان انه يبعد عن درب مريم.
وتم يرمس فخاطره..( اخ يا علي ليش خليتني عايش بهم.. مادري متى بيعتدل ها الحال وبيرضى ها القلب بنصيبه.. مابتهنى ويا اللي قلبي اختارها.. ولا بتكتمل قصة حبي وياج..يامريم ليتج تعرفين شكثر احبج...يا ربي شو اللي جذبني فيج ها الكثر مع اني كنت ماطيقج.. يالله يها القلب صدق يوم سموه قلب...) وانتبه لشيخه وهيه اتازقره ....
ويوم وصلها..
سعيد: ها متى اييج؟
شيخه: مادري بدقلك انا..

سعيد: سلمي ع حصوه ...
شيخه: حصوه ولا اختها..
سعيد: شيخوه تعليقاتج بايخه .. يلا سكري الباب عن افرج (كان قابض واحد من الاشرطه بايده)
شيخه: هبي ماتقهر السوالف.. يلا باي..
ودخلت شيخه وكانت حصوه توها طالعه من الفله لانها سمعت الهرن وسلمت على شيخه ودخلن البيت..وكانت مريم فالصاله ويلسن وياها..
مريم: ييه شيخوه من زمان ماييتي ..
شيخه: امبلا يايه من اسبوعين بس كنتي محجوزه...
مريم: هاهاها حليلنا كان علينا تمه..
حصه: والله لو درستي فالتقنيه اخيرلج..
مريم: انزين حلوه الجامعه وناسه ويمعة بنات..
حصه: هيه ها موتها هيه..
مريم: وشخبار المدرسه وشخبار المدرسات..
حصه: ييه لاتخبرين علوم والله...
شيخه: سوالف المدرسه خصه يوم نيلس ويا قوم فطوم بنت عموه..
مريم: هاهاهاها بقية الشله هاذيلا لازم بنخلف عليهن شويه من خبالنا..
شيخه: خساره ما لحقنا عليكن العام.. فطوم وشما دومهن يطرن سوالف العام ... وسوالفهن وياكن..
مريم: فديتهن..
حصه: والله شكلهن يضحك يوم يتمن موقفات اروحهن.. نحن مانيلس وياهن وايد انسلم ونسولف شويه ونروح عنهن..
مريم: جيه انزين..
شيخه: يمكن يبن يتمن بروحهن هن..
مريم: شدراني..
وتمن حصوه وشيخوه ينكتن ومريم اطالع التيلفزيون.. وتسمع رمستهن وفداخلها تضحك عليهن شكلهن بيتبعن خطاهن لو رابعن فطوم وشموه .. ووحده من سوالفهن خلت مريم تتسمر فمكانها وتسمعهن باذان واعيه ...
حصوه تضحك : حليله جيه تحطمين شعوره خليه يخطط لمستقبله..
شيخه: اذانا يبوج والله كل يوم يخطط شي وتوه يقولي يبى يزرع عشب على النقى اللي مسونه اونه يبى تلال عشب فالبيت..
حصه: حليله .. حلو انزين ادربحي على التلال انتي دووم
شيخه: لاوالله.. بس سعود صراحه كل شي بيفكر فيه ويخطط له لين ينفذه ..
حصه: مريوم هاذيه ع كل شي بتفنتك ..
مريم: شوو بلاني.. (اونها ماكانت تسمع..)
شيخه: ويه يليقون لبعض سبحان الله.. هاهاهاها
مريم وهيه قافطه: كيف يعني..
حصه: هاهاها ماشي ماشي كنا انسولف..
لفت عنهن مريم وفويها ابتسامه شكبرها مابغت تستفسر عنه لانها تعرف انه حصوه وشيخوه اكبر مشاخل حست بويها محترق وسارت عنهن المطبخ تشربلها ماي وطلعتلها تفاحه ويلست على الطاوله وهيه سرحانه فرمسة حصوه وشيخه..الله يعينها لوزل لسانها جدامهن اسميها مابتسلم منهن بيتمن ينغزنها وعادي يقولن لسعيد ..لانه حصوه وشيخوه عندها بعدهن صغار تفكيرهن طفولي ومايحسن بالمسؤولية بعدهن.. وعشان ماتشغل بالها اكثر خذت وقايتها وسارت بيت عمها..

ــــ بعد اسبوعين تقريبا وفالمستشفى كانت نوره يالسه على الكرسي وقابضه بايدها المصحف وتقرى على سالم مثل كل مره .. كانت فها الوقت بروحها وياه لانه هند فالجامعه ومها فالمدرسه وام عبدالله كانت راده البيت اتيب اغراض وعقب بترد المستشفى..
وقفت قرايتها لانها انتبهت لحركه حست بشي يتحرك ويوم طالعت سالم لقته رافع سبابته كانه يتشهد ورفعت راسها صوبه وشافت اعيونه ترف.. وقفت من الكرسي وتمت ادقق فسالم هيه فعلم ولا فحلم.. سالم فتح اعيونه.. معقوله..
نوره: سااااالم..
واطالعه وعيونها تقر بالدموع مب مصدقه اخيرا سالم قام من غيبوبته اللي تم فيها اسبوعين..
نوره: الحمدلله ع سلامتك الغالي..
ابتسملها سالم بكل صعوبه.. وزقرت نوره النيرس اللي زقرت على الدكتور ويا يشوف سالم ..
الدكتور: الحمدلله عدى مرحلة الخطر وفاق من الغيبوبه..
نوره: دكتور يعني هو بخير..
الدكتور: الحمدلله.. دعواتكم ليه وبرحمه من ربك فاق من الغيبوبه..
وبدت الحياه اتدب على ويه نوره اللي ذوى وشحب.. كانت مستانسه انه ربها عافى سالم ونجاه من الموت.. وعقب ماستقرت حالة سالم نقلوه لغرفه ثانيه وبدت الزيارات اتهل عليه وربعه دومهم اييونه يسلمون عليه... وردت نوره راس لخيمه وتمت كم يوم وردت عقب العين ويا اهلها وساروا على طول المستشفى.. سلموا على سالم واللي كان وياه فالحجره وتيمعوا كلهم صوب الغنفات وعقب روحوا الرياييل (ابو حمدان وابو عبدالله وعبدالله) وتمن الحريم ياسلات مكانهن و نوره يالسه ع الكرسي مجابله سالم..
سالم: تولهت عليج..
نوره: انا اكثر..
سالم: زين يوم انج رديتي بيتكم و ارتحتيلج يومين..
نوره: والله ماكنت ابا ارد الا امك حلفت عليه..
سالم: زين سوت فيج ساد انج مافارجتي المستشفى من طحت فالغيبوبه..
نوره: وين افارج بعد .. كيف بيهنالي بال ..
سالم: فديت روحج يعلني ماخلا منج..
نوره: ولا منك..
سالم يبتسم: عرسنا لازم يكون ها الاسبوع..
نوره: سالم انا فخاطريه شي ابا اقولك اياه..
سالم: قولي ..
نوره: مب الحينه عقب.. يوم بتخف الحشره..
سالم: بروغهم انزين...
نوره: هاهاها شو تروغ الله يخليك انته اليلسه ماتروم تيلسها وتبى تروغ..
سالم: ياخي ريال ويا حرمته شو ميلسنهم هم.
نوره: هاهاها سكت عن يسمعونك.. والله هندوه وشموه ختيه ومهوه عيونهن مصوبات علينا..
سالم: نوره شي يحكني هنه..
نوره: وين
سالم: هنه ها .. عند يبهتيه.. حكيه بالله عليج..
وحطت نوره ايدها عند يبهته وتحسسها ..
نوره: ماشي فيك..
سالم: امبلا هنه ها ع غزي صدق يحكني بس حطي ايدج طالعي محسس ولا لا..
نوره: ماشي سالم.. راسك من فوق منطر ومن متى فاجين الخياطه..
سالم وهو يضحك..: طالعيهن شو يسون البنات..
وطالعت نوره صوبهن لقتهن يطالعنهم وكل وحده محطيه ايدها على خدها..
نوره اطالعهن واطاع سالم : احلف انته خليتهن يندمجن الحينه بيتحرن فلم هندي مستوي..
سالم: هاهاهاهاوالله البنات نكته.. الحينه صدق بيشوفن الفلم الهندي..
وسحب ايدها وباسها وتم ميودنها ونوره ويها محمر ومب ياسره اتلف عليهن لانهن اكيد ايطالعن.. وسالم يضحك على نوره وهو ميود بعده ايدها وهيه تحاول تسحبها وهو مب طايع..
نوره: بس والله يطالعن ويضاحكن تراهن..
سالم: خلهن يموتن.. حرمتي وبكيفي..
نوره: فشلتني والله.. حرام عليك..
سالم: ماعاش والله اللي يفشل حبيبتي..
وين عقب البنات صوبهم ونوره قافطه جدامهن وهند تنغزهم ومها وشما يضاحكن .. وفها اليوم باتوا قوم نوره فبيت قوم سالم وبالباجر خطفوا عليه قبل مايردون راس الخيمه..نوره حاولت ويا امها وابوها انه يخلونها ويا سالم وقدرت تقنعهم بس سالم ماخلاها ولزم عليها انها ترد وترتاح لانه اسبوعين موازر مستشفى يباله شهر الانسان ياخذله راحه منه وهيه حالها مول مايسر وصحتها وايد تعبانه فاحسلها ترد.. وطبعا ماقالتله عن السالفه اللي فخاطرها تقولها.. بس خلتها للمره اليايه..وردت وهيه مطمنه عليه بس الغريب فالامر انه من قام من غيبوبته مايسر يتحرك أي حركه اللهم ايده ولا ظهره وريوله ابدن ماحركهن..يمكن خوف من انهن يعورنه....

ــــــ في الليل فبيت بوعلي كانت فطوم يالسه ويا حصه فالحوي ويسولفن عن المدرسه وعقب سارن بيت يدهن ..
حصه: شو ها فطوم من قمت ايلس وياج اشوفني كله احوط وماخلي مكان ما اسيرله..
فاطمه: هاهاها زين زين والله جان تأثرتي فينا..
حصه: أي زين بعد انتي.. انا ماداني الحواطه وايد والحينه اشوفني مب مدانيه البيت..
فاطمه: والله احلى من بيت لبيت امبونا انا ومريوم مانقر مكان من بيت يدي لبيتكم لبيتنا واخر شي مقرنا السكه نتيلس فيها..
حصه: يحيكن عشان جيه ماكنت ايلس وياكن وايد..
فاطمه: فاتج والله مغارمات كانت.. ويه محد الحريم فالخيمه..
حصه: انزين برد برع شو اييلسهن فالخيمه خلينا نسير البيت هناك اكيد هن..
وسارن وتيلسن ويا الحريم وعقب يا بومحمد ويا اخوه بوعلي ويلسوا ويا الجماعه..وتموا يسولفون ...
ام محمد ترمس حصه: امايه قولي للبشكاره اتسوي دلة قهوه..
حصه: انشالله..(وسارت..)
بوعلي: ماشالله على حصيص صف كم الحينه هيه..
بومحمد: بنتي حرمه استوت .. صف اول ثنوي الحينه..
حصه وهيه مروحه كانت تسمع الرمسه وفخاطرها اتم تبى تعرف شو بيقولون عنها وبسرعه ودت الدله وامرت ع البشكاره وردت ويلست حذال فطوم ..
بومحمد: يالله بعدها حصوه..
بوعلي: كييفك قلنالك ترانا نباها لولدنا..
حصه مسبله بعيونها واطالع تبى تعرف شو يرمسون.. ماسمعت كل السالفه بس فهمت انها تخصها وتخص علي .. ويوم طالعوها وخت .. ويها ولع من القفطه وبدت ملامحها تتغير حست فيها فطوم وابتسمتلها وسحبتها وياها حجرة التيلفزيون..
حصه: شو كانوا يقولون؟
فاطمه: اونج مافهمتي..
حصه: انزين شو قصد ابوج انه يباني.. حق علي يقصد؟؟
فاطمه: هيهيهي يالله يالله .. سيري شوفي شكلج والله طماطه..
حصه: فطوم .. قولي شو قالو..
فاطمه: بلاها ايدج ترتجف.. بسم الله كلج ترتجفين شياج.. يالله الحينه جيه انا بعد برتجف يوم بنخطب..
حصه: لاولله تتطنزين..
فاطمه: يلسي بفهمج السالفه..
حصه: انزين شو..
فاطمه: شوفي ابويه يباج لعلي اخويه .. والصراحه انا من زمان اعرف بس ماقلت لحد.. وعلي اخويه موافق فابويه قال بيرمس فيج عشان العرب يعرفون انج محيره لولد عمج فهمتيني..
حصه: شو يعني محيره..
فاطمه: مم يعني محجوزه له..
حصه: هيه مثلج انتي واحمد..
فاطمه بحلقت بعيونها: كييف..
حصه: هاهاها بلاج..
فاطمه ( ويه شكلها عندها علوم) : حصووه شوقلتي توج.. شدراج..
حصه: هبي .. يالله جيه ماتعرفين انه احمد خطباج..
فاطمه: شووه متى هاا..
حصه: هو ماخطباج خطباج بس قال يعني..
فاطمه: حق منوه ومتى ؟
حصه: الاسبوع اللي طاف يوم كانوا هنه .. انتي كنتي فبيتنا وانا كنت يالسه ويا الحريم برع وكان هو بعد ويانا فقال لامج شي مافهمت عليه.. اونه ردوا اللي اييها.. وعقب قال اونه خطيبتيه خلاص..
فاطمه: حصوه ماقلتيلي بالتفصيل..
حصه: مادري نسيت اللي قاله ماسمعته زين لانه حمودي كان يصيح زين يوم لقطت منه خطيبتيه.. المهم كان يرمس عنج يعني..
فاطمه وهيه مشققه: حصوه ويلج ان خرتي جدام حد..حتى شيخوه لاتيبيلها طاري..
حصه: هيه وانتي ويلج بعد ان فشلتيني جدام شما ولا شيخه.. حتى مريوم لاتقوليلها بتم تتطنز عليه..
فاطمه: لا عاد مريوم لازم بقوللها .. انما عجيبه السالفه خطبونا الناس والعوده بعدها حليلها محد خطباها..
حصه: ويه كيف بجابل علي عقب.. فشله..
فاطمه: عادي ... وبعدين خير لين ايي علي ..
وطبعا فطوم ماصدقت خبر اول ماردت البيت على طول الو شموه.. وخبرتها عن السالفه اللي قالتلها اياه حصوه..

ـــــ فالمستشفى كانت ها المره هند يالسه تسولف ويا سالم وبزلة لسان منها قالته انه نوره ماتبى عرس وانه سالم من يظهر من المستشفى تبى اتيي واتم على طول خلاص .. سالم تم معصب على ها الفكره البايخه ..
سالم: ياحافظ عليها.. منو قالها اني بطيع.. زادنها امسات تقولي تبى تخبرني بساالفه..
هند: مالت عليه شله اقولك.. اخبرك خلك ريلاكس ولاتقولها اني قلتلك هيه بروحها يوم بتفتح الموضوع وياك رمسها..
سالم: لالله الحينه برمسها.. عطيني التيلفون..
هند: دخيلك لا..
سالم: اروم ماروم .. بقوم اييبه بروحي..
هند: خلاص خلاص اندوك ها ...
ودق سالم لنوره وعطاها من الزين وقالها تشل هاالفكره من راسها وهو شهر بالكثير وبيخوزون عنه الجبس من ريوله وايده .. وظهره بيحطوله الضاغط .. يعني انشالله بيصح وفهمها وقالها بيأجلونه عقب شهرين.. واتفقوا على كل شي..

ــــــ ويا اليوم اللي بيبطلون الجبس عن سالم وخطف عليه احمد بيتهم ونزله .. وعقب وصلو المستشفى ودزاه بالكرسي المتحرك ودشو على الدكتور .. وعقب ما فجو الجبس عن ريله وايده خلوه يحرك ايده ويمدها ويوم بغى يحرك ريله مارام.. كان سالم متخوف من امر ومخبنه عن الكل انه هو مايحس بريوله!! ويوم سوله اشعه ياهم الدكتور ...
احمد: خير دكتور شفيه.. ريوله تحتاج لعلاج طبيعي بس وله؟
الدكتور: للاسف .. اتبين انه عنده شلل فرجلوه..
سالم تم موخي وكانه يدري باللي بيقوله الدكتور من قبل..
احمد: شو دكتور.. شلل.. يعني ما بيمشي مره ثانيه.. ماشي له علاج..سالم قوم الله يخليك .. حرك ريلك عادي..
سالم: احمد انا ماحس بريولي ..
احمد: انته شو تقول..
سالم: احمد خويك انشل خلاص..
احمد: دكتور شو .. ماشي امل ..
الدكتور: انتو عارفين انه الضربه على ظهروه.. والضربه كانت سبب في قطع الاعصاب ..
سالم تم موخي ودمعه طاحت من عينه فلحظه الانكسار والضعف هاي..حس بانه الحياه خلاص انتهت عنده وماعاد الها أي اهميه.. احمد تم يرمس الدكتور وحس من كلام الدكتور انه ابدن ماشي امل..
وبعد مادرى الكل بالمصيبه اليديده وبعد ماسوى سالم العلاج الطبيعي هنه ..عزم بوعبدالله انهم يسافرون للعلاج برع عل وعسى يكون له علاج.. سالم فبادي الامر ماطاع ودقتله نوره تحاول فيه..
سالم: يا نوره خلاص ليش احط امال واخر شي تنهدم. خليني ااقلم نفسي..
نوره وهيه صدق منفعله: شو تاقلم نفسك .. هاي رمسه بالله عليك..
سالم: نوره افهموني خلاص مابا.. سولي هنه علاج طبيعي ومافاد...
نوره: بتسافر يعني بتسافر برع..
سالم: هه ماتبين ريلج يتم كسيح .. شكلج بترديني اذ ماطعت اسير..
نوره: انته شو تقول.. مستحيل سالم ..
سالم: شفقانه عليه..
نوره: حرام عليك يا سالم.. شوفيك انته ليش نفسك متغيره..
سالم: نفسي مب متغيره ولا شي..
نوره: سالم انا ابالك الخير.. انا ماترددت فلحظه اني اتخلى عنك .. شو ها الرمسه اللي تقولها..
سالم: نوره اذ تبيني اطلقج قولي..
نوره: شوو..
سالم: سمعتي..
نوره وبدى صوتها يتغير: سالم شكلك عايفني..
سالم: لاتغيرين الموضوع.. انا ارمس وياج جد.. في احتماليه اكبيره اني اتم مشلول طول عمري.. انا مابا اربطج بواحد معاق.. انتي بعدج صغيره والحياه جدامج.. فهمي عليه يا نوره.. ماباج اتمين ويايه شفقة لحالي..
نوره وهيه اتصيح: سالم لاتقول جيه حرام عليك تعذب قلبي.. انا وياك فالحلوه وماتباني اتم وياك فالمره.. هاي فتره وبتعدي انشالله وبنرد نفس قبل.. لاتقنط من رحمة ربك.. فديت روحك سالم لاتقول ها الرمسه.. انا حياتي هيه حياتك.. لو تخليت عني صدقني ما بعيش.. كلي فدا لك يا الغالي..
سالم يرمس بكل صعوبه: مابتندمين انج قبلتي بواحد معوق..
نوره: عمري ما بندم .. وريلي ع ريلك فهاي السفره وبتم وياك طول ها المده اللي بتتعالج فيها برع..
سالم: لا شو اتسيرين ويايه..
نوره: والله يسير وياك.. سالم انا حرمتك ع سنة الله ورسوله .. لاتخليني بروحي بسير وياك..
سالم: فديت روحج.. اسف غناتي اني شكيت فحبج.. بس والله ماتهونين عليه .. والله احبج واحب الارض اللي تمشين عليها..
نوره: يعلني ماخلا منك..
سالم: ولا منج..
وحددوا السفره وتفاجأ الكل لقرار نوره انها ماتبى العرس وانها تبى اتم ويا ريلها فعلاجه .. محد قدر يرد نوره عن اللي فبالها والعرس خلاص ماتباه المهم عندها سلامة سالم.. مريم درت بكل السالفه وحست بالفخر انه نوره ربيعتها وكذلك فاطمه وشما..
ويا يوم السفر وكانن البنات كلهن عند نوره يواسنها ويصبرنها وينصحنها.. وبالباجر توجهوا للمطار مايدرون شو مخبلهم المستقبل من اسرار...

ــــ في بيت بوعبدالله .. كانن البنات يالسات ويا اخوهن العود..ويضاربن ع السماعه منو اللي بترمس.. ودقت هند على تيلفون ابوها... بس عبدالله سحب عنها السماعه..
عبدالله: السلام عليكم..
ام عبدالله: وعليكم السلام والرحمه..
عبدالله: شحالج امايه.. يعلج بخير؟ وشحال ابويه.. وسالم وحرمته..
ام عبدالله: الحمدلله .. كلنا بخير وسهاله..
عبدلله: متى وصلتوا الفندق.. كله ادقق والقى التيلفونات مغلقه..
ام عبدالله: شدراني بابوك توه فتح تيلفونه ودقيتوا انتو.. شحالك وليدي وشحال خواتك.. يعلهن بخير..
عبدالله: بخير ومايشكن باس هاذن ها يضاربن يبن يرمسنج..
ام عبدالله: فديت هوادهن.. دير بالك عليهن الغالي.. وميود طالع عليه هب تخليه يهيت .. وعهود ودها وين تبى وخذلها اللي تباه..
عبدالله: يالله يامايه توصيني ع خواني..
ام عبدالله: عشان بالي يطمن عليهم ولا انا ادريبه بوحميد والنعم فيه..
عبدالله: هيه توج.. ابويه وين عنج وسالم وين؟
ام عبدالله: كلهم منهدين من السفر ورقدوا.. وباجر انشالله موعدنا ويا الدختر..
عبدالله: هيه زين زين.. ولا ثلج الدنيا عندكم..
ام عبدالله: يالله اسميه يقرص بردهم حشى..
عبدالله: هاي لندن تحملوها..
وبعدين خذن البنات السماعه بالدور وكل وحده رمست امها واطمنت عليهم..
وبالباجر ساروا المستشفى وسوا الاشعه لسالم وقالوا انه محتاج عملية فالظهر وبعدها يباله علاج طبيعي عشان فقرات العمود الفقري اللي مجدمه على الاعصاب ومانعه حركة ريله.. مب مثل ماقالهم الدكتور انه الاعصاب انقطعت..
وعدن الليالي وسوله العملية والحمدلله نجحت .. وبدى سالم بعلاجه ونوره دومها وياه وماتفارجه .. ابوه وامه والكل مستانس على ها التقدم..
مرت اجازة نص السنه وهم بعدهم برع بس ام عبدالله ردت لعيالها.. وكانت ها الاجازه من اتعس الاجازات اللي قضتهن مريم وبقية الشله.. كانت كلها هم وتعب .. تفكير وارق.. وشوق ووله ..

ــــ فسكن الطالبات.. كانت مريم يالسه فجناحهم ويا مهره .. يرمسن شويه ويطالعن التيلفزيون..
مهره: يحليلج يا نوره.. اتصدقين حبيتها من كثر ماتسولفيلي عنها..
مريم: يبوج اللي يشوفها مجبور انه يحبها واللي يعيش وياها غصبن عنه بيحبها..
مهره: هاهاها ماشالله .. اينجل عيل هيه..
مريم: (وتتنهد.) .. عمة الاينجل بعد جان تبين.. ماندرابها شو تسوي الحينه..
مهره: تلقينها تحووط ويا ريلها في ربوع لندن..

مريم: مادري متى بيردون.. وايد طولوا..
مهره: انزين الحينه هو ريلها يمشي اوكي..
مريم: الحمدلله احسن عن قبل بوايد.. بس بعده يمشي بالعكاز..
مهره: زين والله.. من الكرسي للمشي الحمدلله..
مريم: بيكملون شهرين الحينه..
مهره: خليهم يستانسون ويعسلون شويه حليلهم ماتهنوا لا بعرس ولا بشي..
مريم: هاهاها ويا راسج..
مهره : تعالي.. ريلها مب مخلص جامعه؟
مريم: حليله كان بيتخرج الكورس اللي طاف ..بس وقف عقولة نوره الى اجل غير مسمى..
مهره: حليله فاته ها الكورس بعد..
مريم: الله يعينه..
مهره: اخبرج قومي نسير مبنايه..
مريم: ماروم مهروه خلينا هنه..
مهره: قومي عن الهيازه ..
مريم: من متى واصيح عليج تطلبين نقل عندي..
مهره: وين تبيني ايي هنه ماشي حجر فاضيه وين بتحطيني..
مريم: حجرتنا.. عندنا مكان..
مهره: مادري .. اخاف اثجل عليكن بروحكن ثلاث ..
مريم: لا لا عادي..
مهره: انزين قومي انتي الحينه ..
وقامت وياها مريم وهن فالدرب دق تيلفون مهره ويوم شافت الرقم تمت اتناقز واتنطط وترمس باعلى صوت.. فهمت مريم انه اخوها داقلها.. وتمت ساكته.. وعقب ما بندت مهره..
مريم: ها منو؟
مهره: فدييت روحه.. ها محمد اخويه..
مريم: المصري..
مهره: مصري فعينج.. فديته..
مريم: شخبارهم هناك..
مهره: بخير الحمدلله .. يقول بييون فالعيد..
مريم: ياسلام يعني علي بيي.. والله تولهت عليه..
مهره: احم احم يتولهون عليه بعد..
مريم: وياراسج .. والله خطبوله اختيه خلاص فكينا..
مهره: والله..
مريم: هيه صدق..
مهره: زين عيل خلاص انا بخطبج لحمود.. شو تبين بعد سنه وبيتخرج وبيزاقر المحامي محمد الكتبي احم احم..
مريم: ماعليه يوم بيتولى القضاء فدبي بقبلبه..
مهره: ودج انتي وياراسج..
مريم: هاهاهاها.. خليه يتخرج اول .. ( وحست فها الوقت مثل القبضه فهوادها .. يالله من متى ماسمعت شي عن سعيد.. وينه ووين اراضيه.. ليش مختفي ها الكثر...)

ــــ فالشمال.. وبالتحديد فالمدرسه.. كان فها اليوم فالمدرسه احتفال بوحدة من المناسبات وعندهم ها اليوم مفتوح.. شما وفطوم كانن ويا بنات صفهن يالسات وعقب سارن يتمشن بروحهن..
فاطمه: لين متى بتمين انتي جيه..
شما: فطوم والله مافيني شي.. ومب حاطه فقلبي شي.. قلتلج قبل انه علي مب من نصيبي وانا راضيه بها الشي..
فاطمه: بس بعدين رديتي تقنعيني انه يحبج..
شما: كان مجرد احساس عابر.. بس بعدين اتأكدت انه من خيالي..
فاطمه: من متى وانتي تدرين بها السالفه وانه خلاص كل شي انتهى وانا ماشوفج الا كل يوم تذبلين اكثر عن اليوم اللي قبله..
شما: فطوم يمكن من الدراسه..
فاطمه: انتي متاكده انه ها السالفه مب مأثره عليج..
شما: أثرت وخلاص.. شهرين وانا اعاني والحينه خلاص..
فاطمه: ياما نصحتج وقلتلج.. والله كنت خايفه عليج .. والصراحه كنت متوقعه انج تودرين رباعتنا ..
شما: معقوله.. يالله يا فطوم جيه طايحه من عينج انا ها الكثر..
فاطمه: لا فديتج.. بس كنت احسبج متعلقه بعلي اكثر مني.. حليلي كنت اغار..
شما: (تبتسم وتوخي..) خلينا نسير عند حصوه وشيخوه..
فاطمه: والله تبين اتسيرين..
شما: ليش لا..
فاطمه: مادري كنت اتحراج تضايقين من وجود حصه..
شما: لاوالله.. هيه شو ذنبها..
فاطمه: خلاص يلا سرنا..
ويوم سارن تيلسن كلهن ع الارض ودقن سوالف ولاول مره شما تضحك وتسولف من عقب ما كانت حاكمه على عمرها بالكآبه المؤبدة.. ولكن خلاص .. افرجت عن نفسها ورضخت لواقعها ..
شيخه: يلا وحده منكن تشل..
فاطمه: شموه حلو صوتها..
حصه: هيه يلا شموه شليلنا..
شما: يالله مب لذاك الزود صوتي..
فاطمه: يالجذوب.. يلا شلي..
شما: احم .. انزين اي شله تبن..
شيخه: ع ذوقج..
شما وهيه اطالعهن وابتسمت.. : يقول الشاعر.. كح كح..
حصه: حلفي انتي كح كح يقول..
شما: هاهاها انزين .. (ووخت براسها وقامت تشل..) نادم على الحب والله لي يعوظني.. واللي جرى شي لازم من زمن يجري.. ماهي بمنك ولكن صدق هيه مني.. ياما تحملت كني ماسمع ولادري..
صحيح حبك قدر من قبل يملكني ويفوت سنين من عمري على عمري.. بس الليالي كفيله بك ينسني وان مانسى القلب شلته من قفص صدري..
لا بد في يوم ما تندم وتذكرني.. وتحطلي عذر في بعدي وفي صبري.. هذي النهايه واقول اليوم سامحني خلاص حبك رميته من ورى ظهري.. وسوالم..( وتمت اموخيه لانه عيونها امتزرن دموع بس حاولت قد ماتقدر انها تهدي نفسها..ويوم طالعت البنات قامت تنقل نظرها لحصه وشيخه وما تتطالع فطوم لانها ماتبى تسوي للامر اهميه وتعرف انه فطوم فهمت مقصدها من هاي الشله..)
شيخه: صح لسااانج.. بس جنج كلتي مقطع بكبره..
شما: هه لا انا ماحبه ها المقطع..
حصه: ماشالله عليج.. يجنن صوتج..
فاطمه وهيه قابضه بايد شما: شمووه غنيلنا ها المره شي ربشه .. يلا اشوفج..
شما: هيهيهيهي انزين يلا.. عليهوم يا الربع...
فاطمه: علييهووم..
حصه: ياها العليهوم اللي مب فاهمه شو تقصدبها..(واطالعهن وهيه عاويه الراس...)

ـــــ يوم الاربعا ومثل كل اربعا الكل ينزل من دواماته ويرد بلاده.. فدربه للبيت كان سعيد متاكي على السيت ودريولهم يسوق.. دق تيلفونه وشاف انه علي داقله وعلى طول رد عليه..
سعيد: يامرحبا الساع..
علي: مرحب باجي.. وشحاله..
سعيد: بخير وسهاله..
علي: وعلوومه..
سعيد: علوم الخير .. شحالك انته..
علي: بخير طاب حالك.. ها وين انته,,
سعيد: راد البيت بتيني..
علي: منايا والله..
سعيد: يحليلك يا بوحسون.. عزمتوا اتون العيد..
علي: هيه انشالله..
سعيد: زين زين ياريال.. والله البقعه هب شي بلاك..
علي: ادري والله..
سعيد: وياويهك..شو علوم الربع مناك..
علي: كلهم بخير ويسلمون عليك..
سعيد: ربي يسلمهم..
علي: من صوتك باين عليك تعبان..
سعيد: شوية ارهاق بس..
علي: من شوه..
سعيد: مادري ياخوك.. مستوي مارقد.. عيوني ماتجفي..
علي: اوووف والله حاله.. رايح فيها روحه الحبيب..
سعيد: جب .. يلا مناك..
علي: هاهاهاها.. يوم انته متولع ها الكثر سير اخطبها..
سعيد فخاطره( يلييت اقدر..): مايوز انخطب قبلك .. يوم بتخطب انا بخطب..
علي: ييه درب عيل.. بتتريا وايد..
سعيد: يالله..
علي: هيه والله.. احسب للخطيبه لين تخلص مدرسه وعقب جامعه.. مشواار طوييل..
سعيد: ها مدرسه.. كيف يعني.. (وهو معتفس..)
علي: هاهاها يالله تستر علينا.. مب قايللك محيريلي بنت عمي..
سعيد: انزين منو منهن
علي: بلاك خديه انته اليوم.. انقولك بعدها تدرس يعني من غير حصوه..
سعيد: احلف..
علي: بسم الله .. بلاك..
سعيد وهو يحس بطااقه فضيعه تسري فجسمه: علوه قول الصدق.. تقص عليه ولا شو..
علي: وشله اقص عليك.. صدق ابويه يباها حقي..
سعيد من فرحته ووناسته بغى يصرخ يزاعج أي شي يسويه المهم يطلع ها الطاقه اللي فييه.. وتم داق علوم ويا علي وهو صدق منجلب حاله من التعب والارهاق لواحد مفعم بالنشاط وحتى الدريول لاحظ ها الشي وتم يضحك على الحشره اللي مسونها سعيد..
الدريول: شو ها سعيد .. اذن مال انا بيستوي خربان..
سعيد: هاهاهاها حليلك يا بو الشباب .. عادي خلها تخترب اليوم .. فرحه فرحه اليوم..
الدريول: هذا كله مشان علي سوي تيلفون..
سعيد: نااااعم طال عمرك..
الدريول: موشكله والله .. (وتم يتحرطم ع سعيد اللي مازال مشقق من الوناسه ومب عارف كيف يطلع ها الوناسه كلها الا بتلعويزه للدريول )
الدريول: غير مره يطلع من كليه انا مافي جيب انته.. ركب تاكسي وتعال مفهوم..يلا نزل وصلنا بيت..
سعيد: هاهاهاها فالك طاايب...
الدريول: يلا نزل بسير جمعيه..
سعيد: خشمك انزين..(وخاشمه والهندي عايبنه حد مقدر منه ويضحك )
ودخل سعيد البيت وهو يغني ويطرب وايول ويناقز وينطط .. شيخوه يوم شافته استنكرت ها الحال..
شيخه: بسم الله بلاك داقنك الهوى.. الناس اتي وتسلم..
سعيد وهو يلوي ع شيخه: فديت روحج والله احبج انا.. امايه وين..
شيخه معقده الحيات: من وين طلع ها الحب كله.. امايه داخل حجرتها..
وسار سعيد عند امه..
شيخه: الحمدلله والشكر.. ببدلة الكلية وياي ايول..(ولحقته عند امهم..)
سعيد وهو يدخل...
سعيد: السلاام عليج يا احلى ام فالكون كله..
ام سعيد: وعليك السلام والرحمه ..
(ووخى عليها وحبها عراسها ويلس مجابلنها..)
سعيد: وشحاالها العيوز..
ام سعيد: بخير الحمدلله .. شحالك انته وليدي.. شو ماشالله راد مبسوط اليوم..
سعيد وهو يطيح و يحط راسه ع ريولها: يالله ياامايه حد يسمعله ها الخبرالحلو اليوم وما ينبسط منه..
ام سعيد: وشو ها الخبر هو..(وهيه تمسح ع راسه..)
سعيد: لا سر ماينقال لحد..
شيخه : يويلنا ع الاسرار..
سعيد: جب انتي.. اخر وحده اترمسني انتي..
ام سعيد: عوذ بالله جيه شو مسوتلك اختك..
سعيد: ماشي ماشي..
شيخه: مامدانا توك تلوي عليه وتعلن الحب ليه والحينه ماتبى ترمسني..
سعيد وهو يطالع امه: امايه مزهبيلي اليعده وله.. طول ها الاسبوع جبدي لايعه ومالي خاطر لاكل..
شيخه: وياي تناقز ماصارت هاي..
سعيد: امايه طبي حلج بنتج..
ام سعيد: بس سكتي عنه..
سعيد: هيه حق امايه علي يسلم عليج..
ام سعيد: الله يسلمه من كل شر.. شحاله هو.. وشو هباته هناك..
سعيد: بخيرر ومايشكي باس.. بيي انشالله قريب..
ام سعيد: هيه .. زين عيل بتستانس عمتك..
سعيد: الا اقول امايه .. صدق هو علي محيريله بنت عمه..
شيخه: والخيبه شدراااك انته..